ଆଜିଠୁ ଆରମ୍ଭ ଶ୍ରାବଣ ମାସ, ଦେଖନ୍ତୁ ମହାକାଳଙ୍କ ଭସ୍ମ ଆଳତୀ

ଭୋପାଳ: ଆଜିଠୁ ଆରମ୍ଭ ହୋଇଛି ପବିତ୍ର ଶ୍ରାବଣ ମାସ (Sawan Month 2022)। ଶ୍ରାବଣ ମାସର ପ୍ରଥମ ଦିନରେ ନୀତିନିୟମ ଅନୁସାରେ ପଞ୍ଚାମୃତରେ ବାବା ମହାକାଳେଶ୍ବରଙ୍କ(Ujjain mahakaleshwar Temple) ଅଭିଷେକ କରାଯାଇଛି । ଏହାପରେ ବାବା ମହାକାଳେଶ୍ବରଙ୍କ ଭସ୍ମ ଆଳତୀ କରାଯାଇଛି । ଏ ଦୃଶ୍ୟ ଅତ୍ୟନ୍ତ ମନୋରମ । ପୁରୋହିତମାନେ ମନ୍ତ୍ରଧ୍ବନି ଉଚ୍ଚାରଣ କରି ମହାଦେବଙ୍କ ଆଳତୀ କରିଛନ୍ତି । ବିଗତ ୨ ବର୍ଷ ହେବ ଭକ୍ତଙ୍କ ମନ୍ଦିର ପ୍ରବେଶ ଉପରେ କଟକଣା ରହିଥିଲା । ତେବେ ଚଳିତ ବର୍ଷ କଟକଣା କୋହଳ ହେବାପରେ ବାବାଙ୍କ କରୁଣା ଲାଭ କରିବା ପାଇଁ ଲକ୍ଷାଧିକ ଭକ୍ତଙ୍କ ସମାଗମ ଦେଖିବାକୁ ମିଳିଥିଲା ।