CM Revanth Review on Bhuvanagiri Lok Sabha : పార్లమెంటు ఎన్నికల నేపథ్యంలో కాంగ్రెస్ పార్టీ తన వ్యూహాలకు పదునుపెడుతోంది. ఒకవైపు నుంచి బీజేపీ, బీఆర్ఎస్ పార్టీలు ఇప్పటికే ప్రచారాన్ని మొదలు పెట్టగా ఆ రెండు పార్టీల దూకుడుకు కళ్లెం వేసేందుకు హస్తం పార్టీ ప్రత్యేక ప్రణాళికలను రచిస్తోంది. ఇందులో భాగంగా ఎప్పటికప్పుడు కార్యకర్తలను, నేతలను మేల్కొపుతూ నియోజకవర్గాల వారీగా సీఎం రేవంత్ రెడ్డి(CM Revanth Reviews) వరుస సమీక్షలతో బిజీబిజీగా గడుపుతున్నారు.
ఈసారి ఎలాగైనా తెలంగాణ నుంచి కాంగ్రెస్ 14 స్థానాల్లో విజయం సాధించాలని రాష్ట్ర నాయకత్వం భావిస్తుంది. ఈ క్రమంలో పార్టీ ముఖ్యనేతలతో సమావేశాలతో పాటు పార్టీ ఎక్కడ బలహీనంగా ఉందో తెలుసుకుని వాటిని సరిదిద్దుకునే విధంగా సీఎం దిశానిర్దేశం చేస్తున్నారు. తాజాగా సమీక్షలో భాగంగా బుధవారం భువనగిరి లోక్సభ నియోజకవర్గ ముఖ్య నేతలతో సీఎం రేవంత్ రెడ్డి సమావేశం కానున్నారు. పార్లమెంటు ఇంఛార్జి కోమటిరెడ్డి రాజగోపాల్ రెడ్డి నివాసంలో ఈ సమావేశం జరగనుంది.
ఈ సమీక్ష మీటింగ్కు సీఎం రేవంత్ రెడ్డి హాజరు కానున్నట్లు కాంగ్రెస్ వర్గాలు వెల్లడించాయి. ఇందులో భువనగిరి లోక్సభ అభ్యర్థి చామల కిరణ్ కుమార్ రెడ్డి(Bhuvanagiri Congress MP Candidate Kiran Kumar Reddy), ఎమ్మెల్యే కుంభం అనిల్ కుమార్ రెడ్డి, మందుల శామేలు, వేముల వీరేశం, మల్రెడ్డి రంగారెడ్డి, ఆలేరు ఎమ్మెల్యే బీర్ల ఐలయ్యలతో పాటు ముఖ్య నాయకులు హాజరు కానున్నారు. అసెంబ్లీ నియోజకవర్గాలకు ప్రత్యేకంగా నియమితులైన కో ఆర్డినేటర్లు కూడా హాజరవుతారని పార్టీ వర్గాలు తెలిపాయి.
జహీరాబాద్ పార్లమెంట్ నియోజకవర్గ ముఖ్య నేతలతో సీఎం రేవంత్ భేటీ
కొడంగల్ నేతలతో సీఎం సమావేశం : సోమవారం రోజున సీఎం రేవంత్ రెడ్డి మహబూబ్నగర్ పార్లమెంటు నియోజకవర్గంలోని తన సొంత నియోజకవర్గమైన కొడంగల్ నేతలతో సమీక్ష నిర్వహించారు. ఈ ఎన్నికల్లో కొడంగల్(Congress Kodangal Meeting)లో కాంగ్రెస్ను ఓడించి రేవంత్ రెడ్డిపై కక్ష తీర్చుకోవాలని ప్రతిపక్షాలు చూస్తున్నాయని ధ్వజమెత్తారు. అందుకే ఈ ఎన్నికల్లో కొడంగల్ ప్రజలు కాంగ్రెస్ అభ్యర్థి వంశీ చంద్ రెడ్డిని గెలిపించాలని కోరారు.
CM Revanth Review on Lok Sabha Leaders : అంతకు ముందు సికింద్రాబాద్, వరంగల్ పార్లమెంటు నియోజకవర్గాల ఇంఛార్జిలతో పాటు పార్టీ ముఖ్యనేతలు, అభ్యర్థులతో సీఎం సమీక్ష నిర్వహించారు. ఈసారి ఎలాగైనా ఆయా నియోజకవర్గాల్లో కచ్చితంగా గెలిచి తీరాలని సూచించారు. సికింద్రాబాద్ నేతలతో జరిగిన సమీక్ష సమావేశంలో కాంగ్రెస్ అభ్యర్థి దానం నాగేందర్తో పాటు పార్టీ ముఖ్య నేతలతో భేటీ అయ్యారు. వరంగల్ నియోజకవర్గం అభ్యర్థి కడియం కావ్యతో పాటు ఇంఛార్జి మంత్రి కొండా సురేఖతోనూ సమీక్ష నిర్వహించారు. ఈ రెండు భేటీలు హైదరాబాద్ వేదికగా సాగాయి. జహీరాబాద్ నియోజకవర్గ నేతలతోనూ సీఎం భేటీ అయ్యారు. పార్లమెంటు ఎన్నికలు దగ్గర పడుతున్న వేళ సీఎం రేవంత్ రెడ్డి మరిన్ని సమీక్షలు నిర్వహిస్తారని పార్టీ వర్గాలు భావిస్తున్నాయి.
కాంగ్రెస్ తీర్థం పుచ్చుకున్న కూన శ్రీశైలం గౌడ్ - సీఎం రేవంత్ రెడ్డి సమక్షంలో చేరిక
కాంగ్రెస్ పార్టీకి తెలంగాణ రాష్ట్రం ఎంతో ప్రత్యేకం : సీఎం రేవంత్
