Unknown Benefits of Toothpaste: మనం నిత్యం ఉపయోగించే వస్తువులో టూత్ పేస్ట్ కూడా ఒకటి. దంతాలను శుభ్రం చేయడానికి దీనిని ఉపయోగిస్తారని అందరికీ తెలిసిన విషయమే. తాజా శ్వాస, ఆరోగ్యకరమైన దంతాలు, బలమైన చిగుళ్ల కోసం ఈ టూత్పేస్ట్ను ఉపయోగిస్తారు. అయితే ఈ టూత్ పేస్ట్ మన దంతాలను శుభ్రం చేయడానికే కాకుండా అనేక రకాల ప్రయోజనాలను అందిస్తుందని నిపుణులు అంటున్నారు. ఆ వివరాలు ఇప్పుడు చూద్దాం..
మెహందీ తొలగించడానికి: పెళ్లి, పండుగ.. ఇలా వేడుకేదైనా ఆడపిల్లల చేతులకు గోరింట పండాల్సిందే. డిజైన్లు వేసుకునే వీలుంటుందని మెహెందీలను ఆశ్రయిస్తారు. కోన్ పెట్టిన కొన్నిరోజులు చేతులు అందంగానే ఉంటాయి. ఆ తర్వాతే పొట్టులా రాలుతూ చిరాకు పెడతాయి. అయితే ఈ సమస్యను టూత్పేస్ట్తో తగ్గించుకోవచ్చని నిపుణులు అంటున్నారు. మెహెందీ ఉన్నచోట టూత్పేస్ట్ను పలుచని పొరలా రాసి, ఆరనివ్వాలి. తర్వాత తడి క్లాత్తో తుడిచేస్తే సరి. టూత్‌పేస్ట్‌లోని రసాయనాలు హెన్నా రంగును మాయం చేయటంలో సాయపడతాయి.
మొటిమలకు: చాలా మందిలో మొటిమల సమస్య ఉంటుంది. అయితే మొటిమలను తగ్గించడంలో టూత్పేస్ట్ సాయపడుతుందని నిపుణులు అంటున్నారు. మొటిమలు ఉన్న చోట చేతివేళ్ల సహాయంతో నేరుగా టూత్పేస్ట్ అప్త్లె చేసి అరగంట పాటు ఉంచాలి. ఆ తర్వాత గోరువెచ్చని నీళ్లతో శుభ్రం చేసుకొని మైల్డ్ ఫేస్‌వాష్ ఉపయోగించి ముఖం కడుక్కోవాలి. ఇలా చేయడం ద్వారా మొటిమల చుట్టూ ఉండే చీము త్వరగా తగ్గుముఖం పట్టి వాపు తగ్గుతుందని అంటున్నారు. అలాగే టూత్‌పేస్ట్‌లో ఉండే ట్రైక్లోసాన్ మొటిమలకు కారణమైన బ్యాక్టీరియాతో పోరాడి అవి పూర్తిగా తగ్గిపోయేలా చేస్తుందని.. ఫలితంగా తక్కువ సమయంలోనే మొటిమలపై ఇది చక్కని ప్రభావం చూపిస్తుందని చెబుతున్నారు.
మొండి మరకలు: మొండి మరకలు ఓ పట్టాన వదలదు. అలాంటప్పుడు టూత్పేస్ట్ను ఉపయోగించడం వల్ల ఫలితం ఉంటుందని నిపుణులు అంటున్నారు. గోడలపై గీసిన క్రేయాన్‌ గీతలు, రంగులు, ఆహార పదార్థాల మరకలపై కాస్తంత టూత్పేస్ట్ రాసి కాసేపాగి తడి వస్త్రంతో తుడిస్తే మరకలు పోతాయని అంటున్నారు. అలాగే షూస్‌పై పడిన మరకలనూ ఇది వదలగొడుతుందని చెబుతున్నారు.
