This Week OTT Movies : హలో మూవీ లవర్స్. వీకెండ్ వచ్చేసింది. మరి ఈ వీకెండ్లోనూ నయా సినిమాలు చూడాలని ప్లాన్ చేసుకుంటున్నారా? అందుకే మీ కోసం ఎంచక్కా ఓటీటీలో తాజాగా స్ట్రీమింగ్కు వచ్చిన కొన్ని ఇంట్రెస్టింగ్ సినిమా, సిరీస్ వివరాలను మీ ముందుకు తీసుకొచ్చాం. ఇందులో ఫాదర్ అండ్ డాటర్ సెంటిమెంట్ మూవీ, డెజావూ కాన్సెప్ట్ సైన్స్ ఫిక్షన్, సైకలాజికల్ థ్రిల్లర్, హారర్ కామెడీ జానర్ సినిమాలు స్ట్రీమింగ్కు అందుబాటులో ఉన్నాయి. ఇంతకీ అవేంటో తెలుసుకుందాం.
మహారాజ (Maharaja OTT) - విలక్షణ నటుడు విజయ్ సేతుపతి నటించిన లేటెస్ట్ మూవీ మహారాజ ఇటీవలే థియేటర్లలో విడుదలై బ్లాక్ బస్టర్గా నిలిచింది. తమిళంతో పాటు తెలుగులోనూ భారీ వసూళ్లను అందుకుంది. దాదాపు రూ.110కోట్లకు పైగా కలెక్షన్లను సాధించింది. ప్రస్తుతం నెట్ఫ్లిక్స్లోనూ రికార్డ్ వ్యూస్తో దూసుకెళ్తోంది. ఈ చిత్రానికి నిథిలన్ స్వామినాథన్ దర్శకత్వం వహించారు.
వైల్డ్ వైల్డ్ పంజాబ్ - ఈ కామెడీ డ్రామా డైరెక్ట్గా నెట్‍ఫ్లిక్స్లో రిలీజైంది. సన్నీ సింగ్, వరుణ్ శర్మ, మన్‍జ్యోత్ సింగ్, పత్రలేఖ తదితరులు ప్రధాన పాత్రలు పోషించారు. సిమ్రన్‍ప్రీత్ సింగ్ డైరెక్ట్ చేశారు. దీనికి మంచి ఆదరణ దక్కుతోంది.
ఆరంభం(Arambham OTT) - డెజావూ కాన్సెప్ట్‌తో సైన్స్ ఫిక్షన్ చిత్రంగా రిలీజైన మూవీ ఆరంభం. దీనికి మస్త్ రివ్యూస్ వస్తున్నాయి. అజయ్ వీ నాగ్ దర్శకత్వం వహించారు. మోహన్ భగత్ ప్రధాన పాత్ర పోషించారు. మే 10న థియేటర్లలోనూ విడుదలై పాజిటివ్ టాక్ తెచ్చుకుంది. ఇప్పుడు ఆహా, ఈటీవీ విన్, అమెజాన్ ప్రైమ్ వీడియోలో అందుబాటులోకి వచ్చింది.
కకుడా(Kakuda OTT) - హారర్ కామెడీగా తెరకెక్కిన సినిమా కకుడా. రితేశ్ దేశ్‍ముఖ్, సోనాక్షి సిన్హా, షాకిబ్ సలీమ్ ప్రధాన పాత్రలు పోషించారు. జీ5 ఓటీటీ ప్లాట్‍ఫామ్‍లో స్ట్రీమింగ్ అవుతోంది. ఆదిత్య సర్పోర్ట్‌దార్ ఈ చిత్రానికి దర్శకత్వం వహించారు. దీనికి బానే రెస్పాన్స్ వస్తోంది.
ప్లాట్ - సైకలాజికల్ క్రైమ్ థ్రిల్లర్ ప్లాట్ గతేడాది నవంబర్లో థియేటర్లలో విడుదలైంది. ట్విస్ట్లతో సాగే ఈ థ్రిల్లర్ చిత్రం ఆహా ఓటీటీలోకి స్ట్రీమింగ్ అవుతోంది. అలా ఈ చిత్రాలన్ని ఈ వీకెండ్లో బెస్ట్ ఛాయిస్ అనే చెప్పాలి.
అనంత్ అంబానీ వెడ్డింగ్ - 160 ఏళ్ల క్రితం నాటి చీరతో అలియా భట్!
