Ramayana Ranbir Kapoor Remuneration: నితీశ్ తివారి దర్శకత్వం వహిస్తున్న 'రామాయణ' సినిమా గురించి ఎదో ఒక న్యూస్ వస్తూనే ఉంది. అయితే ఈ సినిమా గురించి, నటినటుల వివరాలుగానీ మేకర్స్ ఏ విధమైన అధికారిక అనౌన్స్మెంట్ చేయలేదు. అయినప్పటికీ ఈ మూవీ గురించి ఏదో ఒక వార్త బయటకు వస్తూ ప్రేక్షకులకు, అభిమానులకు ప్రాజెక్ట్పై మరింత క్రేజ్ పెరిగేలా చేస్తుంది. ఇక ఈ సినిమా షూటింగ్ ఇప్పటికే మొదలైందని, సన్నివేశాల కోసం రూ.11 కోట్ల ఖర్చుతో అయోధ్య సెట్ కూడా ఏర్పాటు చేశారని అంటున్నారు. అయితే ఈ చిత్రంలో ఆయా పాత్రల్లో నటించనున్న రణ్బీర్ కపూర్, సాయి పల్లవి, యశ్ రెమ్యూనరేషన్పై కూడా ఓ వార్త ప్రచారంలోకి వచ్చింది.
ఈ సినిమా కోసం స్టార్ హీరో రణ్బీర్ ఏకంగా రూ.250 కోట్లు తీసుకుంటున్నాడని, ఆ మొత్తాన్ని పలు ఇన్స్స్టాల్మెంట్స్ రూపంలో అందుకోనున్నాడని తెలుస్తోంది. ఈ క్రమంలో ఒక్కో ఇన్స్స్టాల్మెంట్లో రూ.75కోట్ల చొప్పున తీసుకుంటున్నాడని ప్రచారం సాగుతోంది. మరోవైపు నేచురల్ బ్యూటీ సాయి పల్లవి కూడా భారీగానే పారితోషికం అందుకోనుందట. ఈ సినిమాకు సాయి పల్లవి ఏకంగా రూ. 18-20కోట్లు ఛార్జ్ చేస్తున్నట్లు సమాచారం. సినిమాలో మరో కీలక పాత్ర పోషించనున్న కన్నడ స్టార్ యశ్ రూ.150 కోట్ల మేర అందుకోనున్నారని బీ టౌన్లో టాక్ వినిపిస్తుంది. కానీ, ఈ విషయంపై ఎలాంటి క్లారిటీ రాలేదు. అటు మూవీటీమ్ కూడా స్పందించలేదు.
రామయణ్ కన్నా ముందే బాలీవుడ్లోకి సాయి పల్లవి!: నేచురల్ బ్యూటీ నితీశ్ తివారి రామాయణ్ కంటే ముందే బాలీవుడ్లో ఎంట్రీ ఇవ్వనుంది. స్టార్ హీరో ఆమిర్ ఖాన్ తనయుడు జునైద్ ఖాన్ హీరోగా పరిచయం అవుతున్న సినిమాలో సాయి పల్లవి(Saipallavi upcoming movies) అతడికి జోడిగా నటిస్తోంది. ఇటు తెలుగులో ప్రస్తుతం నాగచైతన్య అక్కినేని తండేల్ సినిమాలో నటిస్తోంది. ఈ రెండు చిత్రాలపై ఆడియెన్స్లో మంచి అంచనాలే ఉన్నాయి. చూడాలి మరి ఈ సినిమాలు ఎలాంటి రిజల్ట్ను అందుకుంటాయో.
