Hardik Pandya Gujart Titans IPL 2024 : టీమ్ఇండియా స్టార్ బ్యాటర్, ముంబయి ఇండియన్స్ ప్రస్తుతం కెప్టెన్ హార్దిక్ పాండ్యపై కీలక వ్యాఖ్యలు చేశాడు ఆస్ట్రేలియా మాజీ స్పిన్నర్ బ్రాడ్ హాగ్. హార్దిక్ లేకుండానే గుజరాత్ జట్టు స్ట్రాంగ్గా ఉందని అభిప్రాయపడ్డాడు. పాండ్య వెళ్లిపోవడం గుజరాత్కు అంత పెద్ద నష్టం అని తాను అనుకోనని చెప్పాడు. అయితే మిడిల్ ఆర్డర్లో పాండ్య నాణ్యమైన ఆల్రౌండర్ అన్న బ్రాడ్ హాగ్, కానీ గుజరాత్ జట్టు దాన్ని కవర్ చేయగలదని పేర్కొన్నాడు. వారికి మంచి బ్యాటింగ్ లైన్ కూడా ఉందని తెలిపాడు. అయితే ఇంతకుముందు హార్దిక్ టాప్ ఆర్డర్లో బ్యాటింగ్ చేసేవాడని, కానీ అతడు ఆ స్థానంలో సరిపోడని బ్రాడ్ అన్నాడు. కాబట్టి పాండ్య లేకుండానే గుజరాత్ టైటాన్స్ మెరుగ్గా ఉంది అని హాబ్ అభిప్రాయం వ్యక్తం చేశాడు.
హార్దిక్ పాండ్య కెప్టెన్సీలో గుజరాత్ టైటాన్స్ 2022 ఐపీఎల్ టైటిల్ను సొంతం చేసుకుంది. 2023 సీజన్లో ఫైనల్‌ వరకు దూసుకెళ్లి చెన్నై సూపర్ కింగ్స్ చేతిలో ఓడిపోయి రన్నరప్‌గా నిలిచింది. అయితే, 2024 ఐపీఎక్కు ముందు జరిగిన ట్రేడింగ్లో హార్దిక్ పాండ్య ముంబయి ఇండియన్స్ జట్టులోకి వచ్చాడు. అయితే జట్టులో పాండ్యకు సరైన ప్రత్యామ్నాయాన్ని గుజరాత్ వెతకడం లేదని ఆందోళన నెలకొన్న నేపథ్యంలో హాగ్ ఈ వ్యాఖ్యలు చేశాడు. అయితే ప్రస్తుత ముంబయి జట్టులో హార్దిక్ లోయర్ మిడిల్ ఆర్డర్లో ఆడితే మంచిదని, పాండ్య అలాగే చేస్తాడని ఆశాభావం వ్యక్తం చేశాడు.
మరోవైపు క్రికెట్‌ అభిమానులను అలరించేందుకు ఈసారి ఐపీఎల్-2024 మెగా సమరం సిద్ధమవుతోంది. ఈనెల 22 నుంచి ఐపీఎల్ 17వ సీజన్ ప్రారంభం కానుంది. టైటిల్ గెలవడమే లక్ష్యంగా తమ తమ వ్యూహాలకు పదును పెడుతూ అన్ని జట్లు ఇప్పటికే ప్రాక్టీస్‌ను మొదలుపెట్టేశాయి. మార్చి 22న తొలి మ్యాచ్లో డిఫెండింగ్ ఛాంపియన్ సీఎస్కేతో రాయల్ ఛాలెంజర్స్ బెంగళూరు పోటీ పడనుంది. అయితే 2008లో ఐపీఎల్ స్టార్ట్ అయిన నాటి నుంచి ఆర్సీబీ ఒక్కసారి కూడా టైటిల్ అందుకోలేదు. అయితే ఈసారి ఎలాగైనా ఎంతో కాలంగా ఎదురుచూస్తున్న కళ సాకారం చేసుకోవాలని బెంగళూరు జట్టు ఉవ్విళ్లూరుతోంది.
WPL 2024 : చావోరేవో మ్యాచ్లో యూపీ ఓటమి- ప్లేఆఫ్ ఆశలు గల్లంతే
ఐపీఎల్ ఫీవర్- ఆ 5 జట్ల సారథులైతే మారారు- మరి రిజల్ట్స్ సంగతేంటి?
