Prashanth Neel Apology To Shah Rukh Khan : 'కేజీఎఫ్', 'సలార్' సినిమాల దర్శకుడు ప్రశాంత్ నీల్ బాలీవుడ్‌ స్టారీ హీరో షారుక్ ఖాన్కు క్షమాపణలు చెప్పారు. సలార్‌ను కూడా డంకీ రిలీజ్ అయిన సమయంలోనే రిలీజ్ చేయాల్సి వచ్చిందని, కానీ అలా చేసి ఉండేది కాదన్నారు. షారుక్‌తో పాటు 'డంకీ' మూవీ టీమ్‌ను ఉద్దేశించి ఆయన మాట్లాడారు. ఈ మేరకు ఆయన మాట్లాడిన వీడియో సోషల్ మీడియాలో వైరల్ అవుతోంది.
"షారుక్ టీమ్‌ ముందుగా రిలీజ్ తేదీని ప్రకటించింది. క్రిస్మస్‌కు రిలీజ్ చేస్తామని వారు సంవత్సరం ముందే ప్రకటించారు. కానీ 'సలార్'ను మేము అదే సమయంలో విడుదల చేశాం. ఈ విషయంలో షారుక్కు, 'డంకీ' టీమ్‌కు నేను క్షమాపణలు చెబుతున్నా. రెండు పెద్ద సినిమాలు ఒకేసమయంలో రిలీజ్ కాకూడదు. కానీ, మాకు ఆ తేదీనే బాగుందని జ్యోతిష్యులు చెప్పారు. అలాగే మరికొన్ని కారణాల వల్ల మేము ఆ సమయంలోనే రావాలని నిర్ణయానికి వచ్చాం. షారుక్, రాజ్‌కుమార్‌లు మంచి మనసున్న వ్యక్తులు. మమ్మల్ని అర్థం చేసుకున్నారు' అని ఆ వీడియోలో ప్రశాంత్ నీల్ వివరించారు. ప్రస్తుతం దీనికి సంబంధించిన వీడియో సోషల్ మీడియాలో షేర్‌ అవుతోంది.
వీడియో వైరల్
'సలార్', 'డంకీ' సినిమాలు గతేడాది విడుదలై మంచి విజయాన్ని అందుకున్నాయి. ఈ రెండు చిత్రాలు ఒక్కరోజు తేడాతో రిలీజ్ అయ్యాయి. డిసెంబర్‌ 21న 'డంకీ' ప్రేక్షకుల ముందుకు రాగా, డిసెంబర్‌ 22న 'సలార్' విడుదలైంది. దీని గురించి ప్రశాంత్ నీల్ ఓ ఇంటర్వ్యూలో మాట్లాడారు. సలార్, డంకీ రెండు చిత్రాల మధ్య పోటీ ఉన్నప్పటికీ, తొలిరోజే ఇవి మంచి కలెక్షన్లు వసూళ్లు చేశాయి.
Prashanth Neel - " i apologise to #Dunki team for this clash. SRK sir & Rajkumar Hirani sir are colossal & announced date way before. We didn't want #Salaar to come on this date, it happened only due to astrology”
— sohom (@AwaaraHoon) November 4, 2024
after #ShahRukhKhan & #Prabhas fans, the makers are over it too pic.twitter.com/7tfWrj45rN
NTRతో 'డ్రాగన్'!
ఇందిలా ఉండగా, ప్రశాంత్‌నీల్ ప్రస్తుతం మూడు సినిమాలను డైరెక్ట్ చేస్తున్నారు. పాన్ ఇండియా స్టార్ ప్రభాస్ మాస్ సినిమా 'సలార్-2, శౌర్యంగపర్వం పేరుతో సెట్స్‌ పైకి వెళ్లేందుకు రెడీగా ఉంది. అంతేకాకుండా ఇప్పటికే రెండు పార్ట్లతో హిట్ కొట్టి, ఇప్పుడు మూడో సీక్వెల్ 'కేజీయఫ్‌ 3' స్క్రిప్ట్‌ వర్క్ కూడా పూర్తి చేశారు. యశ్‌, విజయ్‌ కిరంగదూర్‌ ఇద్దరూ వారి వారి ప్రాజెక్టుల్లో బిజీగా ఉన్నారు. వారి షెడ్యూళ్లు పూర్తవగానే కేజీయఫ్‌ మూడో పార్ట్ను ప్రారంభిస్తారు. ఇక వీటి కంటే ముందుగా ఎన్టీఆర్‌తో ఓ సినిమా చేస్తున్నారు ప్రశాంత్ నీల్. #NTR31అనే వర్కింగ్‌ టైటిల్‌తో ఈ చిత్రం పూజాకార్యక్రమాలతో ఇటీవలే ప్రారంభమైంది. ఈ మూవీకి 'డ్రాగన్' అనే టైటిల్‌ను అనుకుంటున్నట్లు చాలా రోజుల నుంచి వార్తలు వస్తున్నాయి.
'మహానటి' కథ వినకముందే రిజెక్ట్ చేసిన దుల్కర్! మళ్లీ ఎందుకు నటించారు? నాగ్ అశ్విన్ రివీల్!
ఈసారి గురుచూసి కొడుతున్న 'థండేల్'! రిలీజ్ డేట్ వచ్చేసిందబ్బా- ఎప్పుడంటే?
