Mokshagna New Look in Prasanth Varma Movie : నందమూరి బాలకృష్ణ వారసుడిగా మోక్షజ్ఞ సినీ ఎంట్రీకి రెడీ అయిన సంగతి తెలిసిందే. 'హనుమాన్' ఫేమ్ యంగ్ టాలెంటెడ్ డైరెక్టర్ ప్రశాంత్ వర్మతో కలిసి ఓ సినిమా చేయనున్నారు. అయితే ఈ సినిమాను అధికారికంగా ప్రకటించినప్పటి నుంచి ఈ మూవీ ఎలా ఉండబోతుందా? అని నందమూరి ఫ్యాన్స్లో తెగ ఆసక్తి మొదలైంది. తాజాగా ఇప్పుడు మోక్షజ్ఞ షూటింగ్ సెట్స్లోకి అడుగుపెట్టి, యాక్షన్ కోసం సిద్ధమైనట్లు తెలుస్తోంది. దీనికి సంబంధించి దర్శకుడు ప్రశాంత్ వర్మ ఓ ఫొటోను పోస్ట్ చేశారు.
అయితే మొదటి సారి 'సింబా ఈజ్ కమింగ్' అంటూ విడుదల చేసిన మోక్షజ్ఞ లుక్ చూసి అభిమానులంతా ఫిదా అయిపోయిన సంగతి తెలిసిందే. సోషల్ మీడియాలో ఈ పిక్ ఓ రేంజ్లో వైరల్ అయింది. ఇప్పుడు మళ్లీ దర్శకుడు ప్రశాంత్ వర్మ మోక్షజ్ఞకు సంబంధించి రెండో లుక్ను విడుదల చేశారు. ఇందులో మోక్షజ్ఞ అద్దంలో చూసుకుంటూ లైట్ బియర్డ్తో స్టైలిష్గా కనిపించారు. బ్లూ కలర్ చెక్ షర్ట్లో కనిపించారు. 'దీనికి రెడీ ఫర్ సమ్ యాక్షజ్ఞ?'("యాక్షన్ కోసం సిద్ధమా?") అంటూ క్యాప్షన్ రాసుకొచ్చారు ప్రశాంత్ వర్మ. 'సింబా ఈజ్ కమ్మింగ్‌' అనే హ్యాష్‌ట్యాగ్‌ జత చేశారు.
ఇకపోతే మోక్షజ్ఞ మూవీలో హీరోయిన్గా బాలీవుడ్ హీరోయిన్ రవీనా టాండన్ కుమార్తె రాశి థడాని నటిస్తోందని తెలుస్తోంది. ఈ యంగ్ బ్యూటీ మోక్షుతో రొమాన్స్ చేయనుందని ఆ మధ్య జోరుగా వార్తలు వచ్చాయి. అయితే ఈ విషయంపై మేకర్స్ నుంచి ఎటువంటి క్లారిటీ లేదు.
Ready for some action? @MokshNandamuri 💥💥💥#SIMBAisCOMING pic.twitter.com/dep3A1Whv9
— Prasanth Varma (@PrasanthVarma) November 29, 2024
గ్రాఫిక్స్ మాయాజాలం - ఈ సినిమా ఇతిహాసాల స్ఫూర్తితో సోషియో ఫాంటసీ చిత్రంగా రూపొందుతున్నట్లు సమాచారం. హను- మాన్ లానే ఈ చిత్రంలోనూ భారీ గ్రాఫిక్స్ ఉంటుందని టాక్ వినిపిస్తోంది. అలాగే ఈ చిత్రంలో హీరో బాలకృష్ణ కూడా ఓ కీలక పాత్రలో కనిపించనున్నారని ప్రచారం సాగుతోంది.
సినిమాను లెజెండ్‌ ప్రొడక్షన్స్తో కలిసి ఎస్‌.ఎల్‌.వి.సినిమాస్‌ బ్యానర్ పై సుధాకర్‌ చెరుకూరి నిర్మిస్తున్నారు. బాలకృష్ణ కుమార్తె తేజస్విని నందమూరి సమర్పిస్తున్నారు. బాలయ్య విజన్‌కు అనుగుణంగా, చిరస్మరణీయంగా నిలిచిపోయేలా ఈ చిత్రం ఉంటుందని సినీ వర్గాలు చెబుతున్నాయి. ఇప్పటికే మోక్షజ్ఞ నటన, ఫైట్లు, డ్యాన్సుల్లో శిక్షణ తీసుకుని ప్రత్యేకంగా సన్నద్ధమయ్యారట.
మోక్షజ్ఞ, ప్రశాంత్ వర్మ సినిమా - మొదటి అడుగు పడింది అక్కడే! - Mokshagna Prasanth Varma
