వేగంగా సిబిల్ స్కోర్ పెంచుకోవాలా? ఈ 8 టిప్స్​ పాటించండి!

How To Improve CIBIL Score : పర్సనల్ లోన్స్​తో పాటు ఇతర రుణాలు మంజూరు కావాలంటే 'సిబిల్'​ (CIBIL) స్కోర్ తప్పనిసరి. అందుకే ఈ ఆర్టికల్​లో సిబిల్/ క్రెడిట్​ స్కోర్​ను పెంచుకునే 8 టిప్స్​ గురించి తెలుసుకుందాం.

How To Improve CIBIL Score : బ్యాంకులు లేదా రుణ సంస్థలు లోన్ మంజూరు చేసేముందు కచ్చితంగా క్రెడిట్ స్కోర్ లేదా సిబిల్​ స్కోర్​ను పరిశీలిస్తాయి. ఆ స్కోర్ మెరుగ్గా ఉంటే తక్కువ వడ్డీతోనే రుణం మంజూరు చేస్తాయి. లోన్​ ప్రక్రియ కూడా వేగంగా ముగుస్తుంది. అందుకే సరైన ప్లానింగ్​తో సిబిల్​/ క్రెడిట్ స్కోర్​ను ఏ విధంగా మెరుగుపరుచుకోవచ్చో ఇప్పుడు తెలుసుకుందాం.

1. ఎప్పటికప్పుడు బిల్స్ అన్నీ క్లియర్ చేస్తూ ఉండాలి. అప్పుడే CIBIL స్కోర్​ మెరుగుపరుడుతుంది. అందుకే క్రెడిట్ కార్డ్ బిల్స్, ఈఎంఐలు, నెలవారి బిల్స్​ను సమయానికి కట్టే విధంగా ఆటోమేటిక్ పేమెంట్ రిమైండర్స్ పెట్టుకోవాలి.
2. మీ క్రెడిట్ యుటిలైజేషన్ రేషియో (CUR)ను బాగా తగ్గించాలి. మీ క్రెడిట్ లిమిట్​కు అనుకూలంగా క్రెడిట్ కార్డ్ బ్యాలెన్స్ ఉంచుకోవాలి. క్రెడిట్ యుటిలైజేషన్ రేషియో CURను ఎప్పుడూ 30 శాతం కన్నా తక్కువ ఉండేలా చూసుకోవాలి.
3. మీరు లోన్ త్వరగా తీసుకోవాలని అనుకున్నప్పుడు, కొత్త క్రెడిట్ కార్డుల కోసం అప్లై చేయకూడదు. ఇలా చేస్తే మీ క్రెడిట్ స్కోర్​ తగ్గుతుంది.
4. అన్ని రకాల క్రెడిట్ అకౌంట్స్​ను ఒకే చోట ఉంచడం మంచిది. దీని వల్ల క్రెడిట్ నిర్వహణ చక్కగా చేసుకోవచ్చు. ఫలితంగా మీ క్రెడిట్ స్కోర్ మెరుగుపరుచుకోవడానికి వీలవుతుంది. అంతేకాదు మీరు సకాలంలో అప్పు తీర్చగలరు అని అనుకున్నప్పుడే రుణాలు తీసుకోవడం మంచిది.
5. క్రెడిట్ స్కోర్​ను ఎప్పటికప్పుడు చెక్ చేసుకుంటూ ఉండాలి. చాలా బ్యాంకులు, క్రెడిట్ బ్యూరోలు క్రెడిట్ స్కోర్​ను ఉచితంగా చెక్ చేసుకునే అవకాశం కల్పిస్తున్నాయి.
6. క్రెడిట్ రిపోర్ట్​లో నెగిటివ్ అంశాలు ఉంటే, ముందు వాటిపైన శ్రద్ద చూపించాలి. ఒకవేళ లేట్ పేమెంట్స్ వలన అటువంటి రిపోర్ట్ వస్తే, సదరు సంస్థతో పేమెంట్ ప్లాన్ గురించి చర్చించి, రుణ చెల్లింపు తేదీలను మార్చుకోవాలి.
7. పాత అకౌంట్స్ అవసరం లేదు కదా అని వాటిని క్లోజ్​ చేయవద్దు. పాత అకౌంట్స్ క్లోజ్ చేయడం వలన మీ క్రెడిట్ స్కోర్ తగ్గే అవకాశం ఉంది. అందుకే మంచి క్రెడిట్ హిస్టరీ కోసం వాటిని ఉంచడం మంచిది.
8. ఒకవేళ క్రెడిట్ స్కోర్​ విషయంలో ఏమైనా ఇబ్బందులు ఎదురవుతూ ఉంటే, క్రెడిట్ కౌన్సిలింగ్ ఏజెన్సీని కానీ, సర్టిఫైడ్​ ఫైనాన్షియల్ అడ్వైజర్​ను కానీ సంప్రదించండి. వాళ్లు మీకు క్రెడిట్ స్కోర్​ ఇంప్రూవ్​మెంట్ గురించి వ్యక్తిగతంగా సలహాలు ఇస్తారు.

నోట్​ : క్రెడిట్ స్కోర్​ను ఒకేసారి పెంచుకోవడానికి వీలుపడదు. దీనికి కచ్చితంగా కొంత సమయం వేచి చూడాల్సి ఉంటుంది. కనుక పైన చెప్పిన సూచనలు అన్నీ పాటించి మీ క్రెడిట్ స్కోర్​తో పాటు, మీ ఆర్ధిక స్థితిని కూడా మెరుగుపరుచుకోండి.