Goodachari 2 Emraan Hashmi Injured : బాలీవుడ్ ప్రముఖ నటుడు ఇమ్రాన్ హష్మీ తాజాగా గాయపడ్డారు. అడివి శేష్ లీడ్ రోల్లో తెరకెక్కుతున్న 'జీ 2' మూవీకి సంబంధించి యాక్షన్‌ సన్నివేశాన్ని చిత్రీకరిస్తున్న సమయంలో ఈ ఘటన జరిగింది.
తాజాగా షూటింగ్ సమయంలో ప్రమాదవశాత్తూ ఇమ్రాన్‌కు కుడి దవడ కింది భాగంలో గాయమైంది. దీంతో పెద్ద గాటు పడింది. ఈ విషయాన్ని ఇమ్రాన్ వ్యక్తిగత సిబ్బంది వెల్లడించారు. అయితే దీనికి సంబంధించిన ఫొటోలు కూడా బయటకి రావడం వల్ల అభిమానులు ఆందోళన చెందుతున్నారు. ఆయన త్వరగా కోలుకోవాలని కోరుతున్నారు.
Emraan Hashmi had a minor injury while shooting for an action sequence for Adivi Sesh’s Spy Sequel #G2 📽️
— Shazib Ali (@Shazu7272) October 7, 2024
Awwww what happened with u take care of yourself get well soon my favourite hero#EmraanHashmi #Goodachari2 #Telugu pic.twitter.com/3Ih2RVmuYp
కాగా, టాలీవుడ్ యంగ్ హీరో అడివి శేష్ హీరోగా 'గూఢాచారి 2' తెరకెక్కుతోంది. వినయ్‌ కుమార్‌ సిరిగినీడి ఈ చిత్రాన్ని ప్రతిష్టాత్మకంగా తెరకెక్కిస్తున్నారు. పాన్‌ ఇండియా చిత్రంగా రూపొందిస్తున్నారు. సూపర్ హిట్ గూఢఛారి చిత్రానికి సీక్వెల్‌గా ఇది రానుంది. బనితా సింధు హీరోయిన్గా నటిస్తోంది. ఈ స్పై థ్రిల్లర్‌లో బాలీవుడ్ స్టార్ ఇమ్రాన్ కీలక పాత్ర పోషిస్తున్నారు. ఈ చిత్రాని కన్నా ముందే ఆయన తెలుగులో మరో సినిమాకు గ్రీన్ సిగ్నల్ ఇచ్చారు. పవర్ స్టార్ పవన్ కల్యాణ్ లీడ్ రోల్లో డైరెక్టర్ సుజీత్ తెరకెక్కిస్తున్న 'ఓజీ' చిత్రంలో ప్రతినాయకుడి పాత్రకు ఎంపికయ్యారు. ప్రస్తుతం ఈ చిత్రం షూటింగ్ దశలో ఉంది.
'మర్డర్' సినిమాతో పాపులర్ అయిన ఇమ్రాన్ హష్మీ, వరుస సినిమాలతో అభిమానులను అలరించారు. 'జన్నత్', 'మర్డర్' 'ఆషిక్ బనాయా ఆప్నే', 'అవారపాన్', 'రాజ్ 3', 'హమారీ అధురీ కహానీ', 'జెహెర్', 'జన్నత్ 2', 'వన్స్ అపాన్ ఎ టైమ్ ఇన్ ముంబై' 'టైగర్ 3' తదితర సినిమాల్లో నటించారు. హీరోగానే కాకుండా విలన్గానూ ప్రేక్షకులను అలరించేందుకు సిద్ధమవుతున్నారు.
Adivi Sesh Upcoming Movies : ఇకపోతే గూఢాచారి 2 చిత్రంతో పాటు డెకాయిట్‌ సినిమాలోనూ అడివి శేష్ నటిస్తున్నారు. ఇద్దరు మాజీ ప్రేమికుల నేపథ్యంలో ఈ కథ సాగనుంది. ఈ చిత్రానికి షానీల్‌ డియో దర్శకత్వం వహిస్తున్నారు. శ్రుతి హాసన్‌ కథానాయికగా నటిస్తోంది.
అలాంటి సినిమాల్లో నటించాలని ఉంది : అనన్య పాండే
మళ్లీ ఇన్నాళ్లకు 'ఒక్కడు' కాంబో రిపీట్! - Bhumika Chawla New Movie
