షారుక్, కాజోల్ కాదు - బీటౌన్లో ఈ హిట్ పెయిరే ఫేమస్! - Actress Most Films With Shahrukh

బాలీవుడ్లో హిట్ పెయిర్ అంటే అందరి నోట షారుక్ కాజల్ పేర్లే వినిపిస్తాయి. అంతలా ఈ జంట స్ర్కీన్పై సందడి చేసింది. అయితే ఓ బీటౌన్ స్టార్ హీరోయిన్ కాజల్ కంటే ఎక్కువ సార్లు షారుక్తో సినిమాల్లో నటించి ప్రేక్షకులను మెప్పించింది. ఇంతకీ ఆమె ఎవరంటే ?

Etv Bharat

Published : Mar 24, 2024, 7:19 PM IST

Heroine Who Acted Most Films With Shahrukh Khan : జానర్ ఏదైనా తన పాత్రలో ఇట్టే ఒదిగిపోతారు బాలీవుడ్ బాద్షా షారుక్ఖాన్. ఇటీవలే ఎన్నో యాక్షన్ సినిమాల్లో ఆయన నట విశ్వరూపాన్ని చూశాం. కానీ ఒకప్పటిలో ఆయన కింగ్ ఆఫ్ రొమాన్స్గానూ పెరొందారు. తన క్యూట్ లుక్స్తో ఎంతో మంది అమ్మాయిల డ్రీమ్బాయ్గా రాణించారు. చేసుకుంటే ఇలాంటి అబ్బాయినే పెళ్లి చేసుకోవాలంటూ ఫ్యాన్స్ కూడా అనుకునేవారు.

ఇక ఫ్యాన్సే కాదు అప్పటి హీరోయిన్లు కూడా కింగ్ ఖాన్తో స్క్రీన్ షేర్ చేసుకునేందుకు ఉవ్విళ్లూరేవారు. ఆయనతో ఒక్క సినిమాలోనైనా నటించాలనుకునేవారు. అయితే ఇప్పటి వరకు ఆయనతో ఎంతో మంది కనిపించినప్పటికీ షారుక్ కాజోల్ జోడీకి ఇండస్ట్రీలో మంచి క్రేజ్ ఉంది. ఈ జంట ఆన్స్క్రీన్ కెమిస్ట్రీ ఎన్నో హిట్ సినిమాలకు బాటలు వేశాయి. ఆఫ్స్క్రీన్లోనూ ఈ జంట ఎంతో మంచి స్నేహితులగానూ కొనసాగుతున్నారు. ఇప్పటికీ బాలీవుడ్లో బెస్ట్ ఆన్స్క్రీన్ జోడీ అంటే ఈ ఇద్దరి పేర్లే వినిపిస్తుంది.

1993లో 'బాజీగర్' సినిమాలో వీరిద్దరూ కలిసి తొలిసారి పనిచేశారు. ఆ తర్వాత 'దిల్ వాలే దుల్హానియా లే జాయేంగే'. 'కుచ్ కుచ్ హోతా హై', 'కభీ ఖుషీ కభీ ఘమ్', 'మై నేమ్ ఈజ్ ఖాన్'లో కలిసి నటించారు. ఇక షారూఖ్ - కాజోల్ కాంబినేషన్‌లో వచ్చిన ఆఖరి సినిమా 'దిల్ వాలే.' ఇలా ఈ హిట్ పెయిర్ కాంబోలో 7 సినిమాలు ఉన్నాయి. అయితే షారుక్తో ఈమె కంటే ఎక్కువగా ఓ నటి తెరపై కనిపించి సందడి చేసింది. ఇంతకీ ఆమె ఎవరంటే ?

ఆమె మరెవరో కాదు బాలీవుడ్ స్టార్ హీరోయిన్ జూహీ చావ్లా. ఆ రోజుల్లో హీరో హీరోయిన్లుగా షారుక్ - జూహీ సినిమాల్లో కనిపిస్తే ఇక తెరపై ఉంది తామే అన్నట్లు ఫీలైపోయేవాళ్లట ఫ్యాన్స్.

1992లో విడుదలైన 'రాజు బన్ గయా జెంటిల్‌మాన్'‌ సినిమాతో ఈ జంట తొలిసారి స్క్రీన్పై సందడి చేసింది. ఆ తర్వాత 1993లో 'డర్', 1995లో 'రామ్ జానే', 1997లో 'యస్ బాస్' వంటి సినిమాల్లోనూ నటించి లవ్లీ పెయిర్ అనిపించుకుంది.

ఇక 1998లో రిలీజైన డూప్లికేట్ సినిమాలోనూ ఈమె నటించింది. అయితే ఇందులోని ఒక పాత్రలో సోనాలి బింద్రే కూడా షారుక్కు జోడీగా నటించింది. ఆ తర్వాత వీరిద్దరి కాంబినేషన్ లో 'ఫిర్ భీ దిల్ హై హిందూస్తానీ'(2000) వచ్చింది. 'వన్ 2 కా 4'లో కూడా షారూఖ్, జూహీలు జంటగా కనిపించారు. ఇక చివరిసారిగా వీరిద్దరూ పెయిర్ గా వచ్చిన సినిమా సూపర్ నేచురల్ కామెడీ ఫిల్మ్ 'భూత్ నాథ్'(2008). మొత్తానికి షారూఖ్ ఖాన్ తో కలిసి కాజోల్ నటించిన సినిమాలు 7 అయితే జూహీ చావ్లా జతకట్టిన సినిమాలు 8.