Famous Horror Web Series List: సాహసాలు చేసేవారు కొందరైతే, వాటిని చూసేవారు మరికొందరు. ఇందులో భాగంగా పుట్టుకొచ్చినవే హారర్ సినిమాలు, వెబ్సిరీస్లు. కొన్ని నిజజీవితంలో ఎదురయ్యే సంఘటనలతో తెరకెక్కితే మరికొన్ని కల్పితాల ద్వారా ప్రేక్షకులను అలరిస్తాయి. ఓటీటీల్లో ప్రస్తుతం వీటికి విశేషమైన ఆదరణ ఉంది. మరి పలు ఓటీటీ వేదికల్లో స్ట్రీమ్ అవుతున్న కొన్ని ఫేమస్ హారర్ వెబ్సిరీస్లేంటి? అవి ఏ ఓటీటీ ప్లాట్ఫామ్లో స్ట్రీమ్ అవుతున్నాయో తెలుసుకుందాం.
ఘౌల్
సూపర్ నేచురల్ థ్రిల్లర్గా ఘౌల్ హారర్ వెబ్ సిరీస్ను మూడు ఎపిసోడ్‌లలో తెరకెక్కించారు. 2018 ఆగస్టులో విడుదలైన ఈ సిరీస్ నెట్ఫ్లిక్స్లో స్ట్రీమ్ అవుతోంది. ఇందులో బోల్డ్ బ్యూటీ రాధికా ఆప్టే ఇంటరాగేషన్ ఆఫీసర్గా కీలక పాత్ర పోషించింది. కథ మొత్తం ఓ సీక్రెట్ జైలులో ఇంటరాగేషన్ రూపంలో సాగుతుంది. విచారణలో రాధికా ఖైదీల నుంచి నిజాలు రాబడుతుంది. ఈ క్రమంలో జరిగే పరిణామాలే ఘౌల్ పూర్తి కథాంశం.
బేతాల్
అతీంద్రియ శక్తుల అంశాల మిళితంతో ఓ మారుమూల పల్లెటూరి నేపథ్యంలో సాగే జానపద కథలతో తెరకెక్కిన హారర్-థ్రిల్లర్ వెబ్సిరీస్ బేతాల్. దీనికి పాట్రిక్ గ్రాహం దర్శకత్వం వహించారు. నిఖిల్ మహాజన్ కో-డైరెక్టర్గా వ్యవహరించారు. రెడ్ చిల్లీస్ ఎంటర్టైన్మెంట్ సంస్థ బేతాల్ను నిర్మించింది. వినీత్ కుమార్ సింగ్, అహానా కుమ్రా, సుచిత్రా పిళ్లై, జితేంద్ర జోషి కీలక పాత్రలు పోషించారు. ప్రస్తుతం నెట్ఫ్లిక్స్లో స్ట్రీమింగ్ అవుతోంది.
ది వాకింగ్ డెడ్
చార్లీ అడ్లార్డ్, టోనీ మూర్, రాబర్ట్ కిర్క్‌మాన్ కలిసి రూపొందించిన కామిక్ బుక్ సిరీస్ 'ది వాకింగ్ డెడ్'. జోంబీ వ్యాప్తితో నాశనమైన ప్రపంచంతో 'ది వాకింగ్ డెడ్' సిరీస్ ప్రారంభమవుతుంది. మరణించాక నడిచే శవాలను వాకర్స్గా పిలుస్తారు. దీని ఆధారంగానే వెబ్సిరీస్కు ది వాకింగ్ డెడ్ అని పేరు పెట్టారు. ప్రపంచవ్యాప్తంగా ఎంతో ఆదరణ పొందిన ఈ ఫేమస్ వెబ్సిరీస్ నెట్ఫ్లిక్స్లో స్ట్రీమింగ్ అవుతోంది.
అధుర
బోర్డింగ్ స్కూల్ బ్యాక్గ్రౌండ్లో సూపర్ నేచురల్ థ్రిల్లర్ జానర్‌లో రిలీజైన ఫేమస్ హారర్ వెబ్సిరీస్ 'అధుర'. ఓటీటీ వేదికగా విడుదలైన ఈ సిరీస్కు అనన్య బెనర్జీ, గౌరవ్ కే చావ్లా దర్శకత్వం వహించారు. ఇష్వాక్ సింగ్, రసిక దుగ్గల్, శ్రేనిక్ అరోరా, రాహుల్ దేవ్ కీలక పాత్రల్లో నటించారు. ఎవరూ ఊహించని ట్విస్టులతో అస్సలు స్టోరీ థీమ్కు సంబంధం లేకుండా అనేక మలుపులతో సాగే ఈ మూవీ చూపరులను పీక్ స్టేజ్కు తీసుకెళ్తుంది. ప్రముఖ ఓటీటీ వేదిక అమెజాన్ ప్రైమ్ వీడియోలో ప్రస్తుతం 'అధుర' వెబ్సిరీస్ స్ట్రీమ్ అవుతోంది.
టైప్‌రైటర్
టైప్‌రైటర్- హిందీ వెబ్సిరీస్. సుజోయ్ ఘోష్ దర్శకత్వం వహించారు. ఈ సిరీస్లో రహస్యమైన ప్రదేశంలో ఉన్న ఓ పాత బంగ్లాను రీసెర్చ్ చేయడానికి ఓ గోస్ట్ హంటర్ టీమ్ వెళ్తుంది. ఈ విల్లాలో దాగిఉన్న చీకటి రహస్యాలను బయటపెట్టేందుకు వెళ్లిన వీరికి ఎటువంటి సంఘటనలు ఎదురయ్యాయి? వీటితో వారు ఏ రకంగా భయపడ్డారు? వాటిని ఎలా ఎదుర్కున్నారు. వీటి ఆధారంగా టైప్రైటర్ను తెరకెక్కించారు. పలోమీ ఘోష్, పురబ్ కోహ్లి, సమీర్ కొచ్చర్ ప్రధాన పాత్రల్లో నటించారు. ఓటీటీ నెట్ఫ్లిక్స్లో ఈ సిరీస్ స్ట్రీమింగ్ అవుతోంది.
గెహ్రైయాన్
సిధాంత్ సచ్‌దేవ్ దర్శకత్వం వహించారు. ఈ హర్రర్ వెబ్సిరీస్‌లో సంజీదా షేక్, వత్సల్ షేత్, రాధికా బంగియా సహా ఇతర నటులు మెరిశారు. బెంగుళూరులో జరిగిన ఒక బాధాకరమైన సంఘటన తరువాత రేనా అనే యువతి తన కెరీర్‌పై ఏ విధంగా దృష్టి సారించింది. ఇందుకోసం ముంబయికే ఎందుకు వెళ్తుంది. ఇక్కడ కొత్త లైఫ్ ప్రారంభించిన ఆమెకు ఎదురయ్యే వింత సంఘనటల నుంచి ఆమె ఎలా బయట పడుతుంది అనే ఆధారంగా గెహ్రైయాన్ను తెరకెక్కించారు. ఈ సిరీస్ ఓటీటీ జియో సినిమాలో స్ట్రీమింగ్ అవుతోంది.
- " class="align-text-top noRightClick twitterSection" data="">
