Nitish Kumar Reddy Records : ఆస్ట్రేలియాతో జరుగుతున్న బాక్సింగ్ డే టెస్టులో టీమ్ఇండియా యువ బ్యాటర్ నితీశ్ కుమార్ రెడ్డి సెంచరీ (105*, 176 బంతుల్లో )తో అదరగొట్టాడు. ఆసీస్ పేసర్ బోలాండ్ ఓవర్లో ఫోర్తో నితీశ్ సెంచరీ పూర్తి చేశాడు. నితీశ్ కెరీర్లో ఇదే తొలి అంతర్జాతీయ సెంచరీ కావడం విశేషం. అయితే టీమ్ఇండియా యంగ్ డైనమైట్ నితీశ్ తొలి సెంచరీతోనే పలు రికార్డులు ఖాతాలో వేసుకున్నాడు. అవేంటో ఈ స్టోరీలో తెలుసుకుందాం.
ఒకే ఒక్కడు : ప్రస్తుత బోర్డర్- గావస్కర్ ట్రోఫీలో నితీశ్ మొత్తం 8 సిక్స‌ర్లు బాదాడు. దీంతో ఆస్ట్రేలియాలో సింగిల్ టెస్టు సిరీస్లో అత్యధిక సిక్సులు కొట్టిన తొలి భార‌తీయ ఆట‌గాడిగా రికార్డు సృష్టించాడు. ఈ క్రమంలో ఇంగ్లాండ్ ప్లేయర్ మైఖేల్ వాన్, క‌రేబియ‌న్ ఆటగాడు క్రిస్ గేల్ స‌ర‌స‌న నితీశ్ రెడ్డి చేరాడు. ఆస్ట్రేలియాలో 2002-03 యాషెస్ సిరీస్లో వాన్ 8 సిక్సులు కొట్ట‌గా, 2009-10 ఆసీస్ ప‌ర్య‌ట‌న‌లో గేల్ కూడా 8 సిక్సులే నమోదు చేశాడు.
అతిపిన్న వయస్కుడిగా : నంబర్ 8 లేదా ఆ తర్వాతి స్థానంలో బ్యాటింగ్కు వచ్చి సెంచరీ చేసిన అతిపిన్న వయస్కుడైన మూడో ప్లేయర్గా నితీశ్ కుమార్ ఘనత సాధించాడు. శనివారానికి (డిసెంబర్ 28) నితీశ్ వయసు సరిగ్గా 21 ఏళ్ల 216 రోజులు. ఈ లిస్ట్లో బంగ్లాకు చెందిన అబుల్ హసన్ (20 ఏళ్ల 108 రోజులు) 8 లేదా తర్వాతి స్థానంలో వచ్చి సెంచరీ బాదిన అతిపిన్న వయస్కుడిగా ఉన్నాడు. ఇక భారత మాజీ ఆటగాడు అజయ్ రాత్రా 20 ఏళ్ల 150 రోజుల్లోనే ఈ ఫీట్ సాధించి రెండో స్థానంలో ఉన్నాడు.
మూడో ప్లేయర్గా : ఆసీస్పై టెస్టుల్లో సెంచరీ చేసిన అతి పిన్న వయస్కుడైన భారత మూడో ప్లేయర్గానూ నితీశ్ నిలిచాడు. అతడి కన్నా ముందు సచిన్, రిషబ్ పంత్ మాత్రమే ఆసీస్పై తక్కువ వయసులో సెంచరీ చేసిన ప్లేయర్లుగా ఉన్నారు. 1992లో సిడ్నీలో ఆస్ట్రేలియాతో జరిగిన టెస్టులో 18 ఏళ్ల 256 రోజుల వయసులో సచిన్ సెంచరీ చేశాడు. ఇక 2019లో రిషబ్ పంత్ సిడ్నీ టెస్టులో సెంచరీ బాదాడు. అప్పటికి పంత్ వయసు 21 ఏళ్ల 92 రోజులు.
తొలి బ్యాటర్గా : మెల్‌ బోర్న్‌ క్రికెట్ గ్రౌండ్లో నెంబరు 8లో బ్యాటింగ్కు వచ్చి టెస్ట్ సెంచరీ కొట్టిన తొలి బ్యాటర్గా నితీశ్ రికార్డు సృష్టించాడు. అలాగే నంబరు 8 లేదా ఆ తర్వాతి స్థానంలో బ్యాటింగ్కు వచ్చి ఆసీస్ గడ్డపై సెంచరీ చేసిన ఐదో బ్యాటర్గానూ నితీశ్ నిలిచాడు. నితీశ్ కంటే ముందు జెర్రీ అలెగ్జాండర్ (1961), ఆడమ్ పరోర్ (2001), మాట్ ప్రియర్ (2011), యాసిర్ షా (2019) మాత్రమే ఈ ఫీట్ అందుకున్నారు.
𝐓𝐞𝐚𝐫𝐬 𝐨𝐟 𝐣𝐨𝐲 𝐡𝐚𝐯𝐞𝐧’𝐭 𝐬𝐭𝐨𝐩𝐩𝐞𝐝 𝐫𝐨𝐥𝐥𝐢𝐧𝐠.
— BCCI (@BCCI) December 28, 2024
The Reddy family has been a bundle of emotions today. Witness the magical moment as they embrace Nitish after he wowed the world with his extraordinary maiden Test century at the MCG.
A day etched in memories… pic.twitter.com/uz9mrASuRm
కుంబ్లే రికార్డ్ బ్రేక్ : ఆస్ట్రేలియాలో నంబరు 8 లేదా ఆ తర్వాతి స్థానాల్లో బ్యాటింగ్కు వచ్చి అత్యధిక స్కోరు నమోదు చేసిన భారత క్రికెటర్గానూ నితీశ్ చరిత్రకెక్కాడు. ఈ క్రమంలో అనిల్‌ కుంబ్లే పేరిట ఉన్న ఆల్‌ టైమ్‌ రికార్డును నితీశ్ బద్దలు కొట్టాడు.
ఆసీస్ గడ్డపై 8 లేదా ఆ తర్వాతి స్థానాల్లో అత్యధిక స్కోరు చేసిన భారత క్రికెటర్లు
- నితీశ్ కుమార్ రెడ్డి- మెల్‌ బోర్న్‌ (2024)- 105 రన్స్
- అనిల్‌ కుంబ్లే- అడిలైడ్‌- 2008- 87 రన్స్
- రవీంద్ర జడేజా- సిడ్నీ- 2019- 81 రన్స్
- కిరణ్‌ మోరే- మెల్‌ బోర్న్‌- 1991- 67 రన్స్
- శార్దూల్‌ ఠాకూర్‌- బ్రిస్బేన్‌- 2021- 67 రన్స్
What a moment this for the youngster!
— BCCI (@BCCI) December 28, 2024
A maiden Test 100 at the MCG, it does not get any better than this 👏👏#TeamIndia #AUSvIND pic.twitter.com/KqsScNn5G7
నితీశ్ ది సేవియర్- ఫాలో ఆన్ తప్పించిన తెలుగోడు- పుష్ప స్టైల్లో సెలబ్రేషన్స్
నితీశ్ 'వైల్డ్ ఫైర్ ఇన్నింగ్స్'- కెరీర్లో తొలి సెంచరీ- కంగారూల గడ్డపై తెలుగోడి సత్తా
