ఏకలవ్య పాఠశాల ఆరో తరగతి ప్రవేశాలు - కేవలం వారికి మాత్రమే ఛాన్స్​

ఏకలవ్య పాఠశాల ఆరో తరగతి ప్రవేశాలు - ఎంపికైన విద్యార్థులకు ఉచిత భోజనం, విద్య, వసతి, శిక్షణ

Ekalavya School Admission For 6th Class : తెలంగాణ రాష్ట్ర ఏకలవ్య ఆదర్శ గురుకుల విద్యాలయాల సంస్థ పరిధిలోని 23 ఏకలవ్య ఆదర్శ గురుకుల విద్యాలయాల్లో 2025-26 విద్యా సంవత్సరానికి గాను ఆరో తరగతి ప్రవేశాలను ప్రకటన విడుదలైంది. ఎంపికైన విద్యార్థులకు ఉచిత వసతి, భోజనం, విద్య, శిక్షణ ఉంటుంది. బోధనా మాధ్యమం ఆంగ్లంలో సీబీఎస్​ఈలో బోధిస్తారు. అర్హులైన గిరిజన, ఆదివాసి గిరిజన, సంచార గిరిజన, పాక్షిక సంచార గిరిజన, డీనోటిఫైడ్​ ట్రైబ్​ కేటగిరీలకు చెందిన విద్యార్థులు ఫిబ్రవరి 16వ తేదీలోగా ఆన్​లైన్​లో దరఖాస్తు చేసుకోవాలి. దరఖాస్తు చేసుకున్న విద్యార్థులకు మార్చి 16వ తేదీన ప్రవేశ పరీక్ష ఉంటుంది.

అడ్మిషన్‌ : తెలంగాణ ఏకలవ్య మోడల్‌ గురుకుల విద్యాలయాల్లో 6వ తరగతి ప్రవేశాలు

పరీక్ష పేరు : ఈఎంఆర్‌ఎస్‌ సెలెక్షన్‌ టెస్ట్‌(ఈఎంఆర్‌ఎస్‌ఎస్‌టీ)- 2025

సీట్ల వివరాలు : ప్రతి ఏకలవ్య ఆదర్శ గురుకుల విద్యాలయంలో 6వ తరతగతిలో 60 సీట్ల చొప్పున మొత్తం 23 విద్యాలయాల్లో 1,380(690 బాలురు, 690 బాలికలు) సీట్లు ఉన్నాయి.

అర్హతలు : ఆరో తరతగతిలో ప్రవేశాలు పొందలనుకునే విద్యార్థులు తప్పనిసరిగా 2023-24 లేదా 2024-25 విద్యాసంవత్సరంలో ఏదైనా ప్రభుత్వ లేదా ప్రభుత్వ గుర్తింపు పొందిన స్కూల్‌లో 5వ తరగతి చదివి ఉండాలి. ఇంటివద్ద ఐదో తరగతి చదివిన వారు కూడా అర్హులే. విద్యార్థి తల్లిదండ్రుల వార్షికాదాయం రూ.రెండు లక్షలు(పట్టణ ప్రాంతం), రూ.లక్షన్నర(గ్రామీణ ప్రాంతం)కు మించకూడదు.

వయోపరిమితి : మార్చి 31, 2025 నాటికి ఆరో తరగతి చదివేందుకు 10-13 ఏళ్ల మధ్య ఉండాలి. 31.03.2012 నుంచి 31.03.2015 మధ్య జన్మించి ఉండాలి. దివ్యాంగులకు రెండేళ్ల వయసు సడలింపు ఉంటుంది.

ఎంపిక విధానం : రాత పరీక్ష, రూల్‌ ఆఫ్‌ రిజర్వేషన్‌ ఆధారంగా విద్యార్థులను షార్ట్​లిస్ట్ చేస్తారు.

పరీక్ష విధానం : 100 మార్కులకు ప్రశ్నపత్రం ఉంటుంది.

• మెంటల్‌ ఎబిలిటీ - 50 ప్రశ్నలు
• అరిథ్‌మెటిక్‌ - 25 ప్రశ్నలు
• తెలుగు, ఇంగ్లిష్‌ లాంగ్వేజ్ -25 ప్రశ్నలు

ఈ అంశాల్లో ప్రశ్నలు అడుగుతారు. తెలుగు, ఇంగ్లిష్‌ మీడియంలో పరీక్ష నిర్వహిస్తారు.

దరఖాస్తు ఫీజు : రూ.100.

దరఖాస్తు విధానం : ఆసక్తి కలిగిన విద్యార్ధులు ఆన్‌లైన్‌లో దరఖాస్తు చేసుకోవాలి.

వెబ్​సైట్ : https://tsemrs.telangana.gov.in/

ముఖ్య తేదీలు
దరఖాస్తుల స్వీకరణకు చివరి తేదీ	16-02-2025
ప్రవేశ పరీక్ష నిర్వహణ	16.03.2025
పరీక్ష ఫలితాల ప్రకటన	31.03.2025
మొదటి దశ ప్రవేశాలు	31.03.2025