దసరా స్పెషల్​ - స్వీట్​ షాప్​ స్టైల్​ "సన్నని కారపూస" - టేస్ట్​ అద్భుతమే!

- పిండి కలపడంలోనే సీక్రెట్​ అంతా - ఈ టిప్స్​తో గుల్లగా, నోట్లే వేసుకుంటే కరిగిపోయేలా

How to Make Sweet Shop Style Karapusa : ఎక్కువ మంది ఇష్టంగా తినే పిండి వంటకాలలో ఒకటి.. కారపూస. అయితే, చాలా మంది దీన్ని ప్రిపేర్ చేసుకున్నప్పుడు గుల్లగా, రుచికరంగా రాలేదని ఫీల్ అవుతుంటారు. మరికొందరికైతే మెత్తగా లేదా గట్టిగా వస్తుంటాయని బాధపడుతుంటారు. అలాకాకుండా ఈ టిప్స్ పాటిస్తూ ఈ పండక్కి కారపూసను తయారు చేసుకోండి. గుల్లగా రావడమే కాదు.. టేస్ట్ స్వీట్ షాపుల్లో లభించే దానికి ఏమాత్రం తీసిపోదు! మరి, ఈ సూపర్ టేస్టీ కారపూసను ఎలా ప్రిపేర్ చేసుకోవాలో ఈ స్టోరీలో తెలుసుకుందాం.

కావాల్సిన పదార్థాలు :

• శనగపిండి - 2 కప్పులు
• బియ్యప్పిండి - 3 టీస్పూన్లు
• వాముపొడి - అరటీస్పూన్
• ఉప్పు - రుచికి సరిపడా
• కారం - తగినంత
• పసుపు - పావు టీస్పూన్
• బటర్ - 2 టీస్పూన్లు

తయారీ విధానం :

• ముందుగా పిండిని ప్రిపేర్ చేసుకోవాలి. ఇందుకోసం ఒక మిక్సింగ్ బౌల్ తీసుకొని అందులో శనగపిండి, బియ్యప్పిండి, వాముపొడి, ఉప్పు, కారం, పసుపు వేసి ఒకసారి అన్నీ కలిసేలా బాగా మిక్స్ చేసుకోవాలి.
• ఆ తర్వాత అందులో బటర్ కూడా వేసి మరోసారి పిండి మొత్తాన్ని బాగా కలుపుకోవాలి. ఇలా బటర్​ను యాడ్ చేయడం ద్వారా కారపూసకు స్వీట్​షాప్ స్టైల్ రుచి వస్తుంది.
• అనంతరం తగినన్ని వాటర్​ను కొద్ది కొద్దిగా యాడ్ చేసుకుంటూ పిండిని మరీ గట్టిగా కాకుండా సాఫ్ట్​గా కలుపుకొని పక్కన పెట్టుకోవాలి.
• ఇప్పుడు సన్నని హోల్స్ ఉన్న కారపూస బిళ్లను జంతికల గొట్టానికి సెట్ చేసుకోవాలి. ఆ తర్వాత జంతికల గొట్టం(గిద్దెలు) లోపల కొద్దిగా ఆయిల్ అప్లై చేసుకోవాలి. ఇలా చేయడం ద్వారా పిండి మురుకుల గొట్టానికి అంటుకోకుండా ఈజీగా వచ్చేస్తుంది.
• అనంతరం.. చేతికి కొద్దిగా ఆయిల్ అద్దుకొని ముందుగా కలిపిపెట్టుకున్న పిండి మిశ్రమంలో నుంచి కొద్దిగా పిండిని జంతికల గొట్టంలోకి తీసుకోవాలి.
• ఇప్పుడు స్టౌపై కడాయి పెట్టుకొని డీప్​ ఫ్రైకి సరిపడా ఆయిల్ వేసుకోవాలి. నూనె బాగా వేడి అయ్యాక.. స్టౌను లో ఫ్లేమ్​లో ఉంచి జంతికల గొట్టంలో ఉంచిన పిండిని కారపూసలా కాగుతున్న నూనెలో వత్తుకోవాలి.
• ఆ తర్వాత రెండు వైపులా ఎర్రగా కాల్చుకొని ఒక ప్లేట్​లోకి తీసుకోవాలి. ఇలా పిండి మొత్తాన్ని ప్రిపేర్ చేసుకోవాలి. అంతే.. ఎంతో టేస్టీగా, క్రిస్పీగా ఉండే "సన్నని కారపూస" రెడీ!
• ఒకవేళ.. మీకు డైరెక్ట్​గా ఆయిల్​లో వత్తుకోవడం ఇబ్బందిగా ఉంటే ముందుగా ఒక వెడల్పాటి ప్లేట్​ లేదా గరిటె మీద కొద్దిగా నూనె రాసి పిండిని కారపూసలా వత్తుకొని దాన్ని కాగుతున్న నూనెలో వేసి రెండు వైపులా డీప్ ఫ్రై చేసుకోవాలి.
• పూర్తిగా చల్లారాక ఈ కారపూసను ఒక డబ్బాలో స్టోర్ చేసుకుంటే 20 నుంచి 30 రోజులపాటు హ్యాపీగా తినేయొచ్చు!