IMDb Popular Indian Celebrities List : టాలీవుడ్ హీరో అక్కినేని నాగచైతన్య, నటి శోభిత ధూళిపాళ్ల ఎంగేజ్‍మెంట్ గత గురువారం(ఆగస్టు 8) జరిగిన సంగతి తెలిసిందే. ఎటువంటి ముందస్తు ప్రకటన లేకుండా జరిగిన ఈ సడెన్ ఎంగేజ్‍మెంట్ తర్వాత శోభిత మరింత హాట్ టాపిక్గా మారింది. ఆమె గురించి చర్చలు కూడా ఎక్కువయ్యాయి. దీంతో ఈ వారం ఐఎండీబీ పాపులర్ ఇండియన్ సెలెబ్రిటీల లిస్ట్లో దూసుకెళ్లింది శోభిత ధూళిపాళ్ల.
షారుక్ను బీట్ చేసి - ఈ లిస్ట్లో బాలీవుడ్ నటి శార్వరీ వాఘ్ అగ్ర స్థానంలో నిలిచింది. ముంజ్యా మూవీ సక్సెస్ తర్వాత శార్వరీ క్రేజ్ బాగా పెరిగింది. ఇక చైతన్యతో ఎంగేజ్‍మెంట్ తర్వాత శోభిత కూడా టాక్ ఆఫ్ ది టౌన్గా మారింది. దీంతో ఆమె ఈ పాపులర్ సెలబ్రిటీ జాబితాలో రెండో స్థానంలో నిలిచింది. ఇక బాలీవుడ్ బాద్ షా షారుక్ ఖాన్ మూడో స్థానంలో నిలిచారు. అలా షారుక్ను బీట్ చేసింది శోభిత.
టాప్-10లో ఎవరెవరున్నారంటే? - ఈ జాబితాలో ఇంకా బాలీవుడ్ సీనియర్ నటి కాజోల్, యంగ్ హీరోయిన్ జాన్వీ కపూర్ వరుసగా నాలుగు, ఐదు స్థానాల్లో నిలిచారు. పారిస్ ఒలింపిక్స్‌లో మంచి ప్రదర్శన చేసిన బ్యాడ్మింటన్ ప్లేయర్ లక్ష్యసేన్, బాలీవుట్ నటి దీపికా పదుకొణె, మహారాజతో బ్లాక్ బస్టర్ సక్సెస్ అందుకున్న విజయ్ సేతుపతి, హీరోయిన్ మృణాల్ ఠాకూర్, ఐశ్వర్య రాయ్ ఈ టాప్-10లో చోటు సంపాదించుకున్నారు.
ఇకపోతే శోభిత ధూళిపాళ్ల విషయానికొస్తే చివరిగా ఆమె మంకీ మ్యాన్ చిత్రంలో నటించింది. అలానే డిస్నీ హాట్స్టార్లో స్ట్రీమింగ్ అవుతున్న ది నైట్ మేనేజర్లోనూ కనిపించింది. ఈ రెండు ప్రాజెక్ట్లు మంచి రెస్పాన్సే అందుకున్నాయి. ప్రస్తుతం సితార అనే బాలీవుడ్ సినిమాలో నటిస్తోంది. త్వరలోనే తన కొత్త ప్రాజెక్ట్లను కూడా అనౌన్స్ చేయనుంది. ఇక నాగ చైతన్య ప్రస్తుతం చందూ మొండేటీ దర్శకత్వంలో తండేల్ సినిమా చేస్తున్నారు. ఈ మూవీ షూటింగ్ శరవేగంగా సాగుతోంది. ఇందులో సాయి పల్లవి హీరోయిన్గా నటిస్తోంది.
సమంతకు మ్యారేజ్‌ ప్రపోజల్‌ - ఓకే చెప్పిన హీరోయిన్! - Samantha Marriage Proposal
నాగచైతన్య- శోభిత పెళ్లి ఎప్పుడు? నాగార్జున రిప్లై ఇదే! - Naga Chaitanya Sobhita
