Vikram Mahaan Movie : కోలీవుడ్ నటుడు విక్రమ్ గురించి ప్రత్యేకంగా చెప్పనక్కర్లేదు. తన నటనలో వర్సటైలిటీ చూపించే ఈ స్టార్ హీరో సినిమా సినిమాకు కొత్తదనాన్ని ప్రేక్షకులను ఆకట్టుకుంటారు. దీంతో అటు తెలుగుతో పాటు తమిళంలోనూ మంచిక్రేజ్ సంపాదించుకున్నారు. ఇటీవలే పొన్నియిన్ సెల్వన్ పార్ట్ 2తో బ్లాక్బస్టర్ను తన ఖాతాలో వేసుకున్న విక్రమ్, గ్యాప్ లేకుండా సినిమా షెడ్యూళ్లతో బిజీగా ఉన్నారు.
అయితే తాజాగా ఆయన నెట్టింట పెట్టిన ఓ పోస్ట్ తెగ వైరల్ అవుతోంది. 2022లో ఆయన నటించిన 'మహాన్' సినిమా నేటి ( ఫిబ్రవరీ 11) తో రెండేళ్లు పూర్తి చేసుకుంది. ఈ సందర్భంగా ఓ రెండు స్టిల్స్‌ షేర్‌ చేస్తూ 'మహాన్ 2' అని క్యాప్షన్‌ పెట్టారు. ఇది చూసిన అభిమానులు నెట్టింట ఈ ఫొటోలను ట్రెండ్ చేస్తూ క్యాఫ్షన్ గురించి డిస్కషన్ మొదలెట్టారు. అసలు 'విక్రమ్ మహాన్ సీక్వెల్కు ప్లాన్‌ చేస్తున్నారా?' అంటు కామెంట్ చేస్తున్నారు. మరి, విక్రమ్ తన అభిమానులను కన్ఫ్యూజ్ చేసేందుకు ఇలా పోస్ట్ చేశారా లేకుంటే నిజంగానే ఈ సీక్వెల్ చేస్తున్నారా? అని అభిమానులు ఆలోచిస్తున్నారు. అయితే ఈ విషయం గురించి మూవీ టీమ్ కానీ, విక్రమ్ కానీ క్లారిటీ ఇస్తే హ్యాపీ అంటూ ఫ్యాన్స్ ఆశాభావం వ్యక్తం చేస్తున్నారు.
Mahaan Movie Cast : ఇక మహాన్ సినిమా విషయానికి వస్తే - యాక్షన్‌ థ్రిల్లర్‌గా రూపొందిన మూవీ 2022 ఫిబ్రవరి 10న నేరుగా 'అమెజాన్‌ ప్రైమ్‌ వీడియో'లో రిలీజైంది. ఈ చిత్రంతో విక్రమ్ ఓ హిట్ను తన ఖాతాలో వేసుకున్నారు. ఇందులో ఆయన తనయుడు ధ్రువ్‌ కీలక పాత్ర పోషించగా, సిమ్రన్‌, బాబా సింహా, వాణీ భోజన్‌ కూడా తమ నటనతో ప్రేక్షకులను ఆకట్టుకున్నారు.
Vikram Upcoming Movies : మరోవైపు ప్రస్తుతం 'తంగలాన్' సినిమాతో ప్రేక్షకులను అలరించేందుకు రానున్నారు. ఈ చిత్రం ఏప్రిల్‌లో రిలీజ్ కానుంది. కర్ణాటకలోని కోలార్‌ గోల్డ్‌ ఫీల్డ్స్‌ కార్మికుల జీవితాల ఆధారంగా డైరెక్టర్ పా. రంజిత్‌ ఈ మూవీని తెరకెక్కించారు. ఇక ఇందులో విక్రమ్తో పాటు మాళవిక మోహనన్‌, పార్వతి తిరువత్తు కీలక పాత్రలు పోషించారు. ఇక విక్రమ్ ఎప్పటిలాగే ఈ సినిమాలోనూ ఓ డిఫరెంట్ గెటప్లో కనిపించనున్నారు. ఓ గిరిజన తెగకి చెందిన నాయకుడి పాత్రలో ఆయన. ఇప్పటికే విడుదలైన పోస్టర్, టీజర్తో ఈ సినిమా కోసం ఆయన పడిన కష్టం తెలుస్తుందని ఫ్యాన్స్ అంటున్నారు.
'కంగువా', 'తంగలాన్' రిలీజ్ డేట్స్ - థియేటర్లలోకి అప్పుడే
'తంగలాన్' రోల్పై విక్రమ్ ఇంట్రెస్టింగ్ కామెంట్స్ - ఒక్క డైలాగ్ కూడా చెప్పకుండానే
