Mathu Vadalara 2 Collections : రీసెంట్ రిలీజ్ 'మత్తు వదలరా 2' చిత్రం ఫస్ట్ వీకెండ్లోనే లాభాల్లోకి అడుగుపెట్టింది! ప్రస్తుతం ఈ చిత్రం థియేటర్లలో జోరు చూపిస్తోంది. హిట్ టాక్తో దూసుకెళ్తోన్న ఈ క్రైమ్ కామెడీ చిత్రానికి మంచి వసూళ్లు కూడా వస్తున్నాయి. రోజు రోజుకు ఈ సినిమా వసూళ్లను పెంచుకుంటూ పోతోంది. హిట్ టాక్తో పాటు వీకెండ్ కూడా కలిసి రావడంతో మంచి కలెక్షన్స్ నమోదు అవుతున్నాయి.
తొలి రోజే ప్రపంచ వ్యాప్తంగా దాదాపు రూ.5 కోట్లతో మంచి ఓపెనింగ్స్ అందుకున్న ఈ చిత్రం మూడు రోజులు పూర్తయ్యేసరికి(ఆదివారం నాటికి) మరిన్ని కలెక్షన్స్ను అందుకుంది. మూడు రోజుల్లో ఈ క్రైమ్ కామెడీ చిత్రానికి వరల్డ్ వైడ్గా రూ. 16.2 కోట్ల గ్రాస్ కలెక్షన్స్ వ‌చ్చిన‌ట్లు మూవీ టీమ్ కూడా అఫీషియల్గా అనౌన్స్ చేసింది.
లాభాల్లోకి మత్తువదలరా 2 - కాగా, ఈ మత్తు వదలరా 2 చిత్రానికి ప్రపంచ వ్యాప్తంగా రూ.8 కోట్ల వరకు ప్రీ రిలీజ్ బిజినెస్ జరిగిందట. అంటే ఈ లెక్కన ఆదివారం నాటికి నమోదైన వసూళ్లతో ఈ సీక్వెల్ బ్రేక్ టార్గెట్‌ను రీచ్ అయిన‌ట్లు ట్రేడ్ వ‌ర్గాలు అంటున్నాయి. ఇక సోమ‌వారం(సెప్టెంబర్ 16) నుంచి వచ్చే వసూళ్లనీ లాభాలేన‌ని చెబుతున్నాయి.
హైలెట్గా సత్య కామెడీ టైమింగ్ - ఈ మత్తు వదలరా 2 చిత్రంలో కీరవాణి తనయుడు శ్రీసింహా కోడూరి, కమెడియన్ సత్య ప్రధాన పాత్రల్లో నటించారు. ఫ‌రియా అబ్దుల్లా హీరోయిన్గా నటించింది. 2019లో విడుదలై మంచి సక్సెస్ అందుకున్న మూవీ మత్తు వ‌ద‌ల‌రాకు సీక్వెల్‌గా ఈ సినిమా వచ్చింది. ద‌ర్శ‌కుడు రితేష్ రానా తెర‌కెక్కించారు. అయితే ఈ చిత్రంలో ముఖ్యంగా సత్య కామెడీ టైమింగ్ సినిమాకే హైలైట్గా నిలిచిందని సినీ ప్రియులు రివ్యూలు ఇస్తున్నారు. అతడి వన్- లైనర్ పంచ్లు, డైలాగ్ డెలివరీ, బాడీ లాంగ్వేజ్ అన్నీ బాగున్నాయని అంటున్నారు. ఇంకా చెప్పాలంటే, మొదటి భాగం వరకు హీరో సత్యానే అని కూడా పలువురు చెబుతున్నారు.
మత్తు వదలరా 3 కూడా - మత్తు వదలరా 2 మంచి టాక్ అందుకోవడంతో పాటు కలెక్షన్స్ వస్తుండడంతో ఈ చిత్రానికి మూడో పార్ట్ కూడా రానున్నట్లు తెలిసింది.
'మత్తు వదలరా 2' రివ్యూ - ఈ క్రైమ్, కామెడీ OTTలోకి ఎప్పుడంటే? - Mathu Vadalara 2 Review
