ନୂଆଦିଲ୍ଲୀ: ଅନ୍ୟ ଦେଶର ଖେଳାଳିଙ୍କ ତୁଳନାରେ ପ୍ରାୟତଃ ଭାରତୀୟ କ୍ରିକେଟରଙ୍କ ଆୟ ବହୁତ ଅଧିକ । ଟିମ୍ ଇଣ୍ଡିଆ ଖେଳାଳିଙ୍କ ନେଟ୍ ଓ୍ବର୍ଥ୍ କୋଟି କୋଟି ଟଙ୍କା ରହିଛି । ବିସିସିଆଇର କେନ୍ଦ୍ରୀୟ ଚୁକ୍ତି, ବିଶ୍ୱର ସବୁଠୁ ଧନୀ ଲିଗ୍ ଆଇପିଏଲ କଣ୍ଟ୍ରାକ୍ଟ ଓ ବିଜ୍ଞାପନରୁ କୋଟି କୋଟି ରୋଜଗାର କରନ୍ତି । କିନ୍ତୁ, ଆପଣ ଜାଣନ୍ତି କି, ଅନେକ ଭାରତୀୟ ଖେଳାଳିଙ୍କ ପତ୍ନୀ ବ୍ୟବସାୟୀ ମହିଳା, ଯେଉଁମାନେ ରୋଜଗାର କ୍ଷେତ୍ରରେ ନିଜ ସ୍ୱାମୀଙ୍କ ପଛରେ ନାହାଁନ୍ତି ଏବଂ ବିଭିନ୍ନ ବ୍ୟବସାୟରୁ ବହୁ ଅର୍ଥ ଉପାର୍ଜନ କରୁଛନ୍ତି ।
ଶାର୍ଦ୍ଦୁଳ ଠାକୁରଙ୍କ ପତ୍ନୀଙ୍କ ବେକରୀ ବ୍ୟବସାୟ-
ଭାରତର ତାରକା ଅଲରାଉଣ୍ଡର ଶାର୍ଦ୍ଦୁଳ ଠାକୁର ବର୍ତ୍ତମାନ ସମୟରେ ଟିମ୍ ଇଣ୍ଡିଆଠୁ ଦୂରରେ ଅଛନ୍ତି । କିନ୍ତୁ ରଣଜୀ ଟ୍ରଫିରେ ଚମତ୍କାର ପ୍ରଦର୍ଶନ କରିବା ପରେ ସେ ଜାତୀୟ ଦଳରେ ସାମିଲ ପାଇଁ ନିଜର ଦାବିଦାର ପ୍ରଦର୍ଶନ କରିଛନ୍ତି । ଆପଣ ଜାଣି ଆଶ୍ଚର୍ଯ୍ୟ ହେବେ ଯେ ରୋଜଗାର ଦୃଷ୍ଟିରୁ ଶାର୍ଦ୍ଦୁଳଙ୍କ ପତ୍ନୀ ମିତାଲି ପାରୁଲକର କେକ୍ ବିକ୍ରି କରି କୋଟି ଟଙ୍କା ରୋଜଗାର କରନ୍ତି ।
ମୁମ୍ବାଇର ଥାନେରେ ପ୍ରସିଦ୍ଧ ବେକରୀର ମାଲିକ-
ଗଣମାଧ୍ୟମ ରିପୋର୍ଟ ଅନୁଯାୟୀ, ମହାରାଷ୍ଟ୍ରର ଥାନେରେ ଠାକୁରଙ୍କ ପତ୍ନୀ ମିତାଲି ପ୍ରସିଦ୍ଧ ଅଲ୍ ଜାଜ୍ ବେକରୀର ମାଲିକ ଅଟନ୍ତି । ମିତାଲି ଏହି ବେକରୀକୁ 2020 ମସିହାରେ କୋଭିଡ୍ ସମୟରେ ଆରମ୍ଭ କରିଥିଲେ । ସେ ବେକେରୀରେ ବିଭିନ୍ନ ପ୍ରକାରର