'బాహుబలి' ప్రమోషన్స్​ కోసం జక్కన్న ఎంత ఖర్చు చేశారంటే ? - SS Rajamouli Baahubali Movie

SS Rajamouli Baahubali Promotions : మూవీ మేకింగ్​ నుంచి ప్రమోషన్స్ వరకూ అన్నింటిలో పర్ఫెక్ట్​గా ఉంటారు డైరెక్టర్ రాజమౌళి. ఇటీవలె ఆయన ఓ ఇంటర్వ్యూలో తన మూవీ మేకింగ్​ గురించి పలు ఆసక్తికరమైన విషయాలు పంచుకున్నారు. అంతే కాకుండా బాహుబలి ప్రమోషన్స్​కు టీమ్​ ఎంత ఖర్చు చేసిందో వివరించారు.

SS Rajamouli Baahubali Promotions : డైరెక్టర్ రాజమౌళి సినిమాలకు సెపరేట్ ఫ్యాన్​ బేస్ ఉంది. ఓ సినిమాను ఆయన ఎంత పెర్ఫెక్ట్​గా తీస్తారో, అంతే విజన్​తో ప్రమోట్​ కూడా చేస్తారు. ట్రైలర్ నుంచి ప్రీ రిలీజ్ ఈవెంట్స్​ వరకూ అన్నింటిలోనూ కొత్తదనాన్ని చూపిస్తారు. అందుకే ఆయన సినిమాలు ఇండియాలోనే కాకుండా అంతర్జాతీయ స్థాయిలో క్లిక్ అవుతుంటాయి.

ఇటీవలె విడుదలైన 'ఆర్ఆర్ఆర్' సినిమాను ఆయన పాన్ ఇండియా లెవెల్​లో ప్రమోట్​ చేసిన సంగతి తెలిసిందే. మూవీ టీమ్​తో పాటు ఆయన పలు ఇంటర్వ్యూల్లో, ప్రెస్ మీట్స్​లో మాట్లాడి ఆ చిత్రాన్ని ఓ రేంజ్​లో ప్రమోట్ చేశారు. సినిమా సక్సెస్ తర్వాత కూడా ఆస్కార్ వెళ్లెంత వరకు కూడా ఆ ప్రమోషన్స్ అదే రేంజ్​లో సాగింది. దీనికి దాదాపు రూ. 5 కోట్ల వరకు ఖర్చు అయ్యిందని సినీ వర్గాల టాక్​. అయితే 'బాహుబలి' సినిమాకు ఆయన ఎంత ఖర్చు పెట్టారో తెలిస్తే మీరు కచ్చితంగా షాక్ అవుతారు. ఆయన ఆ చిత్రానికి ఒక్క రూపాయి కూడా ఖర్చు పెట్టలేదట. కేవలం మౌత్​టాక్​తోనే ఆ చిత్రానికి విపరీతమైన క్రేజ్ వచ్చిందట. తాజాగా ఈ విషయాన్ని డైరెక్టర్ రాజమౌళి స్వయంగా వెల్లడించారు.

"నేను ఎప్పుడు నా సినిమాల నుంచి ఎక్కువ ఆశించను అలాగని తక్కువ కూడా ఆశించను. నేను ఎల్లప్పుడూ బ్యాలెన్స్​డ్​గా ఉండటానికి ప్రయత్నిస్తాను. నా మూవీస్​కు కొత్త ప్రేక్షకులను ఎలా తీసుకురావాలనే ఆలోచన నా మదిలో ఎప్పుడూ ఉంటుంది. ఇక బాహుబలి ప్రమోషన్‌ కోసం మా టీమ్​ అస్సలు ఒక్క పైసా కూడా ఖర్చు పెట్టలేదు. అలాగే ఎటువంటి ఆన్​లైన్​ సైట్స్​కు కూడా డబ్బు ఇవ్వలేదు. కానీ ఆ సినిమా ప్రమోషన్ కోసం చాలా హోమ్​ వర్క్ చేశాము." అని జక్కన్న తెలిపారు.

ఇక రాజమౌళి ప్రస్తుతం 'SSMB 29' ప్రీ ప్రొడక్షన్ పనుల్లో బిజీగా ఉన్నారు. ఇటీవలె హీరో మహేశ్​ బాబుతో కలిసి ఆయన లుక్​ టెస్ట్​ కోసం లండన్​కు కూడా వెళ్లారు. త్వరలో ఈ సినిమాకు సంబంధించిన అఫీషియల్ అనౌన్స్​మెంట్ వెలువడనుందని టాక్ నడుస్తోంది.