Nita Ambani Praises Rohith Sharma Hardik in Anant Ambani Sangeeth Celebrations : రిలయన్స్ ఇండస్ట్రీస్‌ అధినేత ముకేశ్ అంబానీ ఇంట పెళ్లి సందడి అంగరంగ వైభవంగా కొనసాగుతున్న సంగతి తెలిసిందే. ఆయన చిన్న కుమారుడు అనంత్‌ అంబానీ-రాధికా మర్చెంట్‌ పెళ్లి మరి కొద్ది రోజుల్లో జరగనుంది. ఈ వేడుకలో అంబానీ కుటుంబం ఆనందోత్సాహాలు అంబరాన్నంటాయి.
తాజాగా సంగీత్ సెలబ్రేషన్స్ కూడా గ్రాండ్గా జరిగాయి. ఈ వేడుకకు బాలీవుడ్‌ సెలబ్రిటీలు సల్మాన్‌ ఖాన్‌, విక్కీ కౌశల్‌, కియారా ఆడ్వాణీ-సిద్ధార్థ్‌ మల్హోత్రా, రణ్‌వీర్‌ సింగ్-దీపికా పదుకొణె, అలియాభట్‌-రణ్‌బీర్‌ కపూర్‌తో పాటు మజీ కెప్టెన్ మహేంద్ర సింగ్ ధోనీతో పాటు టీ20 వరల్డ్ కప్ 2024 విన్నింగ్ టీమ్ భారత జట్టులోని కొంతమంది ప్లేయర్స్ కూడా హాజరై సందడి చేశారు.
అయితే ఈ వేడుకలో వరల్డ్ కప్ విన్నింగ్ హీరోలైన క్రికెటర్లను ప్రత్యేకంగా అభినందించారు రిలయన్స్ ఫౌండేషన్ ఛైర్పర్సన్ నీతా అంబానీ. టీమ్ఇండియా కెప్టెన్ రోహిత్ శర్మ, సూర్యకుమార్, హార్దిక్ పాండ్యకు గుమ్మడికాయపై కర్పూరం వెలిగించి దిష్టి తీయించారు.
అనంతరం క్రికెటర్లు, నీతా అంబానీతో కలిసి అమ్మవారి దగ్గర ఆశీర్వాదం తీసుకుని హారతి అందుకున్నారు. ఆ తర్వాత క్రికెటర్లను ఒకరి తర్వాత మరొకరిని స్టేజ్పై పిలిచి మరీ ఫైనల్ మ్యాచ్లో వారి ప్రదర్శనను గుర్తు చేస్తూ ప్రశంసించారు నీతా అంబానీ.
ప్రముఖంగా పాండ్య గురించి ప్రస్తావించారు. "క్లిష్టమైన పరిస్థితులు ఎప్పుడూ ఉండవు. కానీ, వాటికి ఎదురు నిలిస్తేనే ముందుకు సాగగలరు" అంటూ పాండ్యపై వచ్చిన విమర్శలను ఉద్దేశించి పేర్కొన్నారు. అలానే స్టేజ్పైకి వచ్చిన తర్వాత ముకేశ్ అంబానీ కూడా క్రికెటర్లను అభినందించారు. 2011 తర్వాత వరల్డ్ కప్ను దేశానికి అందించి దేశం గర్వపడేలా చేశారంటూ ప్రశంసించారు.
వేడుకకు హాజరైన మిగతా అథితులు వరల్డ్ కప్ విన్నింగ్ హీరోలకు స్టాండింగ్ ఓవేషన్ కూడా ఇచ్చారు. లేచినిలబడి చప్పట్లు కొడుతూ అభినందించారు. ప్రస్తుతం దీనికి సంబంధించిన వీడియో సోషల్ మీడియాలో తెగ వైరల్ అవుతోంది. ఫ్యాన్స్ దీన్ని తెగ షేర్ చేస్తున్నారు.
#WATCH | During the Sangeet celebrations of Anant Ambani and Radhika Merchant, Chairperson of Reliance Foundation Nita Ambani called Team India captain Rohit Sharma and cricketers Suryakumar Yadav, Hardik Pandya on stage and the whole gathering applauded the World Cup winning… pic.twitter.com/yWF4NDw1uj
— ANI (@ANI) July 6, 2024
100 అడుగుల ధోనీ కటౌట్‌ - తెలుగు ఫ్యాన్స్ అభిమానం
యాంకర్లతో క్రికెటర్ల లవ్స్టోరీలు- ఈ జోడీలు సూపర్ హిట్ బాస్! - Cricketers Marry Sports Anchors
