మహా కుంభమేళాలో 'అఖండ 2' టీమ్ - కోట్లాది భక్తుల మధ్యలో షూటింగ్

'అఖండ 2' షూటింగ్ అప్డేట్- తొలి షెడ్యూల్ కంప్లీట్

Akhanda 2 Shooting Kumbh Mela : నందమూరి నటసింహం బాలకృష్ణ లీడ్​ రోల్​లో డైరెక్టర్ బోయపాటి శ్రీను తెరకెక్కిస్తున్న సినిమా 'అఖండ 2: తాండవం'. 2021లో బ్లాక్​బస్టర్ విజయం అందుకున్న 'అఖండ'కు ఇది సీక్వెల్​గా తెరకెక్కుతోంది. ఇప్పటికే అధికారికంగా ప్రారంభమైన ఈ చిత్రం షూటింగ్, ప్రస్తుతం అతి పెద్ద ఆధ్యాత్మిక కార్యక్రమమైన మహా కుంభమేళాలో జరుగుతోంది.

ఈ క్రమంలో దర్శకుడు బోయపాటి షూటింగ్ అప్డేట్ గురించి పలు విషయాలు షేర్ చేసుకున్నారు. ఈ నెల 11న ప్రారంభమైన ఈ షెడ్యూల్​ చిత్రీకరణ ముగింపు దశకు చేరుకుందని ఆయన తెలిపారు. కోట్ల మందిలో కూడా షూటింగ్​ చేస్తున్నామంటే తమ ప్రయత్నం ఎంత గట్టిదో అర్థం చేసుకోవాలని అన్నారు.

'మహా కుంభమేళా ఏర్పాట్లు అద్భుతంగా చేశారు. దాని గురించి ప్రత్యేకంగా చెప్పాల్సిన పని లేదు. మాది అఘోర నేపథ్యంలో సాగే సినిమా కాబట్టి ఇక్కడ షూట్ చేస్తున్నాం. అఘోర, నాగ సాధువులను కూడా కలిశాం. 11వ తారీకు నుంచే మేం ఇక్కడ ఉన్నాం. ఈ రోజుతో ఇక్కడ షూట్‌ పూర్తవుతుంది. ఇన్ని కోట్ల మందిలో కూడా మా ప్రయత్నంలో లోపం లేకుండా షూటింగ్ కొనసాగిస్తున్నాం' అని బోయపాటి పేర్కొన్నారు. ఇక కోట్లాది మంది భక్తుల మధ్యలో షూటింగ్ అనగానే సినిమాపై భారీ అంచనాలు నెలకొన్నాయి. 'థియేటర్లలో పూనకాలే' అంటూ నందమూరి ఫ్యాన్స్ కామెంట్ చేస్తున్నారు.

నాలుగో సినిమా
బాలకృష్ణ - బోయపాటి శ్రీను కలయికలో రూపొందుతున్న నాలుగో చిత్రమిది. వీరి కాంబోలో ఇప్పటికే 'సింహా', 'లెజెండ్', 'అఖండ' సినిమాలు సూపర్ హిట్ అయ్యాయి. దీంతో ఈ సినిమాను దర్శకుడు బోయపాటి ఫుల్ యాక్షన్, బలమైన డ్రామా మేళవింపుగా చిత్రాన్ని తీర్చిదిద్దుతున్నారు. ప్రేక్షకుల అంచనాలకు మించి ఈ సినిమా ఉంటుందని చిత్ర వర్గాలు స్పష్టం చేశాయి.

The protector of Dharma will rage a powerful battle 🔱#Akhanda2 - Thaandavam shoot begins 💥💥

Grand release worldwide for Dussehra on SEPTEMBER 25th, 2025 ❤‍🔥

▶️ https://t.co/l2WnhFjwRj

'GOD OF MASSES' #NandamuriBalakrishna #BoyapatiSreenu @MusicThaman @14ReelsPlus… pic.twitter.com/oZeJPHNwQR

— 14 Reels Plus (@14ReelsPlus) December 11, 2024

14 రీల్స్‌ ప్లస్‌ బ్యానర్​​పై రామ్‌ ఆచంట, గోపీచంద్‌ ఆచంట సంయుక్తంగా నిర్మిస్తున్నారు. ఎం.తేజస్విని నందమూరి సమర్పకురాలు. తమన్ సంగీతం అందిస్తున్నారు. ఇక సంచలన విజయం సాధించిన 'అఖండ'కి దీటుగా అత్యంత ప్రతిష్ఠాత్మకంగా ఈ సినిమాను రూపొందిస్తున్నారు. దసరా సందర్భంగా 2025 సెప్టెంబరు 25న ప్రేక్షకుల ముందుకు రానుంది.