How To Make Poori Without Oil : చాలా మందికి పూరీలంటే ఎంతో ఇష్టం. వేడివేడి పూరీలను బ్రేక్ఫాస్ట్లో ఆలూ కర్రీతో తింటే టేస్ట్ అద్భుతంగా ఉంటుంది. ఈ పూరీలకు చికెన్, మటన్ కర్రీలు కాంబినేషన్గా ఉంటే.. ఇంట్లో అందరూ గిన్నె మొత్తం ఖాళీ చేస్తారు. అయితే, బరువు తగ్గాలనుకునే వారు, డైటింగ్ చేసే వారు మాత్రం పూరీలకు దూరంగా ఉంటారు. దీనికి కారణం పూరీలను నూనెలో వేయించడమే.
అయితే.. ఈ స్టోరీలో చెప్పిన విధంగా చేస్తే నూనె లేకుండానే మృదువైన పొంగిన పూరీలను టేస్ట్ చేయవచ్చు. నూనె లేకుండా పూరీలు చేయడం ఎలా? అని ఆలోచిస్తున్నారా ? ఈ స్టోరీ పూర్తిగా చదివితే మీకే క్లారిటీ వస్తుంది. మరి, ఇక లేట్ చేయకుండా ఆయిల్ ఫ్రీ పూరీలను చేయడానికి కావాల్సిన పదార్థాలు.. తయారీ విధానంపై ఓ లుక్కేయండి.
జీరో ఆయిల్ పూరీకి కావాల్సిన పదార్థాలు..
- గోధుమ పిండి- కప్పు
- పెరుగు-2 టేబుల్ స్పూన్లు
- ఉప్పు-రుచికి సరిపడా
- నీరు-తగినంత
ఆయిల్ లెస్ పూరీలను ఎలా చేయాలంటే ?
- ముందుగా ఒక మిక్సింగ్ బౌల్ లో గోధుమ పిండి, రుచికి సరిపడా ఉప్పు వేసుకుని బాగా కలుపుకోవాలి.
- ఆపై పిండిలో పెరుగు వేసుకుని మరోసారి మిక్స్ చేయాలి.
- ఇప్పుడు పిండిలో కొద్దికొద్దిగా అవసరమైనంత నీరు పోసుకుంటూ.. పిండిని చపాతీ పిండిలా కలుపుకోవాలి.
- పిండి సాఫ్ట్గా మిక్స్ చేసిన తర్వాత బౌల్పై మూత పెట్టి 20 నిమిషాలు అలా ఉంచాలి.
- తర్వాత పిండిని చిన్న ఉండలుగా చేసుకోవాలి. ఒక పిండి ముద్దను చపాతీ పీటపై వేసి కాస్త మందంగా చపాతీ కర్రతో పూరీలు ప్రిపేర్ చేసుకోవాలి. ఇలా అన్ని పూరీలను రెడీ చేసుకోవాలి.
- ఆపై స్టౌపై గిన్నె పెట్టి 2 గ్లాసుల నీటిని పోయండి. నీరు బాగా మరుగుతున్నప్పుడు పూరీలను వేసి 2 నిమిషాలు ఉడకనివ్వాలి.
- పూరీలు నీటిపై తేలగానే ప్లేట్లోకి తీసుకోవాలి. ఇలా అన్ని పూరీలను వాటర్లో కొద్దిసేపు ఉడికించి పక్కన పెట్టుకోవాలి.
- ఇప్పుడు పొడి వస్త్రంతో వాటర్లో ఉడికించిన పూరీలపైన తేమను తుడుచుకోవాలి.
- ఆపై ఎయిర్ఫ్రైయర్లో పూరీలను పెట్టాలి. వీటిని 180 డిగ్రీల వద్ద నాలుగు నిమిషాల పాటు కాల్చుకోవాలి.
- అంతే.. ఇలా సింపుల్గా చేసుకుంటే.. పూరీలు ఆయిల్ లేకుండానే సూపర్ టేస్టీగా రెడీ అవుతాయి.
- ఈ వేడివేడి పూరీలను ఆలూ కర్రీతో తింటే రుచి అద్భుతంగా ఉంటుంది.
- ఆయిల్ లెస్ పూరీలు మీకు నచ్చితే ఓ సారి ఇంట్లో ట్రై చేయండి.
కార్తికమాసం స్పెషల్ - ఉల్లిపాయలు లేని "పూరీ కర్రీ" - టేస్ట్ సూపర్ - చపాతీల్లోకి కూడా పర్ఫెక్ట్!
ఇంట్లో చేసే పూరీలు పొంగట్లేదా? - ఇలా చేస్తే హోటల్ స్టైల్లో చక్కగా వస్తాయి, ఇంకా సూపర్ టేస్టీ!
