డేంజర్ జోన్లో ఈ దర్శకులు - మళ్లీ హిట్ కొడితేనే రేసులోకి!

ప్రస్తుతం ఇండస్ట్రీలో బడా డైరెక్టర్స్గా కొనసాగుతున్న నలుగురు దర్శకుల కెరీర్ ఒడుదొడుకులతో సాగుతోంది. వాళ్లను హిట్ పలకరించి చాలా కాలమైంది. కెరీర్ ప్రమాదంలో పడే ఛాన్స్లు కనిపిస్తోంది. వారెవరంటే?

Published : Mar 16, 2024, 2:11 PM IST

Updated : Mar 16, 2024, 2:36 PM IST

Director Shankar Game Changer : ఒకరేమో 90ల్లో పాన్ ఇండియా రేంజ్ సినిల దర్శకుడు, మరొకరేమో టాలీవుడ్లో ఇండస్ట్రి హిట్స్ ఇచ్చారు, మిగిలిన ఇద్దరు టాలీవుడ్ లో క్లాసిక్ హిట్స్ కొట్టారు. కానీ ఇదంతా ఒకప్పుడు. ఇప్పుడు వాళ్లను హిట్ పలకరించి చాలా కాలం అయింది. మరి వాళ్లు ఇప్పుడు చేస్తున్న సినిమాలతో అయినా హిట్ కొట్టే ఛాన్స్ ఉందా? తెలుసుకుందాం.

వివరాల్లోకి వెళితే : ఇప్పుడంటే పాన్ ఇండియా, పాన్ వరల్డ్ అంటున్నారు గాని ఒకప్పుడు ఒక ప్రాంతీయ భాష సినిమాను మరొక భాషలో రిలీజ్ చేస్తే దానిని డబ్బింగ్ సినిమా అనేవారు. అలా 90ల్లోనే తన సినిమాలతో దేశవ్యాప్తంగా పేరు సంపాదించారు దర్శకుడు శంకర్. తమిళంలో 1993లో జెంటిల్మన్ సినిమాతో దర్శకుడిగా పరిచయం అయిన శంకర్ ఆ సినిమాతో మొదటి హిట్ అందుకున్నారు. ఆ తర్వాత ప్రేమికుడు, ఇండియన్(తెలుగులో భారతీయుడు), జీన్స్, ఒకే ఒక్కడు, బాయ్స్ లాంటి హిట్స్తో టాప్లోకి వెళ్లారు శంకర్.

అయితే 2010లో రజనీ కాంత్తో చేసిన రోబో హిట్ తర్వాత అంతటి రేంజ్లో శంకర్కు సక్సెస్ దక్కలేదు. ముఖ్యంగా 2018లో వచ్చిన రోబో 2.0, ఐ కమర్షియల్గా విజయం సాధించకపోయాయి. ప్రస్తుతం ఆయన కమల్ హాసన్తో చేస్తున్న ఇండియన్ - 2 , రామ్ చరణ్తో చేస్తున్న గేమ్ చేంజర్పైనే ఆశలు పెట్టుకున్నారు. ఆ రెండు సినిమాల విజయం 14 ఏళ్లుగా సరైన హిట్ లేని శంకర్కు ఎంతో అవసరమనే చెప్పాలి.

Puri jagannadh Double ismart : హీరోలతో బులెట్ లాంటి డైలాగ్లు చెప్పించడంలో పూరీ జగన్నాధ్కు సాటి ఎవరు లేరు. రవితేజా లాంటి హీరోలను ఇండస్ట్రిలో నిలదొక్కునేలా చేసిన, గ్లోబల్ స్టార్ రామ్ చరణ్ను ఇండస్ట్రికి పరిచయం చేసిన ఘనత పూరీకే దక్కుతుంది. మహేశ్ బాబు తో 2006లో చేసిన పోకిరి అప్పటివరకు ఉన్న తెలుగు సినిమా రికార్డులను తిరగరాసింది. అంతటి హిట్స్ సాధించిన పూరీకి టెంపర్ తర్వాత సరైన హిట్ దక్కలేదు. ఇస్మార్ట్ శంకర్ పర్వాలేదనిపించినా విజయ్ దేవరకొండతో చేసిన లైగర్ డిజాస్టర్గా నిలిచింది. దీంతో టాలీవుడ్ దర్శకుల రేసులో ఉండాలంటే ఇప్పుడు ఆయన ఖాతాలో అర్జెంట్గా ఒక హిట్ పడాలి. ప్రస్తుతం పూర్తి డబుల్ ఇస్మార్ట్ సినిమాతో బిజీగా ఉన్నారు. ఈ చిత్రం పూరిని మళ్లీ రేసులో నిలబెడుతుందో లేదో చూడాలి.

" class="align-text-top noRightClick twitterSection" data="">

Krish HariHara Veeramallu : సైలెంట్గా వచ్చి డీసెంట్ హిట్ కొట్టడమే కాదు అల్లరి నరేశ్లో ఉన్న మంచి నటుడిని గమ్యం సినిమా ద్వారా ప్రేక్షకులకు పరిచయం చేసిన దర్శకుడు క్రిష్. ఆ తర్వాత కృష్ణం వందే జగద్గురుం, కంచె, గౌతమి పుత్ర శాతకర్ణి వంటి హిట్లను అందుకున్నారు. కానీ ఆ తర్వాత ఆయన ఫేట్ మారిపోయింది. మణి కర్ణిక, కొండ పొలం, ఎన్టీఆర్ జీవితం ఆధారంగా వచ్చిన కథానాయకుడు వంటి సినిమాలు బాక్స్ ఆఫీస్ దగ్గర విజయం సాధించలేకపోయాయి. ఇప్పుడాయన పవన్తో హరి హర వీర మల్లు, అనుష్కతో ఓ సినిమా చేస్తున్నారు. మరి ఈ చిత్రాలు ఆయనకు విజయాన్ని అందిస్తాయా లేదా అనేది చూడాలి.

Koratala Siva Devara Movie : ఇక తన మొదటి సినిమానే ప్రభాస్తో తీసి హిట్ కొట్టారు దర్శకుడు కొరటాల శివ. 2013లో మిర్చి సినిమాతో టాలీవుడ్కు పరిచయం అయ్యారు కొరటాల శివ. ఆ తర్వాత శ్రీమంతుడు, జనతా గ్యారేజ్, భరత్ అనే నేను చిత్రాలతో సక్సెస్ఫుల్గా డైరెక్టర్గా పేరు తెచ్చుకున్నారు అయితే భారీ అంచనాలతో వచ్చిన ఆచార్య చిత్రం డిజాస్టర్గా నిలిచింది. కేవలం ఫ్లాప్ మాత్రమే అవ్వడమే కాదు ఆయన కెరీర్ను డేంజర్లో పడేసింది. దీంతో ఆయన ఎన్టీఆర్ దేవరతో దర్శకుడిగా తానేంటో నిరూపించుకునేందుకు తీవ్రంగా శ్రమిస్తున్నారు. చూడాలి మరి ఏం జరుగుతుందో.