Pawan Kalyan OG Movie: పవర్ స్టార్ పవన్ కల్యాణ్ చేతిలో ప్రస్తుతం మూడు సినిమాలు ఉన్నాయి. అవన్నీ కూడా భారీ బడ్జెట్ చిత్రాలే. అందులో ఒకటి సుజిత్ డైరెక్షన్‌లో రెడీ అవుతున్న 'OG'. భారీ యాక్షన్ డ్రామాగా తెరకెక్కుతున్న ఈ సినిమాపై పవర్ స్టార్ ఫ్యాన్స్కు హై లెవెల్ అంచనాలు ఉన్నాయి. అయితే ఈ సినిమా నుంచి గతేడాది ఓ పోస్టర్, గ్లింప్స్ మినహా ఎలాంటి అప్డేట్ లేదు.
ఇక సెప్టెంబర్ 2న ఆయన పుట్టిన రోజు సందర్భంగా మేకర్స్ ఈ సినిమా నుంచి సాలిడ్ అప్డేట్ ఇవ్వనున్నట్లు ప్రకటించారు. సోమవారం మధ్యాహ్నం సెకండ్ గ్లింప్స్ విడుదల చేయనున్నట్లు తెలిసింది. ఈ నేపథ్యంలో పవన్ కల్యాణ్ పవర్ఫుల్ పోస్టర్ ఒకటి సోషల్ మీడియాలో చక్కర్లు కొట్టింది. దీంతో ఫ్యాన్స్లో అంచనాలు అమాంతం పెరిగిపోయాయి.
తాజాగా మేకర్స్ మరో ప్రకటనతో ఫ్యాన్స్ కాస్త నిరాశ చెందారు. 'పవర్ ప్యాక్డ్ ఫైర్' వేడుకలు మరికొద్ది గంటల్లో ప్రారంభం కానున్నాయి. OG అనేది సినిమా మాత్రమే కాదు. ఇది అందరికీ ఒక వేడుక లాంటిది. ఈ ప్రత్యేకమైన రోజును మరింత గ్రాండ్గా సెలబ్రేట్ చేయడానికి చాలా ప్రయత్నించాం. కానీ, భారీ వర్షాల కారణంగా OG సెలబ్రేషన్స్ మరొక రోజుకు పోస్ట్ పోన్ చేస్తున్నాం' అని రాసుకొచ్చారు. అయితే ఫ్యాన్స్ కోసం రేపు ఓ స్పెషల్ పోస్టర్ను రిలీజ్ చేయనున్నట్లు మేకర్స్ ప్రకటించారు. అలాగే ఫస్ట్ సింగిల్ రిలీజ్ డేట్ కూడా సోమవారం అనౌన్స్ చేయనున్నట్లు పేర్కొన్నారు.
The ‘POWER’ packed ‘FIRE’ celebrations are about to begin in just a few more hours… ❤️❤️ #OG is not just a film it’s a celebration for all….To make this special day even bigger we’ve put in every effort to bring something huge on September 2nd. Due to the ongoing circumstances… pic.twitter.com/FTimMmNtXW
— DVV Entertainment (@DVVMovies) September 1, 2024
కాగా, ఇప్పటికే రిలీజైన హంగ్రీ చీతా గ్లింప్స్కు భారీ స్థాయిలో రెస్పాన్స్ వచ్చింది. దీంతో ఫ్యాన్స్ అంతా రెండో గ్లింప్స్ కోసం వెయిట్ చేశారు. కానీ, తాజా అనౌన్స్మెంట్తో ఫ్యాన్స్ నిరాశకు గురయ్యారు. ఇక పవన్ సరసన ఈ సినిమాలో ప్రియాంకా అరుళ్ మోహన్ హీరోయిన్గా నటిస్తోంది. శ్రియా రెడ్డి, ప్రకాశ్ రాజ్, ఇమ్రాన్ హష్మి తదితరులు కీలక పాత్రలు పోషిస్తున్నారు. ఈ సినిమా 2025 మార్చి 27న వరల్డ్వైడ్ గ్రాండ్గా రిలీజ్ కానుంది. డీవీవీ ఎంటర్టైన్మెంట్స్ బ్యానర్పై డీవీవీ దానయ్య ఈ సినిమాను నిర్మిస్తున్నారు.
'నాని, పవన్ కల్యాణ్ మధ్య ఉన్న పోలిక అదే!' : ప్రియాంక మోహన్ - Saripodhaa Sanivaaram Priyanka
PK ఫ్యాన్స్ గెట్రెడీ- 'OG' నుంచి స్పెషల్ వీడియో- ఎప్పుడంటే? - Pawan Kalyan OG
