Pushpa 2 Teaser : అల్లు అర్జున్ పుట్టినరోజు సందర్భంగా విడుదలైన పుష్ప2 టీజర్లో బన్నీ చీరకట్టు అందరిని ఆకట్టుకుంది. గత ఏడాదే బన్నీ చీరకట్టులో ఉన్న ఫొటోను పుష్ప మూవీ యూనిట్ సోషల్ మీడియాలో షేర్ చేసింది. అప్పుడే చిత్తూరులో జరిగే గంగమ్మ జాతర గురించి బోలెడన్ని చర్చలు జరిగాయి. వారం రోజులు జరిగే ఈ జాతరలో ఒకరోజు పురుషులు స్త్రీ వేషం వేస్తారు. ఇప్పుడు టీజర్లో కూడా బన్నీ అదే లుక్లో మరోసారి కనిపించి గూస్బంప్స్ తెప్పించేశారు.
టీజర్లో చీర కట్టుకుని పుష్ప స్టైల్ అండ్ స్వాగ్తో నడవడం అభిమానులకు తెగ నచ్చేసింది. ఫైటింగ్ సీన్ అయితే గూస్బంప్స్ తెప్పించేసింది. సోషల్ మీడియాలో రికార్డులు కొల్లగొట్టింది. అయితే ఈ సీన్లో బన్నీ కట్టుకున్న చీర వాళ్ల అమ్మది అని, సెంటిమెంట్ కోసం డైరెక్టర్ సుకుమార్ ఈ చీరను ఉపయోగించారన్న వార్తలు కూడా వినిపించాయి. అయితే ఈ లుక్లో యాక్షన్ సన్నివేశాలు చేయడం బన్నీకి కాస్త కష్టం అయిందట. ఇలా చీర కట్టుకుని నటించిన ఎపిసోడ్లో ఓ సీన్ కోసం ఏకంగా 51 టేకులు తీసుకున్నారట బన్నీ. ఎందుకంటే ఈ సన్నివేశంలో తన యాక్టింగ్ పర్ఫెక్ట్గా రావడం కోసం, అలానే తన నటన అందరిని ఆకట్టుకోవాలనే ఉద్దేశంతోనే బన్నీ ఇన్ని టేకులు తీసుకున్నట్టు తెలుస్తోంది. ఇక ఈ చిత్రానికి సౌండ్ డిజైనర్గా పనిచేస్తున్న రసూల్ పూకూట్టి కూడా అల్లు అర్జున్ డెడికేషన్ చూసి ఆశ్చర్యపోయి ప్రశంసలు కురిపించారని తెలిసింది.
రూ.50 కోట్ల సెట్ - ఇకపోతే ఈ గంగమ్మ జాతర సీక్వెన్స్ కోసం 30రోజులకు పైగానే పట్టిందట. అల్లు స్టూడియోస్లో ఈ సెట్ వేశారట. ముంబయి నుంచి స్పెషల్ మేకప్, లైటింగ్ సెటప్స్, ఆర్ట్ వర్క్, మోకోబాట్ కెమెరాను తెప్పించారట. ప్రొడక్షన్ కోసమే రూ.30కోట్లకుపైగా అయిందని తెలిసింది. ఇక ఇతర ఖర్చులు కూడా కలిపి ఈ సీక్వెన్స్ కోసం రూ.50 నుంచి రూ.60కోట్ల వరకు బడ్జెట్ పెట్టారట.
కాగా, ఇప్పటికే రష్మిక పుట్టినరోజు సందర్భంగా విడుదల చేసిన ఆమె లుక్ కూడా అభిమానులను బాగా ఆకట్టుకుంది. మొదటి భాగంలో మాములు మధ్య తరగతి కుటుంబానికి చెందిన అమ్మాయిలా ఉన్న రష్మిక రెండో భాగంలో మాత్రం నగలు వేసుకుని డబ్బున్న మహిళగా ధగధగ మెరిసిపోతూ కనిపించింది. సినిమాకు దేవి శ్రీ ప్రసాద్ సంగీతం అందిస్తున్నారు. మొదట ప్రకటించినట్టుగానే ఈ సినిమాను ఆగస్టు 15న విడుదల చేయడానికి ఏర్పాట్లు చేస్తున్నారు. తాజా టీజర్తో బన్నీ అభిమానులకు సినిమా మీద అంచనాలు మరింతపెరిగిపోయాయి. మొదటి భాగంలో తన నటనకు జాతీయ అవార్డు గెలుచుకున్న అల్లు అర్జున్ ఈ రెండో భాగంతోనూ ఎలాంటి ఫలితాన్ని అందుకుంటారో చూడాలి.
- " class="align-text-top noRightClick twitterSection" data="">
టాలీవుడ్ నెక్ట్స్ సెంచరీ కొట్టే హీరో అతడేనా? - Tollywood Tier 2 Heroes
వాట్ ఏ ప్లానింగ్ 'దేవర' - ఆయన చేతికి నార్త్ థియేట్రికల్ రైట్స్ - NTR Devara
