ఓటీటీలో హార్ట్ బీట్ పెంచే హారర్ మూవీస్​ - అక్కడ ఫ్రీగా చూడొచ్చు!

ఓటీటీలో ఎన్నో సూపర్ హిట్ హారర్​ మూవీస్​ స్ట్రీమింగ్ అవుతున్నాయి. అయితే అందులో కొన్ని సినిమాలు ఆ ప్లాట్​ఫామ్​లో ఫ్రీగా చూసేయొచ్చు. ఇంతకీ ఫ్రీగా దొరుకుతున్న ఈ భయపెట్టే సినిమాలు ఏంటి? ఎందులో చూడచ్చో తెలుసుకుందాం.

Best Horror Movies In Youtube : మూవీ లవర్స్​లో హారర్ చిత్రాలకు, వెబ్ సిరీసులకు సెపరేట్ ఫ్యాన్ బేస్ ఉంటుందన్న సంగతి తెలిసిందే. అందుకే ప్రతివారం ఓటీటీ ప్లాట్​ఫామ్స్​ ఈ జానర్​కు సంబంధించి పలు సినిమాలను రిలీజ్ చేస్తుంటాయి. అయితే అందరికీ ఓటీటీ సబ్‌స్క్రిప్షన్ ఉండకపోవచ్చు. అలాంటి వారు యూట్యూబ్​లో ఫ్రీగా సినిమాలు చూస్తుంటారు. వారి కోసం ఓటీటీతో పాటు యూట్యూబ్​లోనూ స్ట్రీమింగ్ అయ్యే సూపర్​ హారర్ మూవీస్ వివరాలను తీసుకొచ్చాం. మరి ఆ భయపెట్టే చిత్రాలేంటో ఓ లుక్కేద్దాం.

కాలింగ్ బెల్ : ఈ హరర్​ థ్రిల్లర్ సినిమా బాక్సాఫీస్ వద్ద సూపర్ హిట్ అయింది. గోల్డెన్ టైమ్ పిక్చర్స్ బ్యాన‌ర్​పై అనూద్ నిర్మించారు. పన్నా రాయల్ దర్శకత్వం వహించారు. కిషోర్, రవివర్మ, కిషోర్, మమతా రహుత్, సంకీర్త్, వ్రితి ఖన్నా ప్రధాన పాత్రల్లో నటించారు. ఓ ఇంట్లో దెయ్యం ఉన్న సంగతి తెలీక కొత్తగా పెళ్లైన ఓ జంట ఆ ఇంట్లోకి దిగుతారు. ఎంతో సంతోషంగా గడుపుతారు. కానీ, తర్వాత ఇల్లు ఖాళీ చేసి వెళ్లిపోతారు. అనంతరం అదే దెయ్యం ఉన్న ఇంట్లో కొంతమంది స్నేహితులు దిగుతారు. మరి అప్పుడు ఏం జరిగిందనే కథతోనే కాలింగ్ బెల్ తెరకెక్కింది. థ్రిల్లింగ్​, హారర్ ఎలిమెంట్స్​తో సినిమా ఆకట్టుకుంటుంది. దీనికి సీక్వెల్‌ కూడా వచ్చింది. యూట్యూబ్‌లో ఈ సినిమాను ఫ్రీగా చూడొచ్చు.

• " class="align-text-top noRightClick twitterSection" data="">

రాక్షసి : కాలింగ్‌ బెల్‌ సినిమాకు సీక్వెల్‌గా ఇది తెరకెక్కింది. డ్రీమ్ క్యాచర్స్ ఎంట‌ర్‌టైన్‌మెంట్ బ్యాన‌ర్​పై అశోక్‌ మందా, రాజ్‌ దళవాయ్, టోనీ నిర్మించారు. ఈ సినిమాకూ పన్నా రాయల్ దర్శకత్వం వహించారు. పూర్ణ, అభినవ్‌ సర్దార్, అభిమన్యు సింగ్, గీతాంజలి ప్రధాన పాత్రల్లో నటించారు. ఇది కూడా మంచి విజయాన్నే అందుకుంది. ఇద్దరు పిల్లల తల్లిగా లీడ్ రోల్​లో నటించిన పూర్ణ ఓ ఇంట్లోకి దిగుతుంది. అక్కడ తనకు ఎదురైన షాకింగ్ అనుభవాల గురించి ఓ స్వామిజీకి చెబుతుంది. అప్పుడు స్వామిజీ చెప్పిన నిజాలు విని షాక్ అయిన ఆమె ఆ తర్వాత దెయ్యాన్ని ఎలా ఎదుర్కొంది, చివరకి ప్రాణాలను కాపాడుకుందా లేదా అనే కథతో తెరకెక్కించారు.

డిమోంటీ కాలనీ : ఊహించని ట్విస్టులతో, హారర్ ఎఫెక్ట్‌తో ఈ సినిమా కథ సాగుతుంది. అజయ్ జ్ఞానముత్తు దర్శకత్వం వహించారు. సరదాగా గడిపే నలుగురు ఫ్రెండ్స్ దెయ్యాలు ఉంటాయని చెప్పుకునే ఓ పాత భవనంలోకి సరదాగా వెళ్తారు. అక్కడ వారికి ఓ డైమండ్ నెక్లెస్ దొరుకుతుంది. మరి ఆ తర్వాత ఆ నలుగురు స్నేహితుల మధ్య ఏం జరిగింది? వారికి ఎలాంటి సంఘటనలు ఎదురయ్యాయి? అసలు ఆ నెక్లెస్ కథేంటి? అనేదే ఈ సినిమా కథ. ఈ సినిమాను కూడా యూట్యూబ్‌లో ఫ్రీగా చూడొచ్చు. దీనికి త్వరలోనే సీక్వెల్‌ కూడా రాబోతుంది.

• " class="align-text-top noRightClick twitterSection" data="">

ఎల్​ 7 : యూట్యూబ్‌లో ఎల్​ 7 హిందీ వెర్షన్​కు మంచి రెస్పాన్స్ వచ్చింది. రొటీన్‌ హారర్​ కథతోనే తెరకెక్కినప్పటికీ బాగా ఆకట్టుకుంది. కొత్తగా పెళ్లైన జంట ఊరి చివర్లో ఉన్న ఓ ఇంట్లోకి దిగుతుంది. అక్కడ ఆ జంటకు అనుకోని పరిస్థితులు ఎదురౌతాయి. ఆ ఇంట్లోకి వచ్చిన తర్వాత భార్య వింతగా ప్రవర్తించడం మొదలుపెడుతుంది. తాను ఒంటరిగా ఉన్నప్పుడే దెయ్యం భయపెడుతుంది. అయితే ఈ విషయాన్ని ఒక ఎక్స్‌పరిమెంట్ ద్వారా తెలుసుకున్న భర్త ఆ తర్వాత ఏం చేశాడు? ఆ దెయ్యం తన భార్యలోకే ఎందుకు ప్రవేశించింది? అసలు ఆ దెయ్యం కథేంటీ? చివరకు ఆ ఇంట్లో నుంచి ఈ జంట ఎలా బయటపడింది? అనేది భయపెడుతూనే బాగానే చూపించారు.