Cheteshwar Pujara Border Gavaskar Trophy : మరో మూడు రోజుల్లో బోర్డర్- గావస్కర్ ట్రోఫీ ప్రారంభం కానుంది. నవంబర్ 22న పెర్త్ వేదికగా ఆస్ట్రేలియా- భారత్ మధ్య తొలి టెస్టు మొదలు కానుంది. అయితే ఈ ప్రతిష్ఠాత్మక సిరీస్కు ముందే టీమ్ఇండియాకు ఆందోళన మొదలైంది. వ్యక్తిగత కారణాల వల్ల రెగ్యులర్ కెప్టెన్ రోహిత్ శర్మ తొలి టెస్టుకు దూరం కానుండగా, యంగ్ బ్యాటర్ శుభ్మన్ గాయం వల్ల అందుబాటులో ఉండడం లేదు. దీంతో ఫ్యాన్స్లో ఆందోళన నెలకొంది. ఇలాంటి సమయంలో టీమ్ఇండియా నయా వాల్ ఛెతేశ్వర్ పుజారా ఆస్ట్రేలియాకు పయనమైనట్లు వార్తలు వస్తున్నాయి. మరి ఆసీస్లో పుజారా ఏం చేయనున్నాడు?
బోర్డర్- గావస్కర్ ట్రోఫీకి టీమ్ఇండియా జట్టులో పుజారాను బీసీసీఐ ఎంపిక చేయలేదు. దీంతో సీనియర్ ప్లేయరైన పుజారా ఒక్క అవకాశం ఇస్తే బాగుండేది అనే అభిప్రాయాలు వినిపించాయి. అయితే గిల్ గాయం తర్వాత అతడికి రిప్లేస్మెంట్ ఎవరో బీసీసీఐ ఇంకా ప్రకటించలేదు. ఈ నేపథ్యంలో పుజారా ఆస్ట్రేలియా ఫ్లైట్ ఎక్కాడని, తొలి టెస్టు సందర్భంగా పెర్త్లో అతడు కనిపించనున్నాడని ప్రచారం సాగుతోంది. దీంతో పుజారా జట్టులో చోటు దక్కించుకున్నాడని ఫ్యాన్స్ సంబరపడిపోతున్నారు. గిల్ రిప్లేస్మెంట్ పుజారానే అని భావిస్తున్నారు.
కానీ, పుజారా వెళ్లింది మాత్రం మ్యాచ్ ఆడేందుకు కాదట. ఈ టెస్టు సిరీస్లో కామెంటరీ చేయడానికి అని సమాచారం. ఈ సిరీస్ను లైవ్ టెలికాస్ట్ చేస్తున్న స్టార్ స్పోర్ట్స్ ఛానెల్లో పుజారా హిందీ కామెంటేటర్గా వ్యవహరించనున్నాడని తెలుస్తోంది. అంటే పుజారా పెర్త్ వెళ్లినప్పటికీ మైదానంలో కాకుండా, కామెంటరీ బాక్స్లో కనిపిస్తాడన్న మాట. అయితే ఈ విషయంపై క్లారిటీ రావాల్సి ఉంది.
ఇక 2023 డబ్ల్యూటీసీ ఫైనల్ తర్వాత పుజారా మళ్లీ టెస్టు జట్టులో చోటు దక్కించుకోలేదు. అప్పట్నుంచి డొమెస్టిక్ టోర్నీల్లో పుజారా రాణిస్తున్నప్పటికీ సెలక్టర్ల పిలుపు అందుకోలేదు. కాగా, తన సుదీర్ఘ కెరీర్లో పుజారా టీమ్ఇండియా తరఫున 103 అంతర్జాతీయ టెస్టు ఆడాడు. అందులో 43.60 సగటున 7195 పరుగులు చేశాడు. 19 సెంచరీలు, 35 హాఫ్ సెంచరీలు బాదాడు.
'టీమ్ఇండియాలో పూజారాకు ఇంకా ప్లేస్ ఉంది- జట్టుకు అతడు అవసరం!'
25వ రంజీ సెంచరీ బాదిన పుజారా - బ్రియాన్ లారా రికార్డ్ బ్రేక్
