Jharkhand Exit Polls 2024 : ఝార్ఖండ్‌లో అధికార మార్పిడి తప్పదని మెజారిటీ ఎగ్జిట్ పోల్స్ అంచనా వేశాయి. ఝార్ఖండ్ అసెంబ్లీ ఎన్నికల్లో ఎన్డీఏ, ఇండియా కూటమి మధ్య ద్విముఖ పోరు జరిగింది. 2019లో పోగొట్టుకున్న అధికారాన్ని ఎలాగైనా దక్కించుకోవాలని బీజేపీ నేతృత్వంలోని ఎన్డీఏ ప్రయత్నించగా, మళ్లీ అధికారాన్ని నిలబెట్టుకోవాలని ఝార్ఖండ్ ముక్తి మోర్చా(జేఎంఎం)- కాంగ్రెస్ కూటమి హోరాహోరీగా పోరాడింది. కానీ ఎగ్జిట్ పోల్స్ మాత్రం, ప్రజల మొగ్గు ఎన్డీఏ కూటమి వైపే ఉందని చెబుతున్నాయి.
- ఎన్డీయే కూటమికి 46 నుంచి 58 సీట్లు, జేఎంఎం నేతృత్వంలోని మహాఘట్‌బంధన్‌ కూటమికి 24 నుంచి 37 స్థానాలు వస్తాయని పీపుల్స్ పల్స్ సంస్థ అంచనా వేసింది. ఇతరులు 6 నుంచి 10 స్థానాల్లో విజయం సాధించే అవకాశం ఉందని పేర్కొంది.
- 42 నుంచి 47 స్థానాల్లో ఎన్డీయే కూటమి విజయం సాధిస్తుందని మ్యాట్రిజ్ సంస్థ పేర్కొంది. జేఎంఎం నేతృత్వంలోని కూటమి 25 నుంచి 30 చోట్ల, ఇతరులు 1 నుంచి 4 స్థానాల్లో గెలిచే అవకాశం ఉందని అంచనా వేసింది.
- ఎన్డీయే కూటమికి 40 నుంచి 44, జేఎంఎం నేతృత్వంలోని మహాఘట్‌బంధన్‌ కూటమికి 30 నుంచి 40 స్థానాలు వస్తాయని టైమ్స్‌నౌ-జేవీసీ అంచనా వేసింది. ఇతరులు 1 నుంచి రెండు చోట్ల గెలిచే అవకాశం ఉందని పేర్కొంది.
- ఇదిలా ఉండగా, కాషాయ పార్టీ వైపే ఓటర్లు మొగ్గు చూపినట్లు చాణక్య స్ట్రాటజీస్‌ పేర్కొంది. బీజేపీ నేతృత్వంలోని ఎన్డీయే కూటమికి 45 నుంచి 50 స్థానాలు, జేఎంఎం కూటమికి 35 నుంచి 38 సీట్లు వస్తాయని అంచనా వేసింది. ఇతరులు 3 నుంచి 5 చోట్ల గెలిచే అవకాశం ఉందని పేర్కొంది.
కాంగ్రెస్కూ విన్నింగ్ ఛాన్స్ ఉంది!
- మరోవైపు యాక్సిస్-మైఇండియా, పీ-మార్క్ సంస్థలు మాత్రం జేఎంఎం నేతృత్వంలోని మహాఘట్‌బంధన్‌ కూటమికి మెజార్టీ స్థానాలు వస్తాయని అంచనా వేశాయి. జేఎంఎం కూటమి 53, ఎన్డీయే కూటమి 25 స్థానాల్లో విజయం సాధించే అవకాశం ఉందని యాక్సిస్-మైఇండియా పేర్కొంది. ఇతరులు 3 చోట్ల గెలుస్తారని తెలిపింది.
- 37 నుంచి 47 స్థానాల్లో జేఎంఎం కూటమి, 31 నుంచి 40 స్థానాల్లో ఎన్డీయే కూటమి విజయం సాధించే అవకాశం ఉందని పీ-మార్క్ అంచనా వేసింది. ఇతరులు 1 నుంచి 6 స్థానాల్లో గెలిచే అవకాశం ఉందని పేర్కొంది.
హంగ్ ఏర్పడవచ్చు!
- దైనిక్ భాస్కర్‌ హంగ్ ఏర్పడుతుందని అంచనా వేసింది. ఎన్డీయే కూటమికి 37 నుంచి 40 జేఎంఎం కూటమికి 36 నుంచి 39 ఇతరులు 0 నుంచి 2 స్థానాల్లో గెలిచే అవకాశం ఉందని పేర్కొంది.
Jharkhand Exit Polls 2024 :
పీపుల్స్ పల్స్
- బీజేపీ+ ప్లస్‌ 46-58
- జేఎంఎం+ 24-37
- ఇతరులు 6-10
మ్యాట్రిజ్
- బీజేపీ+ 42-47
- జేఎంఎం+ 25-30
- ఇతరులు 1-4
టైమ్స్‌నౌ-జేవీసీ
- బీజేపీ+ 40-44
- జేఎంఎం+ 30-40
- ఇతరులు 1-2
చాణక్య స్ట్రాటజీస్‌
- బీజేపీ+ 45-50
- జేఎంఎం+ 35-38
- ఇతరులు 3-5
యాక్సిస్-మైఇండియా
- బీజేపీ+ 25
- జేఎంఎం+ 53
- ఇతరులు 3
పీ-మార్క్
- బీజేపీ+ 31-40
- జేఎంఎం+ 37-47
- ఇతరులు 1-6
