Polimera 3 Glimpse: టాలీవుడ్ నటుడు సత్యం రాజేశ్- విశ్వనాథ్ కాంబోలో తెరకెక్కిన 'పొలిమేర' సిరీస్ సినిమాలు మంచి విజయం దక్కించుకున్నాయి. అయితే ఈ సస్పెన్స్ హార్రర్ థ్రిల్లర్కు త్రీక్వెల్ (మూడో భాగం) కూడా ఉంటుందని మేకర్స్ ఇప్పటికే అనౌన్స్ చేశారు. ఈ నేపథ్యంలో త్రీక్వెల్ గురించి సాలిడ్ అప్డేట్ ఇస్తూ మేకర్స్ ఓ వీడియో గ్లింప్స్ను బుధవారం రిలీజ్ చేశారు.
అయితే ఈ మూడో భాగం కూడా సస్పెన్స్ హార్రర్ థ్రిల్లర్ జానర్లోనే తెరెకెక్కుతున్నట్లు గ్లింప్స్ చూస్తే తెలిసిపోతుంది. బబ్లూ పృథ్వీరాజ్ డైలాగ్తో గ్లింప్స్ ప్రారంభమౌతుంది. వీడియోలో సత్యం రాజేశ్, గెటప్ శ్రీను కనిపించారు. క్షుద్ర పూజలతో సత్యం రాజేశ్ను కాస్త హార్రర్గా చూపించారు. ఇక కథకు తగ్గట్లుగా బ్యాక్గ్రౌండ్లో మ్యూజిక్ అదరగొట్టేశారు. కాగా, గతంలో రెండు పార్ట్లలో ఉన్న నటీనటులతోపాటు ఈ త్రీక్వెల్లో మరికొంత మంది కొత్తగా చేరారు. ఇక స్క్రిప్ట్ పూర్తైందట. ప్రీ పొడక్షన్ పనులు జరుపుకుంటున్నట్లు తెలుస్తోంది.
ఇక సత్యం రాజేశ్తోపాటు నటుడు బాలాదిత్య, కామాక్షి భాస్కర్ల, గెటప్ శ్రీను, పృథ్వీరాజ్, రాకెందు మౌలి తదితరులు సినిమాలో ఆయా పాత్రలు పోషిస్తున్నారు. వంశీ నడిపాటి ఎంటర్టైన్మెంట్స్ బ్యానర్పై వంశీ, భోగేంద్ర గుప్త సంయుక్తంగా ఈ సినిమా నిర్మిస్తున్నారు. సంగీత దర్శకుడు గ్యానీ మ్యూజిక్ అందిస్తున్నారు. ఇక సినిమా గురించి మరిన్ని విషయాలు తెలియాల్సి ఉంది.
కాగా, కరోనా కారణంగా 'పొలిమేర- 1' ఓటీటీలో రిలీజైంది. ఓటీటీలో ఈ సినిమా నెమ్మదిగా పికప్ అయ్యింది. ఈ భాగంలో ట్విస్ట్లతో స్టోరీని ఇంట్రెస్టింగ్గా మలిచి హిట్ టాక్ అందుకున్నారు. ఇక గతేడాది ఈ సినిమా రెండో భాగం థియేటర్లలో రిలీజైంది. ఈ సినిమాకు ప్రేక్షకుల నుంచి సూపర్ రెస్పాన్స్ వచ్చింది. చేతబడి కాన్సెప్ట్తో తెరకెక్కిన సినిమాకు వసూళ్లు కూడా బాగానే వచ్చాయి. ఇక నటులు సత్యం రాజేశ్, బాలాదిత్య నటనకు కూడా మంచి మార్కులు పడ్డాయి. దీంతో ఈ చిత్రం మూడో భాగంపైన అంచనాలు భారీగా నెలకొన్నాయి.
ఊహించని ట్విస్ట్లతో 'మా ఊరి పొలిమేర-2', మరి భయపెట్టిందా?
Maa Oori Polimera 2 Movie : ఈ సారి ఎనిమిది ట్విస్టులతో.. అస్సలు ఊహించని విధంగా..
