శ్రీజేశ్​కు అరుదైన గౌరవం- జెర్సీ నెం.16ని రిటైర్ చేసిన హాకీ ఇండియా - P R Sreejesh Jersey

P R Sreejesh Jersey: స్టార్ గోల్ కీపర్ పీ ఆర్ శ్రీజేశ్​ జెర్సీ నెం.16ని హాకీ ఇండియా రిటైర్ చేసింది. ఈ మేరకు బుధవారం అఫీషియల్​ అనౌన్స్​మెంట్ చేసింది.

P R Sreejesh Jersey: భారత హాకీ జట్టు స్టార్ గోల్ కీపర్ పీఆర్ శ్రీజేశ్​ జెర్సీ నెం.16ని రిటైర్ చేస్తున్నట్లు ఇండియా హాకీ తాజాగా ప్రకటించింది. జట్టుకు శ్రీజేశ్ అందించిన సేవలకుగాను హాకీ ఇండియా ఈ నిర్ణయం తీసుకుంది. ఇకపై పురుషుల సీనియర్ టీమ్​లో ఈ నెంబర్ జెర్సీని మరొకరికి కేటాయించరు. కానీ, జూనియర్ హాకీ జట్టులో మాత్రం యాథావిధిగా నెం. 16 జెర్సీ ఉండనుంది. ఈ మేరకు హాకీ ఇండియా జనరల్ సెక్రటరీ భోళా నాథ్ సింగ్ బుధవారం ఓ ప్రకటనలో పేర్కొన్నారు.

'పురుషుల సీనియర్ హాకీ టీమ్ నుంచి శ్రీజేశ్ జెర్సీ నెం.16ను రిటైర్ చేస్తున్నాం. ఇకపై ఈ నెంబర్ జెర్సీ ఇంకెవరికీ ఉండదు. అయితే జూనియర్ హాకీ జట్టులో మాత్రం నెం.16 జెర్సీ కనిపిస్తుంది. ఇక శ్రీజేశ్ ఇప్పుడు జూనియర్ హాకీ టీమ్ కోచ్​గా బాధ్యతలు స్వీకరించనున్నాడు. అతడు మరికొంత మందిని శ్రీజేశ్​గా తీర్చిదిద్దాల్సి ఉంది' అని నాథ్ సింగ్ అన్నారు.

🇮​​🇨​​🇴​​🇳​​🇮​​🇨​ ​🇯​​🇪​​🇷​​🇸​​🇪​​🇾​ ​🇳​​🇴​ 1️⃣6️⃣ ​🇳​​🇴​​🇼​ ​🇼​​🇮​​🇱​​🇱​ ​🇳​​🇴​​🇼​ ​🇧​​🇪​ ​🇦​ ​🇵​​🇦​​🇷​​🇹​ ​🇴​​🇫​ ​🇮​​🇳​​🇩​​🇮​​🇦​​🇳​ ​🇭​​🇴​​🇨​​🇰​​🇪​​🇾​ ​🇫​​🇴​​🇱​​🇰​​🇱​​🇴​​🇷​​🇪​.

Hockey India has decided to retire the Jersey… pic.twitter.com/MCv4VtSnZe

— Hockey India (@TheHockeyIndia) August 14, 2024

కాగా, గత రెండు ఒలింపిక్స్ (టోక్యో, పారిస్)​లో టీమ్ఇండియా కాంస్యం సాధించడంలో శ్రీజేశ్ కీలక పాత్ర పోషించాడు. ఈ నేపథ్యంలో హాకీ ఇండియా తరఫున శ్రీజేశ్​కు బుధవారం ఘనంగా సన్మాన కార్యక్రమాన్ని నిర్వహించారు. ఈ కార్యక్రమానికి శ్రీజేశ్ తన కుటుంబ సభ్యులతోపాటు హాజరయ్యాడు. ఇక దాదాపు రెండు దశాబ్దాలకుపైగా టీమ్ఇండియాకు ప్రాతినిధ్యం వహించిన శ్రీజేశ్, ఇప్పటివరకు 300కు పైగా అంతర్జాతీయ మ్యాచ్‌లు ఆడాడు. ఇక పారిస్ ఒలింపిక్స్​కు ముందు ఆటకు వీడ్కోలు పలికాడు. విశ్వ క్రీడలో ఆడిన తన సుదీర్ఘ కెరీర్​లో ఆఖరి మ్యాచ్.

The stage is set to celebrate Sreejesh’s incredible achievements in hockey#IndiaKaGame #HockeyIndia
.
.
.
.@CMO_Odisha @IndiaSports @Media_SAI @sports_odisha @Limca_Official @CocaCola_Ind pic.twitter.com/bAEG8IiupW

— Hockey India (@TheHockeyIndia) August 14, 2024

పారిస్ ఒలింపిక్స్​లో కాంస్యం సాధించిన భారత హాకీ జట్టు అరుదైన ఘనత సాధించింది. దాదాపు 52ఏళ్ల తర్వాత బ్యాక్ టు బ్యాక్ ఒలింపిక్ పతకాలు నెగ్గింది. టోక్యోకు ముందు చివరి సారిగా భారత్ మాస్కో (1980) ఒలింపిక్స్‌లో గోల్డ్​ మెడల్​ సాధించింది. అనంతరం హాకీలో భారత్‌ నాలుగు దశాబ్దాల పాటు పేలవ ప్రదర్శనను కొనసాగించింది. ఆ తర్వాత మళ్లీ టోక్యోలో(2021), 2024 పారిస్ ఒలింపిక్స్​లో పతకాలు సాధించి హాకీకి మళ్లీ ఊపిరి పోసినట్లైంది.

P.R. Sreejesh 🅼🅱️🅱️🆂

Miya
Biwi
Baccho
Samit#IndiaKaGame #HockeyIndia #SreejeshFelicitation #ThankYouSreejesh
.
.
.
.@CMO_Odisha @IndiaSports @Media_SAI @sports_odisha @Limca_Official @CocaCola_Ind pic.twitter.com/pjHGE3tTXx

— Hockey India (@TheHockeyIndia) August 14, 2024