IPL 2024 DC VS CSK Dhoni Five Records : ఐపీఎల్ 2024లో భాగంగా వైజాగ్ వేదికగా దిల్లీ క్యాపిటల్స్తో జరిగిన మ్యాచ్లో చెన్నై సూపర్ కింగ్స్ ధోనీ బౌండరీలు బాదుతూ హోరెత్తించాడు. చివర్లో వచ్చి సిక్సర్ల వర్షం కురిపించాడు. ఈ సీజన్లో ఇదే అతడికి తొలి మ్యాచ్. అయితే ఈ ఒక్క ఇన్నింగ్స్లోనే మహీ ఐదు రికార్డులను సాధించాడు. అదేంటంటే?
- టీ20 క్రికెట్‌లో 7000 పరుగులు సాధించిన తొలి ఆసియా వికెట్ కీపర్‌గా మహీ రికార్డు క్రియేట్ చేశాడు.
- ఓ ఓవర్‌లో 20 లేదా 20కు పైగా పరుగులను అత్యధిక సార్లు చేసిన భారత క్రికెటర్‌గా నిలిచాడు.
- 19, 20వ ఓవర్లలో 100 సిక్సర్లు బాదిన తొలి క్రికెటర్‌గా మరో రికార్డును ఖాతాలో వేసుకున్నాడు.
- ఐపీఎల్‌లో 5000 పరుగులు పూర్తి చేసిన తొలి వికెట్ కీపర్గానూ ఘనత సాధించాడు.
- వికెట్ కీపర్గానూ మహీ మరో ఘనతను సాధించాడు. టీ20 క్రికెట్ చరిత్రలో 300 వికెట్లు సాధించడంలో పాలు పంచుకున్న తొలి వికెట్ కీపర్‌గా నిలిచాడు.
ధోనీ కోసం స్పెషల్ వీడియో - ఇకపోతే వైజాగ్ వేదికగా జరిగిన ఈ మ్యాచ్లో ఎంఎస్ ధోనీ ధనాధన్ ఇన్నింగ్స్ ఆడినప్పటికీ సీఎస్కే ఓడిపోయింది. 20 పరుగులు తేడాతో రిషభ్ పంత్ కెప్టెన్సీలోని దిల్లీ క్యాపిటల్స్ విజయం సాధించింది. కానీ ఫ్యాన్స్ మాత్రం అస్సలు కొంచెం కూడా బాధపడలేదు. ఎందుకంటే ధోనీ వింటేజ్ మహీని గుర్తు చేస్తూ సునామీ ఇన్నింగ్స్ ఆడటమే ఇందుకు కారణం. ఇంకా చెప్పాలంటే అది చెన్నై జట్టుకు హోం గ్రౌండ్ కాకపోయినప్పటికీ మహీ కోసమే మ్యాచ్‌కు వచ్చామా? అన్నట్లుగా వాతావరణం అంతా మారిపోయింది. ప్రేక్షకులు ధోనీ నామస్మరణతో మైదానాన్ని హోరెత్తించారు. ఈ క్రమంలో వైజాగ్ స్టేడియంలో మహీ ఎంట్రీ నుంచి అతడి బ్యాటింగ్‌ దిగినంత వరకు జరిగిన మూమెంట్స్ను జత చేసి ఓ స్పెషల్ వీడియోను ఐపీఎల్ నిర్వాహకులు తమ అధికార సోషల్ మీడియాలో పోస్ట్ చేశారు. అది కూడా నెటిజన్లను బాగా ఆకట్టుకుంటోంది. దాన్ని మీరు చూసేయండి.
కోహ్లీ, ధోనీ ఇద్దరూ ఇద్దరే - మోత మోగించేశారు! - Dhoni Kohli
ఐపీఎల్ 2024 @10 డేస్ - హిట్ ఫ్లాప్ ప్రదర్శనలు ఇవే! - IPL 2024
