ఆ ఫుటేజ్ వల్ల నయన్​కు మరోసారి లీగల్ నోటీసులు! - క్లారిటీ ఇచ్చిన 'చంద్రముఖి' మేకర్స్!

నయనతారకు మరోసారి లీగల్ నోటీసులు! - క్లారిటీ ఇచ్చిన 'చంద్రముఖి' మేకర్స్- ఏమైందంటే?

Nayanthara Chandramukhi Movie : కోలీవుడ్ స్టార్ హీరోయిన్ నయనతారకు తాము ఎటువంటి నోటీసులు పంపలేదని తాజాగా 'చంద్రముఖి' నిర్మాతలు మీడియా వేదికగా క్లారిటీ ఇచ్చారు. తాము ఆమె నుంచి రూ.5 కోట్లు డిమాండ్‌ చేస్తున్నట్లు వస్తోన్న వార్తల్లో ఏ మాత్రం వాస్తవం లేదని క్లారిటీ ఇచ్చారు.

ఏమైందంటే?
నయనతార లైఫ్​లోని కొన్ని ఇంపార్టెంట్ మూమెంట్స్​ను డాక్యుమెంటరీ రూపంలో చూపించేందుకు నెట్​ఫ్లిక్స్ సంస్థ 'నయనతార: బియాండ్‌ ది ఫెయిరీ టేల్‌' అనే వీడియోను రిలీజ్ చేసిన సంగతి తెలిసిందే. అయితే ఇది విడుదలైన దగ్గరి నుంచి చాలా కాంట్రవర్సీలు ఎదుర్కొంటోంది. తాజాగా ఇందులో 'చంద్రముఖి'లోని కొన్ని సన్నివేశాలు ఉపయోగించడం పట్ల ఆ నిర్మాతలు అభ్యంతరం వ్యక్తం చేసినట్లు వార్తలు వస్తున్నాయి. అందుకే వీటిపై ఆ సినిమా నిర్మాతలు తాజాగా స్పందించారు.

తన డాక్యుమెంటరీ కోసం ముందే నయనతార నో అబ్జక్షన్‌ సర్టిఫికెట్‌ తీసుకున్నట్లు తెలిపారు. ఎక్స్‌ వేదికగా ఆ సర్టిఫికెట్‌ను మేకర్స్ షేర్‌ చేశారు. "నయనతార: బియాండ్‌ ది ఫెయిరీ టేల్‌'ను రూపొందించేందుకు ముందే 'రౌడీ పిక్చర్స్' సంస్థ మా నుంచి అబ్జక్షన్‌ సర్టిఫికెట్‌ తీసుకుంది. అందుకే డాక్యుమెంటరీలో 'చంద్రముఖి'లోని సీన్స్​ను ఉపయోగించడంపై మేము ఎటువంటి నోటీసులు పంపలేదు. మాకు దానిపై ఎలాంటి అభ్యంతరం లేదు' అని 'చంద్రముఖి' నిర్మాణ సంస్థ శివాజీ ప్రొడక్షన్స్ పేర్కొంది. అలాగే రూ.5 కోట్లు డిమాండ్‌ చేస్తున్నట్లు వస్తోన్న వార్తలను ఖండించింది.

Chandramukhi team claiming ₹5⃣ cr compensation from Nayanthara netflix documentary is UNTRUE✖️ pic.twitter.com/FD7VfdCc4X

— Manobala Vijayabalan (@ManobalaV) January 6, 2025

అప్పట్లో ధనుశ్!
అయితే పర్మిషన్‌ తీసుకోకుండా నయన్ తన డాక్యుమెంటరీలో 'నానుమ్‌ రౌడీ దాన్‌' ఫుటేజ్‌ను ఉపయోగించారని ఆరోపిస్తూ చిత్ర నిర్మాత, కోలీవుడ్ స్టార్ హీరో ధనుశ్​ ఆమెకు లీగల్‌ నోటీసులు పంపించారు. సుమారు మూడు సెకన్ల క్లిప్‌నకు ఆయన రూ.10 కోట్లు డిమాండ్‌ చేశారు. ఈ క్రమంలోనే నయన్​, ధనుష్‌ క్యారెక్టర్‌ను తప్పుబట్టి, తనపై ఆయన ద్వేషం కనబరుస్తున్నారంటూ ఓ లేఖ రాసుకొచ్చారు. అయితే లీగల్‌ నోటీసులు పంపించినప్పటికీ డాక్యుమెంటరీలో ఆ సీన్స్​ ఉపయోగించడం పట్ల ధనుశ్ ఆగ్రహం వ్యక్తంచేశారు. ఆ తర్వాత మద్రాస్‌ హైకోర్టును ఆశ్రయించారు. జనవరి 8వ తేదీ లోపు ఈ వ్యవహారంపై సమాధానం ఇవ్వాల్సి ఉంటుందని నయన్‌ దంపతులతో పాటు నెట్‌ఫ్లిక్స్ టీమ్​ను కోర్టు ఆదేశించింది. ఈ మేరకు వారికి నోటీసులను సైతం జారీ చేసింది.