Vijay The GOAT Trailer: కోలీవుడ్ స్టార్ హీరో విజయ్ లీడ్ రోల్లో తెరక్కిన సినిమా 'ది గోట్' (The GOAT). డైరెక్టర్ వెంకట్‌ ప్రభు ఈ సినిమాకు దర్శకత్వం వహించారు. ఈ సినిమా సైన్స్‌ ఫిక్షన్‌ యాక్షన్ జానర్లో తెలుగు, తమిళం భాషల్లో రూపొందుతుంది. అయితే మూవీ మేకర్స్ శనివారం ఈ సినిమా నుంచి ట్రైలర్ రిలీజ్ చేశారు. ఫుల్ యాక్షన్ సీన్స్తో ట్రైలర్ రూపొందించారు. మరి మీరు ఈ ట్రైలర్ చూశారా?
ట్రైలర్ చూస్తుంటే హీరోస్పై గా కనిపించనున్నట్లు అర్థమవుతోంది. భారీ సెట్లు, హై లెవెల్ గ్రాఫిక్స్తో సినిమా తెరకెక్కించారు. సినిమా మెజార్టీ పార్ట్ విదేశాల్లోనే చిత్రీకరణ చేసినట్లున్నారు. అయితే ఈ సినిమాలో విజయ్ డ్యుయెల్ రోల్లో కనిపించనున్నారు. తండ్రీ, కుమారులుగా విజయ్ తెరపై కనిపించనున్నారు. ఈ రెండు పాత్రలు కలిసి యాక్షన్ సీన్స్లో కూడా ట్రైలర్లో చూపించారు. సీనియర్ నటి స్నేహ, విజయ్ (ఫాదర్)కు భార్యగా కనిపించనున్నారు. యాక్షన్ సీన్స్, వింటేజ్ విజయ్ రొమాంటిక్ సీన్స్తో 2 నిమిషాల 51 సెకన్లు నిమిషాల నిడివి ఉన్న ట్రైలర్ ఆద్యంతం ఆకట్టుకుంటుంది.
యంగ్ బ్యూటీ మీనాక్షి చౌదరి ఈ సినిమాలో హీరోయిన్గా నటిస్తోంది. ఈమెతో పాటు సీనియర్ నటుడు, డ్యాన్సర్ ప్రభుదేవా, యోగిబాబు, స్నేహ, మోహన్, జయరామ్,అజ్మల్ అమీర్, వైభవ్, యుగేంద్రన్ వాసుదేవన్, అఖిలన్ తదితరులు ఆయా పాత్రల్లో కనిపించనున్నారు. ఎజిఎస్ ఎంటర్టైన్మెంట్ బ్యానర్పై ఎస్ గణేశ్, కల్పాతి సంయుక్తంగా నిర్మిస్తున్నారు. మ్యూజిక్ డైరెక్టర్ యువన్‌ శంకర్‌ రాజా సంగీతం అందిస్తున్నారు.
ఇక ఇప్పటికే ఈ మూవీ దాదాపు షూటింగ్ పూర్తి చేసుకుంది. దీంతో మేకర్స్ త్వరలోనే ప్రమోషన్స్ ప్రారంభించనున్నారు. మేకర్స్ తెలుగులో కూడా ప్రమోషన్స్ చేసే ఛాన్స్ ఉంది. ప్రముఖ నిర్మాణ సంస్థ మైత్రి మూవీ మేకర్స్ ఈ సినిమా తెలుగు వెర్షన్ను రిలీజ్ చేయనుంది. ఇక ఈ మూవీ తమిళం, తెలుగు రెండు భాషల్లో వరల్డ్వైడ్గా సెప్టెంబరు 5న విడుదల కానుంది.
హీరోయిన్ రంభ కూతురిని చూశారా - విజయ్ దళపతితో సెల్ఫీ! - Heroine Rambha Daughter
