రామ్​చరణ్​కు తారక్​, పవన్​, బన్నీ స్పెషల్ విషెస్​ - ఏం చెప్పారంటే? - Happy Birthday Ramcharan

Happy Birthday Ramcharan : నేడు రామ్​చరణ్​ పుట్టినరోజు సందర్భంగా అల్లు అర్జున్, ఎన్టీఆర్, పవన్ కల్యాణ్ స్పెషల్ విషెస్ తెలిపారు. చరణ్​తో తమకున్న అనుబంధాన్ని పంచుకున్నారు. ఇంతకీ వాళ్లు ఏం చెప్పారంటే?

Happy Birthday Ramcharan : నేడు(మార్చి 27) మెగా పవర్ స్టార్ రామ్ చరణ్​ పుట్టినరోజు. ఈ సందర్భంగా మెగా అభిమానులతో పాటు ఇతర సినీ సెలబ్రిటీలంతా ప్రత్యేకంగా విషెస్ తెలుపుతున్నారు. ఫ్యాన్స్ అయితే కేక్​లు కట్​ చేసి మరీ సంబరాలు చేసుకుంటున్నారు. సోషల్ మీడియాను చరణ్​ పేరుతో మార్మోగిస్తున్నారు. అలాగే ఆయన కొత్త సినిమాలకు సంబంధించిన అప్డేట్స్​ కూడా వరుసగా రిలీజ్ అవుతూ మస్త్ ట్రెండ్ అవుతున్నాయి.

స్టైలిష్ స్టార్ అల్లు అర్జున్ కూడా తన సోషల్ మీడియా అకౌంట్ ద్వారా రామ్ చరణ్​కు పుట్టినరోజు శుభాకాంక్షలు చెప్పారు. అల్లు అర్జున్, రామ్ చరణ్ కజీన్స్ మాత్రమే కాదు మంచి స్నేహితులు కూడా. అందుకే అల్లు అర్జున్ తన పోస్ట్​లో "హ్యాపీ బర్త్ డే టు మై స్పెషల్ కజిన్, లవ్ యు అల్వేస్" అంటూ ఒక బ్లాక్ ఏమోజీని పోస్ట్ చేశారు. అలాగే పబ్​లో తను, రామ్ చరణ్, అల్లు శిరీష్, నీహారిక కలిసి చిందులు వేస్తున్న వీడియోను షేర్ చేశారు.

పాన్ ఇండియా హిట్ ఆర్ఆర్​ఆర్​ సినిమాలో రామ్ చరణ్​తో కలిసి నటించిన ఎన్టీఆర్ కూడా చరణ్ కు మంచి స్నేహితుడు. "హ్యాపీ బర్త్ డే మై బ్రదర్ రామ్ చరణ్ ఈ ఏడాది అంతా నువ్వు సంతోషంగా ఉండడంతో పాటు విజయాలని అందుకోవాలని కోరుకుంటున్నాను" అంటూ ఎన్టీఆర్ ట్వీట్ చేశారు.

చిరంజీవి పెద్ద కుమార్తె, రామ్ చరణ్ సోదరి సుస్మిత కూడా తన సోషల్ మీడియా అకౌంట్​లో రామ్ చరణ్​తో కుటుంబసభ్యులు ఉన్న ఫోటోను షేర్ చేస్తూ "నా ప్రియమైన తమ్ముడికి పుట్టినరోజు శుభాకాంక్షలు నువ్వు కోరుకున్న ప్రతిదీ నెరవేరాలని కోరుకుంటున్నాను" అంటూ పోస్ట్ చేశారు. రామ్ చరణ్ బాబాయ్ పవర్ స్టార్ పవన్ కళ్యాణ్ కూడా శుభాకాంక్షలు తెలుపుతూ "గ్లోబల్ స్టార్ స్థాయికి చేరుకున్న రామ్ చరణ్ కు నా హృదయ పూర్వక జన్మదిన శుభాకాంక్షలు. తండ్రికి తగ్గ తనయుడిగా ముందుకు వెళ్తున్న చరణ్ రానున్న రోజుల్లో మరిన్ని విజయాలు అందుకోవాలని కోరుకుంటున్నాను" అంటూ పోస్ట్ చేశారు.