సేమియాతో ఉప్మానే కాదు - టేస్టీగా "ఎగ్​ సేమియా ఫ్రై" కూడా చేసుకోవచ్చు -టేస్ట్​ అదుర్స్​!

-సేమియాతో సరికొత్త వంటకం -బ్రేక్​ఫాస్ట్​కు బెస్ట్​ ఆప్షన్​

How to Make Egg Semiya Recipe : నేటి బిజీ బిజీ లైఫ్​లో చాలా మందికి బ్రేక్​ఫాస్ట్​ ప్రిపేర్​ టైమ్​ దొరకడం లేదు. దీంతో బ్రెడ్​, ఇన్​స్టంట్​ నూడుల్స్​ అంటూ ఏవేవో చేసుకుని తింటున్నారు. మీరు కూడా అలానే చేస్తున్నారు. అయితే మేము చెప్పే ఈ బ్రేక్​ఫాస్ట్​ రెసిపీని ఓసారి ప్రిపేర్​ చేసుకోండి. దీనికి ఎక్కువ సేపు శ్రమించాల్సిన అవసరం కూడా లేదు. కేవలం నిమిషాల్లోనే తయారు చేసుకోవచ్చు. పైగా టేస్ట్​ మాత్రం సూపర్​గా ఉంటుంది. అంతేకాదు పిల్లలు కూడా ఎంతో ఇష్టంగా తింటారు. మరి ఇక లేట్​ చేయకుండా టేస్టీ ఎగ్​ సేమియా ఎలా చేయాలో ఓ లుక్కేయండి..

కావాల్సిన పదార్థాలు :

• సేమియా - గ్లాసు
• ఎగ్స్​-3
• వెల్లుల్లి రెబ్బలు-3
• ఉప్పు - రుచికి సరిపడా
• కారం - టీ స్పూన్​
• మిరియాల పొడి- అర టీ స్పూన్​
• నూనె సరిపడా
• పచ్చిమిర్చి - 1
• ఉల్లిపాయ -1
• క్యారెట్​ ముక్కలు- అరకప్పు
• క్యాప్సికం ముక్కలు-పావుకప్పు
• బీన్స్​-పావుకప్పు
• కొత్తిమీర

తయారీ విధానం..

• ముందుగా స్టౌపై పాన్​ పెట్టి కొద్దిగా ఆయిల్​ వేయండి. స్టౌ మీడియం ఫ్లేమ్​లో పెట్టుకుని సేమియా వేసి దోరగా వేయించుకోండి.
• సేమియా కాస్త గోల్డెన్​ కలర్లో వేగిన తర్వాత 2 గ్లాసుల నీళ్లు పోసుకోండి. సేమియాని 2 లేదా 3 మూడు నిమిషాలు ఉడికించుకుని స్టౌ ఆఫ్ చేసుకోండి.
• ఇప్పుడు సేమియాలోని వాటర్​ని తీసేయడం కోసం జల్లించుకోండి. తర్వాత ఒక గ్లాసు చల్లటి నీళ్లు పోసుకుని ఆ నీటిని కూడా జల్లించి.. ప్లేట్లోకి తీసుకోండి.
• ఇప్పుడు ఒక పాన్​లో టేబుల్​స్పూన్​ ఆయిల్​ వేసి వేడి చేయండి. తర్వాత కోడిగుడ్లు పగలగొట్టండి. ఒక నిమిషం తర్వాత కొద్దిగా కారం, ఉప్పు, మిరియాల పొడి వేసి వేపుకోండి. ఎగ్స్​ క్రిస్పీగా వేగిన తర్వాత ఒక ప్లేట్లోకి తీసుకోండి.
• ఇప్పుడు అదే పాన్​లో కొద్దిగా ఆయిల్​ వేసి వేడి చేయండి. తర్వాత కచ్చాపచ్చాగా చేసిన వెల్లుల్లి వేసి ఫ్రై చేయండి. అలాగే పచ్చిమిర్చి, ఉల్లిపాయ ముక్కలు వేసి వేయించండి.
• తర్వాత క్యారెట్​, క్యాప్సికం, బీన్స్​ ముక్కలు వేసి కాసేపు మగ్గించుకోండి.
• కూరగాయలు మగ్గిన తర్వాత ఉడికించుకున్న సేమియా వేసుకోండి. అలాగే రుచికి సరిపడా ఉప్పు, మిరియాల పొడి, కారం వేసి కలపండి.
• తర్వాత ఫ్రై చేసుకున్న ఎగ్స్​ వేసి మిక్స్​ చేయండి. చివర్లో కొద్దిగా కొత్తిమీర, నిమ్మరసం చల్లి స్టౌ ఆఫ్​ చేయండి. అంతే ఇలా సింపుల్​గా చేసుకుంటే టేస్టీ ఎగ్​ సేమియా రెడీ.
• నచ్చితే సేమియాతో ఈ బ్రేక్​ఫాస్ట్​ ఒకసారి ఇలా ట్రై చేయండి.