Pooja Hegde New Movie : బుట్ట బొమ్మ పూజా హెగ్డే ప్రస్తుతం సినిమా అవకాశాల కోసం ఎదురుచూస్తోంది. ఒకప్పుడు సౌత్లో ఓ వెలుగు వెలిగిన ఈ పొడుగు కాళ్ల సుందరి, క్రమ క్రమంగా ఫేడ్ అవుతూ వచ్చింది. ఆమె నటించిన 'రాధే శ్యామ్', 'బీస్ట్' ఇలా పలు సినిమాలు నిరాశపరచడం వల్ల మేకర్స్ ఈమెను నెమ్మదిగా పక్కన పెట్టడం ప్రారంభించారు. ఆఫర్లు కూడా రావాడం తగ్గిపోయంది.
దీంతో ఈ చిన్నది తన అనుకోకుండానే బాలీవుడ్ బాట పట్టింది. అక్కడ తన అదృష్టాన్ని పరీక్షించుకునేందుకు సిద్ధమైంది. సల్మాన్ ఖాన్, రణ్వీర్ సింగ్ లాంటి స్టార్స్ సరసన నటించింది. అవన్నీ కూడా భారీ బడ్జెట్ సినిమాలే. అయితే ఆమె బీటౌన్లో చేసిన ఈ రెండు సినిమాలు కూడా ఆడియెన్స్ను ఆకట్టుకోలేకపోయింది. ఇందులో ఏ ఒక్కటైనా హిట్ అయ్యుంటే పూజా అక్కడ మంచి ఆఫర్లు దక్కించుకునేది. కానీ సీన్ రివర్స్ అయ్యింది. అంతే కాకుండా వచ్చినట్లే వచ్చి పలు ఆఫర్లు కూడా చేజారడం వల్ల ఆమె పరిస్థితి అయోమయంగా మారింది. ఫ్యాన్స్ కూడా ఆమెకు ఒక్క ఛాన్స్ దక్కకపోదా అంటూ ఆశతో ఎదురు చూశారు.
ఇలా గత కొంతకాలంగా ఆఫర్ల కోసం కోసం వెయిట్ చేస్తున్న పూజాకు కోలీవుడ్లో క్రేజీ అవకాశాన్ని దక్కించుకుంది. తమిళ స్టార్ హీరో సూర్య, కార్తిక్ సుబ్బరాజ్ కాంబోలో రానున్న 'సూర్య 44'వ సినిమాలో హీరోయిన్గా ఛాన్స్ సంపాదించుకుంది. తాజాగా ఈ విషయాన్ని ప్రకటిస్తూ పూజాకు సంబంధించి ఫస్ట్ లుక్ పోస్టర్ను కూడా మేకర్స్ విడుదల చేశారు. అందులో ఒంటి నిండా నగలతో ఎంతో ట్రెడిషినల్గా కనిపించింది. ఇది చూసిన ఫ్యాన్స్ సంబరాలు చేసుకుంటున్నారు. ఈ సినిమా ఆమెకు మంచి బ్రేక్ ఇవ్వాలని ఆశిస్తున్నారు. అయితే గతంలో వచ్చిన గుంటురూ కారంలోనూ తొలుత పూజానే మెయిన్ లీడ్గా తీసుకున్నారు మేకర్స్. కానీ ఆమె అనూహ్యంగా ఆ ప్రాజెక్ట్ నుంచి తప్పుకుంది. చూడాలి ఈ ప్రాజెక్ట్ అయినా ఆమెకు సక్సెస్ ఇస్తుందో లేదో?
-
A killer on screen! Delighted to have the dazzling diva @hegdepooja with us for #Suriya44 🔥
— 2D Entertainment (@2D_ENTPVTLTD) June 1, 2024
Welcome onboard #PoojaHegde 💃🏻#LoveLaughterWar ❤️🔥 #AKarthikSubbarajPadam📽️@Suriya_Offl @karthiksubbaraj @Music_Santhosh @rajsekarpandian @kaarthekeyens @kshreyaas @cheps911… pic.twitter.com/T7hJMFeTQF
బీటౌన్లో పూజ నయా జర్నీ - స్టార్ హీరో తనయుడితో మూవీ - Pooja Hegde Sanki Movie
చైతూతో మరో సారి!- స్క్రీన్పై మెరవనున్న 'ఒక లైలా కోసం' కపుల్ - Pooja Hegde Upcoming Movie