డై మరకలు: డై వల్ల చర్మంపై పడిన మచ్చల్ని కూడా టూత్పేస్ట్ తొలగిస్తుందని అంటున్నారు. ఇందుకోసం టూత్‌పేస్ట్‌ని కొద్దిగా తీసుకొని దాన్ని మచ్చ పడిన చోట అప్త్లె చేయాలి. ఆపై కాటన్ ప్యాడ్ లేదా సాఫ్ట్ టూత్‌బ్రష్‌తో నెమ్మదిగా పది నిమిషాల పాటు రుద్దాలి. ఇప్పుడు గోరువెచ్చటి నీటిలో ముంచిన కాటన్ వస్త్రంతో ఆ ప్రదేశాన్ని శుభ్రం చేస్తే మచ్చ తొలగిపోతుందని అంటున్నారు.
వెండి వస్తువులు: దంతాల్ని శుభ్రం చేసుకోవడానికి వాడే టూత్పేస్ట్ వెండి వస్తువుల్ని మెరిపించడంలోనూ ఉపయోగపడుతుందని నిపుణులు అంటున్నారు. టూత్‌పేస్ట్‌లో ఉండే కాల్షియం వెండి వస్తువులను ధగధగలాడేలా చేస్తుందని అంటున్నారు. అందుకే కొద్దిగా పేస్ట్‌ని తీసుకుని దాన్ని వెండి వస్తువుకు పల్చని పొరలా పూయాలి. టూత్పేస్ట్ పూర్తిగా ఆరిపోయే దాకా ఆగాలి. ఆ తర్వాత టిష్యూ పేపర్‌తో తుడిచి నీటితో శుభ్రం చేసేయాలి. ఇలా చేస్తే వాటి మెరుపు తిరిగొస్తుంది. ఇంకా వెండి వస్తువుల నలుపు పూర్తిగా వదలకపోతే ఇదే పద్ధతిని మరోసారి ఫాలో అయితే సరి అంటున్నారు.
2012లో జర్నల్ ఆఫ్ ఆప్లైడ్ సైన్స్లో ప్రచురితమైన అధ్యయనం ప్రకారం.. వెండి ఆభరణాల నలుపుదానాన్ని తగ్గించి కొత్త వాటిలా మెరిపించేలా టూత్పేస్ట్ సాయపడుతుందని కనుగొన్నారు. ఈ పరిశోధనలో యూనివర్సిటీ ఆఫ్ కాలిఫోర్నియాకు చెందిన డాక్టర్ జాన్ స్మిత్ పాల్గొన్నారు.
ఇవే కాకుండా:
- ఫర్నీచర్ మీద పడిన పెన్ను మరకలు పోవాలంటే దానిపై కొద్దిగా టూత్పేస్ట్ రాసి కాసేపయ్యాక తుడిచేస్తే ఇంక్ పోతుందని నిపుణులు అంటున్నారు.
- ట్యాప్లు తళతళలాడాలంటే కాస్తంత టూత్పేస్ట్ను బ్రష్కు పెట్టి రుద్దితే.. కొత్తవాటిలా మెరుస్తాయని నిపుణులు అంటున్నారు.
- పాత్రపై పడిన పసుపు మరకను తొలగించడానికి టూత్‌పేస్ట్‌ని కూడా ఉపయోగించచ్చు. ఈ క్రమంలో కొద్దిగా పేస్ట్‌ను మరక ఉన్న చోట మందంగా పూయాలి. అరగంట తర్వాత పొడి క్లాత్తో రుద్ది.. సాధారణ డిష్‌వాషింగ్‌ లిక్విడ్‌తో శుభ్రం చేయచ్చు.
NOTE : ఇక్కడ మీకు అందించిన సమాచారం, సూచనలు అన్నీ మీ అవగాహన కోసం మాత్రమే. శాస్త్ర పరిశోధనలు, అధ్యయనాలు, వైద్య, ఆరోగ్య నిపుణుల సూచనల ప్రకారమే మేము ఈ సమాచారాన్ని అందిస్తున్నాం.
