Samantha Upcoming Series : స్టార్ హీరోయిన్ సమంత బాలీవుడ్లో పలు ప్రాజెక్ట్లతో బిజీగా ఉంది. అయితే సినిమాలు కాకుండా ఈ అమ్మడు ప్రస్తుతం వెబ్సిరీస్లకు ఎక్కువగా ప్రాధాన్యం ఇస్తున్నట్లు కనిపిస్తోంది. ఆమె ప్రధాన పాత్రలో నటించిన 'సిటాడెల్: హన్నీ బన్నీ' (Citadel Honey Bunny) నవంబర్ రెండో వారంలో రిలీజ్ కానుంది. ఈ క్రమంలో మేకర్స్ ప్రమోషన్స్ ప్రారంభించారు.
ఈ వెబ్సిరీస్ ప్రముఖ ఓటీటీ ప్లాట్ఫామ్ అమెజాన్‌ ప్రైమ్లో స్ట్రీమింగ్ కానుంది. అయితే ఈ సిరీస్ రిలీజ్ అవ్వకముందే సమంత మరో భారీ ప్రాజెక్ట్లో ఆఫర్ పట్టేసిందని వార్తలు వస్తున్నాయి. అది కూడా బాలీవుడ్కు చెందిన వెబ్సిరీస్ కావడం విశేషం. ఈ సిరీస్ అత్యంత భారీ బడ్జెట్తో రూపొందుతోంది. ప్రముఖ డైరెక్టర్ రాజ్ అండ్ డీకే (Raj And DK) దీనికి దర్శకత్వం వహిస్తున్నారు.
ఓ రాజవంశ కుటుంబం నేపథ్యంలో ఈ వెబ్సిరీస్ రూపొందుతోంది. రాజ్యం కోసం కుటుంబంలోని ఇద్దరు వ్యక్తుల మధ్య జరిగే పోరాటాలు, రాజకీయ అంశాలలో ఈ కథ సాగనుంది. ఈ సిరీస్లో ఆదిత్యరాయ్ కపూర్, అలీ ఫజల్ (Aditya Roy Kapoor and Ali Fazal) కీలక పాత్రల్లో నటిస్తున్నారు. వీరిద్దరు యువ రాజులుగా కనిపించనున్నారు. అలాగే ఈ సిరీస్లో సమంత యువరాణి పాత్ర పోషించనున్నట్లు ఇన్సైడ్ టాక్ వినిపిస్తోంది.
అయితే ఈ కథను ముందుగా సినిమా రూపంలోనే తీసుకురావాలని మేకర్స్ భావించారట. కానీ, స్టోరీ పెద్దదిగా ఉండడం వల్ల వెబ్సిరీస్గా ప్లాన్ చేసినట్లు తెలుస్తోంది. ఇక ఇప్పటికే ఈ సిరీస్ చిత్రీకరణ ప్రారంభమైంది. త్వరలోనే సమంతకు సంబంధించిన క్యారెక్టర్ షూటింగ్ కూడా షురూ కానుంది. ఇక ఈ సినిమాలో యంగ్ బ్యూటీ వామికా గబ్బి కూడా కీలక పాత్ర పోషిస్తోంది. ఇంకా బాలీవుడ్కు చెందిన బడా స్టార్లు కూడా ఈ సిరీస్లో భాగం కానున్నారని టాక్. కాగా, 2025లో దీన్ని రిలీజ్ చేసేందుకు మేకర్స్ ప్లాన్ చేస్తున్నారు. ఇది ప్రముఖ ఓటీటీ ప్లాట్ఫామ్ నెట్ఫ్లిక్స్లో స్ట్రీమింగ్ కానుంది.
