90s webseries Biggboss Sivaji Alitho Saradaga Promo : నటుడు శివాజీ గురించి తెలుగు ప్రేక్షకులకు ప్రత్యేకంగా పరిచేయం చేయాల్సిన అవసరం లేదు. క్యారెక్టర్ ఆర్టిస్ట్ నుంచి హీరోగా మారి ఎన్నో హిట్ చిత్రాల్లో నటించారు. అయితే ఆ మధ్య కొంతకాలం పాటు నటనకు దూరంగా ఉన్న ఆయన రీసెంట్గా సెకండ్ ఇన్నింగ్స్ మంచి పేరు సంపాదించుకున్నారు. బిగ్ బాస్ సీజన్ 7 హౌస్లోకి ఎంట్రీ ఇచ్చిన ఆయన మొదటి నుంచి పెద్దన్నగా ఉంటూ అందరి దృష్టిని ఆకర్షించారు. ఆ వెంటనే #90s సిరీస్తో మంచి విజయాన్ని అందుకున్నారు. ఇందులో మధ్యతరగతి తండ్రిగా నటించి అందరి హృదయాలను గెలుచుకున్నారు
అప్పటి నుంచి శివాజీకి మంచి క్రేజ్ వచ్చింది. దీంతో ఈ మధ్య వరుస ఇంటర్వ్యూలు, ఎంటర్ టైన్మెంట్ షోస్లలో కనపడుతున్నారు. ఆలా ఇప్పుడు ఆలీ హోస్ట్ వ్యవహరిస్తున్న ఆలీతో సరదాగా సీజన్ 2లోని ఓ ఎపిసోడ్కు గెస్ట్గా విచ్చేసి సందడి చేశారు. ఇందులో #90s వెబ్‌సిరీస్‌లో అవకాశం ఎలా వచ్చింది? సినిమా ఇండస్ట్రీకి రావడం వెనుక కారణం? చిన్నప్పుడు తన కుటుంబం పడిన కష్టాలు, ఇలా అనేక విషయాలను పంచుకున్నారు. ఈ క్రమంలోనే వేషం మార్చి దుబాయ్లో ఎందుకు తిరిగారో కూడా చెప్పారు.
"చాలా కాలం తర్వాత బాపినీడు గారిని కలవాలని వెళ్లాను. ఆ సమయంలోనే #90s సిరీస్ ఆఫర్ వచ్చింది. అదే విషయాన్ని చెప్పాను. అదేం పర్లేదు. దాన్ని వదలకు అని ఆయన చెప్పడంతో చేశాను" అని శివాజీ చెప్పారు. ఈ సిరీస్ కోసం దాదాపు 5 లక్షల మంది సబ్స్క్రైబర్స్ యాడ్ అయ్యారు అని గుర్తుచేసుకున్నారు.
ఇకపోతే శివాజీ ప్రస్తుతం కూర్మ నాయకి అనే సినిమాలో నటిస్తున్నారు. ఈ మూవీ షూటింగ్ రీసెంట్గా ప్రారంభమైంది.హర్ష కడియాల దర్శకుడిగా పరిచయం కానున్నారు. వరలక్ష్మి శరత్ కుమార్ మరో ప్రధాన పాత్రలో నటించనుంది. శేఖర్ చంద్ర సంగీతం అందిస్తున్నారు. ఎంఎం క్రియేషన్స్ బ్యానర్లో మొదటి సినిమాగా విజిత్ రావు ప్రొడ్యూస్ చేస్తున్నారు.
- " class="align-text-top noRightClick twitterSection" data="">
దెయ్యంతో డేటింగ్ అండ్ రొమాన్స్ - ఆసక్తిగా లవ్ మీ టీజర్
పెరుగుతున్న సుహాస్ క్రేజ్ - రూ.1000తో మొదలై ఇప్పుడు ఒక్కో సినిమాకు ఎన్ని కోట్లంటే?
