Music Director Thaman Game Changer Movie Update : మెగా పవర్ స్టార్ రామ్ చరణ్ - దిగ్గజ దర్శకుడు శంకర్‌ కాంబోలో తెరకెక్కుతున్న చిత్రం 'గేమ్ ఛేంజర్'. ఈ సినిమా అప్డేట్స్ కోసం చాలా కాలంగా మెగా ఫ్యాన్స్ ఎంతో ఆసక్తిగా ఎదురుచూస్తున్నారు. అయితే ఈ చిత్ర అప్డేట్స్ గురించి ఊరిస్తున్న వస్తున్న మూవీ టీమ్, దసరాకు టీజర్ విడుదల చేయనున్నట్లు కొన్ని రోజులుగా వార్తలు వినిపిస్తున్నాయి. తాజాగా దీనిపై మ్యూజిక్ డైరెక్టర్ తమన్ పోస్ట్‌ పెట్టారు. దీపావళికి టీజర్ వస్తుందని చెప్పారు.
"దసరాకు టీజర్ రావట్లేదని నిరాశ చెందొద్దు. ప్రస్తుతం మూవీ టీమ్ ఆ పనుల్లోనే ఉంది. సీజీ, వీఎఫ్‌ఎక్స్‌ ఫైనల్‌ ఎడిటింగ్‌, డబ్బింగ్‌, బ్యాక్‌ గ్రౌండ్‌ పనులు ప్రారంభం అయిపోయాయి. ప్రతి నెలా ఒక లిరికల్‌ సాంగ్ను రిలీజ్ చేయడం కోసం అన్ని సాంగ్స్ లిరిక్స్‌ పనులను కంప్లీట్ చేశాం. ఈ నెలలో అక్టోబర్‌ 30న ఒక సాంగ్ రిలీజ్ కానుంది. సినిమా డిసెంబర్‌ 20 న కచ్చితంగా రిలీజ్ కానుంది." అని తమన్ పోస్ట్‌ పెట్టారు. ఇకపోతే ఇప్పటికే విడుదలైన 'రా మచ్చా' పాట 100 మిలియన్ల వ్యూస్‌ను సెలబ్రేట్‌ చేసుకోవడానికి రెడీగా ఉండండి.
ఓ నెటిజన్‌కు తమన్ బదులిస్తూ దీపావళికి టీజర్ ఉంటుందని స్పష్టత ఇచ్చారు. దీని టీజర్ కోసం ఎంతో మంది ఎదురు చూస్తున్నారని మేము అర్థం చేసుకోగలం. ఇది ఎంతో పెద్ద ప్రాజెక్ట్‌. ఔట్ పుట్ కోసం ఎక్కడా రాజీపడడం. పోస్ట్‌ ప్రొడక్షన్‌ వర్క్ పెద్ద ఎత్తున జరుగుతున్నాయి. దసరాకు రిలీజ్ కాకపోతే దీపావళికి టీజర్ విడుదల అవుతుంది. దీనికి సంబంధించిన అప్డేట్స్ను నేను ఎప్పటికప్పుడు అందిస్తాను. మీరంతా అర్థం చేసుకుంటారని ఆశిస్తున్నాను" అని అన్నారు.
కాగా, గేమ్ ఛేంజర్ సినిమా విషయానికొస్తే పొలిటికల్‌, యాక్షన్‌ డ్రామా నేపథ్యంలో ఈ సినిమా తెరకెక్కుతోంది. పవర్‌ఫుల్‌ కథాంశంతో సిద్ధమవుతోంది. సినిమాలో రామ్ చరణ్ డ్యుయెల్ రోల్ చేస్తున్నారని సమాచారం. బాలీవుడ్ స్టార్ కియారా అడ్వాణీ హీరోయిన్గా నటిస్తోంది. ప్రస్తుతం ఈ మూవీ షూటింగ్ శరవేగంగా జరుగుతోంది. చిత్రంలో చరణ్తో పాటు శ్రీకాంత్‌, అంజలి, సునీల్‌, ఎస్‌.జె.సూర్య, సముద్రఖని, నవీన్‌ చంద్ర సహా పలువురు ఇతర కీలక పాత్రల్లో నటిస్తున్నారు. ఇప్పటికే రిలీజైన సాంగ్స్ సినిమాపై భారీ అంచనాలను పెంచాయి.
పవన్ కల్యాణ్పై బాలీవుడ్ స్టార్ యాక్టర్ ప్రశంసలు - ఏం అన్నారంటే?
భారీ బడ్జెట్‌తో బడా హీరోల సినిమాలు - పాన్ ఇండియానే టార్గెట్!!
