Car AC Maintenance Tips : ఈ ఏడాది సమ్మర్‌లో ఎండలు దంచికొడుతున్నాయి. ఉక్కపోత, వడగాలులు, ఎండవేడి కారణంగా ప్రజలు చాలా ఇబ్బందులు పడుతున్నారు. అత్యవసర పరిస్థితుల్లో పని మీద బయటకు వెళ్లిన వారు అధిక ఉష్ణోగ్రతలతో పట్టపగలే చుక్కలు చూస్తున్నారు. కారులో ట్రిప్‌కు వెళ్లినవారు కూడా ఏసీ సరిపోక చాలా ఇబ్బందులు పడుతున్నారు. ఏసీ ఎంత పెంచినా కానీ, కారు క్యాబిన్లో ఉక్కపోతగానే ఉంటోందని కొంత మంది చెబుతున్నారు. ఈ పరిస్థితిని అధిగమించడానికి కొన్ని టిప్స్ పాటించాలని నిపుణులు సూచిస్తున్నారు. అవేంటో మీకు తెలుసా?
ఈ టిప్స్ పాటించండి :
- మీరు కారులో ఎక్కడికైనా వెళ్లినప్పుడు వీలైనంత వరకూ కారును చెట్టు నీడలో లేదా ఏదైనా నీడ ఉండే ప్రదేశంలో పార్క్‌ చేయండి.
- ఎందుకంటే ఎండలో కారును పార్క్‌ చేస్తే మీరు కారులో ఎంత ఏసీ పెంచుకున్నా కూడా వేడిగానే ఉంటుంది.
- అలాగే కారులో ప్రయాణించే ముందు డోర్‌లు అన్ని ఒక రెండు నిమిషాలు ఓపెన్‌ చేయండి. ఒకవేళ మీ కారుకు సన్‌రూఫ్‌ ఉంటే దానిని కూడా ఓపెన్‌ చేయండి.
- ఇలా చేయడం వల్ల లోపల ఉన్న వేడి మొత్తం బయటకు వెళ్తుంది. తర్వాత ఏసీ వేసుకుని హాయిగా ఉండవచ్చు.
- ప్రస్తుతం మార్కెట్లో చాలా రకాల సన్‌షేడ్స్ లేదా విండో విజర్లు దొరుకుతున్నాయి. వీటిని మీరు జర్నీలో ఉన్నప్పుడు ఉపయోగించండి.
- దీనివల్ల సూర్యకిరణాలు లోపలికి రావు. కాబట్టి, కారు లోపల క్యాబిన్ కూల్‌గా ఉంటుందని నిపుణులంటున్నారు.
- కారులో మీరు ఒక్కరే ప్రయాణిస్తున్నప్పుడు ఏసీ వెంట్లు మీ వైపే ఉండేలా సెట్‌ చేసుకోండి.
ముకేశ్ అంబానీ కార్ కలెక్షన్ చూశారా? చూస్తే మ‌తిపోవాల్సిందే! - Mukesh Ambani Car Collection
- కారు లోపల కూల్‌గా ఉండాలంటే ఏసీ టెంపరేచర్ను బాగా తగ్గించాలి. తర్వాత ఎయిర్ఫ్లోను పెంచాలి.
- ఇలా చేయడం వల్ల కారు క్యాబిన్ బాగా కూల్ అవుతుంది. కానీ ఫ్యూయెల్ మాత్రం కాస్త ఎక్కువగా ఖర్చవుతుందని నిపుణులంటున్నారు.
- కారులో మీరు కూర్చున్న తర్వాత ఏసీని ఆన్ చేసి, రీసర్క్యులేషన్ మోడ్ను స్విచ్-ఆఫ్ చేయాలి.
- దీనివల్ల ఏసీ స్వచ్ఛమైన గాలిని బయటి నుంచి తీసుకోగలుగుతుంది.
- ఇలా చేస్తే కారు లోపల వేగంగా కూల్ అవుతుంది. క్యాబిన్ టెంపరేచర్ తగ్గిన తర్వాత కూలింగ్ను మరింత పెంచేందుకు రీసర్క్యులేషన్ మోడ్ను తిరిగి ఆన్ చేయాలని నిపుణులు చెబుతున్నారు.
- ఇంకా ఏసీ కండీషన్‌లో ఉందో లేదో ఒకసారి చెక్‌ చేయించుకోండి. చిన్న సమస్యలు ఏవైనా ఉంటే వెంటనే రిపేర్‌ చేసుకోండి. లేకపోతే జర్నీలో ఉక్కపోతతో ఇబ్బంది పడాల్సి వస్తుంది.
- ఈ సమ్మర్‌లో కారు లోపల కూల్‌గా ఉండటానికి ఈ టిప్స్ పాటించాలని నిపుణులు సూచిస్తున్నారు.
రూ.1.5 లక్షల బడ్జెట్లో మంచి బైక్ కొనాలా? టాప్-10 ఆప్షన్స్ ఇవే! - Best Bikes In 2024
