Hari Hara Veera Mallu First Single : పవర్ స్టార్ పవన్ కల్యాణ్ లీడ్ రోల్లో భారీ బడ్జెట్తో తెరకెక్కుతోన్న లేటెస్ట్ మూవీ 'హరిహర వీరమల్లు'. ప్రస్తుతం ఈ సినిమా శరవేగంగా చిత్రీకరణ జరుపుకుంటోంది. ఇప్పటికే చాలా వరకూ షూటింగ్ కంప్లీట్ చేసుకున్న ఈ సినిమా ఇప్పుడు మరో నయా షెడ్యూల్తో పుర్తయ్యేందుకు సిద్ధవుతోంది. అయితే ప్రస్తుతం హైదరాబాద్‌లో ఈ షూట్ జరుగుతుండగా, అందులో పవన్ కల్యాణ్ లేని కొన్ని సన్నివేశాల్ని తెరకెక్కిస్తున్నారట. అయితే పవన్ చేయనున్న తదుపరి షెడ్యూల్తో ఈ సినిమా పూర్తవుతుందని సినీ వర్గాల మాట.
ఫస్ట్ సింగిల్ ఎప్పుడంటే?
రీసెంట్గా ఈ సినిమా ఫస్ట్ సింగిల్ను విడుదల చేస్తామనంటూ మేకర్స్ చెప్పుకొచ్చారు. కానీ ఆ తర్వాత దీనికి సంబంధించి ఎటువంటి అప్డేట్ ఇవ్వకపోవడంతో ఫ్యాన్స్ నిరాశకు లోనయ్యారు. కానీ తాజాగా నెట్టింట ట్రెండ్ అవుతున్న ఓ రూమర్స్ మళ్లీ పవన్ ఫ్యాన్స్లో జోష్ నింపింది. ఈ డిసెంబర్ రెండో వారానికి సాంగ్ను విడుదల చేసే ప్లాన్లో మేకర్స్ ఉన్నట్లు తెలుస్తోంది. మరి దీనిపై ఇంకా అధికారిక ప్రకటన రావాల్సి ఉంది.
ఇక హరిహర వీరమల్లు సినిమా విషయానికి వస్తే, సామ్రాజ్యవాదులకు వ్యతిరేకంగా స్వాతంత్య్రం కోసం ఓ యోధుడు సాగించిన పోరాటం నేపథ్యంలో సాగనుంది ఈ చిత్రం.17వ శతాబ్దం నేపథ్యంలో సాగే కథతో పవన్ అభిమానులను అలరించనున్నారు. మొఘలుల కాలం నాటి చారిత్రక నేపథ్యంలో తెరకెక్కుతోంది. ఇందులో పవన్ సరసన నిధి అగర్వాల్ నటిస్తుండగా, బాబీ దేవోల్‌ ప్రతినాయకుడి పాత్ర పోషిస్తున్నారు.
జ్యోతికృష్ణ డైరెక్ట్ చేస్తున్న ఈ చిత్రాన్ని మెగా సూర్య ప్రొడక్షన్స్‌ పతాకంపై ఎ.దయాకర్‌ రావు నిర్మిస్తుండగా, దానికి ఎ.ఎం.రత్నం సమర్పిస్తున్నారు. అయితే అంతకముందు క్రిష్ జాగర్లమూడి ఈ సినిమాను కొంత భాగం వరకూ డైరెక్ట్ చేశారు. ఎం.ఎం. కీరవాణి ఈ సినిమాకు సంగీతాన్ని అందింస్తున్నారు. భారీ అంచనాల నడుమ వస్తున్న ఈ చిత్రం వచ్చే ఏడాది మార్చి 28న తెలుగుతో పాటు, తమిళ, హిందీ, మలయాళ, కన్నడ భాషల్లో విడుదల కానుంది.
