Allu arjun Sukumar Pushpa 2 First Single Promo : ఐకాన్ స్టార్ అల్లు అర్జున్ - సుకుమార్ కాంబోలో రానున్న మోస్ట్ అవైటెడ్ భారీ అంచనాలున్న చిత్రం పుష్ప 2. ఈ మూవీ కోసం చాలా కాలంగా బన్నీ అభిమానులు ఎదురుచూస్తున్నారు. ముఖ్యంగా నార్త్ ఆడియెన్స్ మరింత ఎక్కువగా ఎదురుచూస్తున్నారు. తాజాగా ఈ సినిమా నుంచి ఫస్ట్ సింగిల్ ప్రోమోను రిలీజ్ చేశారు మేకర్స్. పుష్ప పుష్ప అంటూ సాగిపోయే ఈ ఫుల్ సాంగ్ను కార్మికుల దినోత్సవం సందర్భంగా మే 1న విడుదల చేస్తామని ప్రకటించారు.
కాగా, పుష్ప ది రైజ్ చిత్రంతో నేషనల్‌ అవార్డు(Alluarjun National Award) అందుకున్నారు బన్నీ. తగ్గేదే లే అంటూ దేశవ్యాప్తంగా తన బ్రాండ్‌ ఇమేజ్ను పెంచుకున్నారు. ముఖ్యంగా ఈ చిత్రానికి బన్నీ యాక్టింగ్తో పాటు దేవీ శ్రీ ప్రసాద్ అందించిన సంగీతం మరింత బలంగా నిలిచింది. దీంతో అందుకు తగ్గట్లుగానే రెండో భాగాన్ని కూడా తెరకెక్కించారు మేకర్స్. అసలు ప్రేక్షకుడు ఊహించలేని ట్విస్ట్‌ లేదా హై ఓల్టేజ్‌ యాక్షన్‌ సీక్వెన్స్‌ ఉండేలా ప్లాన్ చేస్తున్నారట. ఈ చిత్రం కోసం దాదాపు రూ.500 కోట్ల బడ్జెట్‌ను(Pushpa 2 Movie Budget) పెట్టారని తెలిసింది. మైత్రీ మూవీ మేకర్స్ ఎక్కడా రాజీపడకుండా నిర్మిస్తోంది.
ఈ సీక్వెల్‌ను వరల్డ్ వైడ్గా ఆగస్ట్ 15న గ్రాండ్గా రిలీజ్ చేయనున్నారు. కచ్చితంగా ఈ చిత్రం రూ.1000 కోట్లకు పైగానే వసూలు చేస్తుందని సినీ వర్గాలు ఆశిస్తున్నాయి. ఇప్పటికే బాలీవుడ్‌ థియేట్రికల్ రైట్స్ రూ.200 కోట్లకు అమ్ముడుపోయినట్లు సమాచారం అందుతోంది. నార్త్‌లో ఈ రేంజ్లో భారీ మొత్తానికి అమ్ముడుపోయిన తొలి సినిమాగా పుష్ప రికార్డ్‌ క్రియేట్‌ చేసిందని కథనాలు వస్తున్నాయి.
సినిమాలో హీరోయిన్గా రష్మిక మందాన నటిస్తోంది. మలయాళ స్టార్ హీరో ఫహాద్ ఫాజిల్, సునీల్, అనసూయ తదితరులు ఇతర కీలక పాత్రల్లో నటిస్తున్నారు. మరి స్పెషల్ సాంగ్లో ఎవరు చిందులేయనున్నారో ఇంకా స్పష్టత రాలేదు. ఇక ఇప్పటికే విడుదల చేసిన రెండు స్పెషల్ గ్లింప్స్లు ఫ్యాన్స్లో గూస్బంప్స్ తెప్పించి సోషల్ మీడియాను షేక్ చేశాయి.
OTTలోకి వచ్చేస్తోన్న ఫహాద్ ఫాజిల్ రూ.100 కోట్ల బ్లాక్ బస్టర్ సినిమా - డోంట్ మిస్! - Avesham Movie