ପିଠା, କୁକିଜ, ରୁଟି କରି ବିକ୍ରି କରନ୍ତି । ଏହି ବ୍ୟବସାୟରୁ ମିତାଲିଙ୍କ କାରବାର ପ୍ରାୟ 2 ରୁ 3 କୋଟି ଟଙ୍କା ହେବ ବୋଲି ଆକଳନ କରାଯାଇଛି । ବ୍ୟବସାୟ ପୂର୍ବରୁ ମିତାଲି ଏକ କମ୍ପାନୀରେ କାର୍ଯ୍ୟ କରିଥିଲେ ।
ଦୁହେଁ 2023 ରେ ବିବାହ କରିଥିଲେ-
ଶାର୍ଦ୍ଦୁଳଙ୍କ ପତ୍ନୀ ମିତାଲି କେବଳ ତାଙ୍କର ଜଣେ ଭଲ ବନ୍ଧୁ ନୁହଁନ୍ତି ବରଂ ଏକ ପାୱାର ହାଉସ୍ ମଧ୍ୟ । ମିତାଲି 1992 ରେ ମୁମ୍ବାଇରେ ଜନ୍ମଗ୍ରହଣ କରିଥିଲେ ଏବଂ ତାଙ୍କ ପିତା ଜଣେ ବ୍ୟବସାୟୀ । ସେ ମୁମ୍ବାଇର ଟପ୍ ସ୍କୁଲ ଓ ମହାବିଦ୍ୟାଳୟରେ ଅଧ୍ୟୟନ କରିଥିଲେ । ଶାର୍ଦ୍ଦୁଳ ଏବଂ ମିତାଲି 2021 ମସିହାରେ ନିର୍ବନ୍ଧ ଏବଂ ଦୁଇ ବର୍ଷ ପରେ ଫେବୃଆରୀ 2023 ରେ ବିବାହ ବନ୍ଧନରେ ବନ୍ଧା ହୋଇଥିଲେ । ମିଡିଆ ରିପୋର୍ଟ ଅନୁଯାୟୀ, ଉଭୟ ସ୍କୁଲ ଦିନରୁ ପରସ୍ପରକୁ ଜାଣନ୍ତି ଏବଂ ସେବେଠାରୁ ଭଲ ବନ୍ଧୁ ଅଟନ୍ତି ।
ଶିଳ୍ପୀ ଦୁବେଙ୍କ ପତ୍ନୀ ଭଏସ-ଓଭର ଆଟିଷ୍ଟ-
ନିକଟରେ ଭାରତୀୟ ତାରକା ଅଲରାଉଣ୍ଡର ଶିବମ ଦୁବେ ଇଂଲଣ୍ଡ ବିପକ୍ଷ ଟି-ଟ୍ୱେଣ୍ଟି ସିରିଜରେ ଉଭୟ ବଲ ଏବଂ ବ୍ୟାଟରେ କମାଲ କରିଥିଲେ । ଦୁବେଙ୍କ ସମ୍ପତ୍ତି କୋଟି କୋଟିରେ ଅଛି । ଆଇପିଏଲ୍ ଫ୍ରାଞ୍ଚାଇଜ୍ ଚେନ୍ନାଇ ସୁପର କିଙ୍ଗ୍ସ ତାଙ୍କୁ 12 କୋଟି ଟଙ୍କା ମୂଲ୍ୟରେ ତାଙ୍କ ଦଳରେ ରଖିଛି । ତେବେ ରୋଜଗାର କ୍ଷେତ୍ରରେ ଦୁବେଙ୍କ ପତ୍ନୀ ଅଞ୍ଜୁମ ଖାନ ମଧ୍ୟ ତାଙ୍କଠାରୁ କମ୍ ନୁହଁନ୍ତି । ସେ ବଲିଉଡରେ କଳାକାରଙ୍କ ପାଇଁ ଭଏସ୍ ଓଭର ଦେଇ ବହୁତ ଟଙ୍କା ରୋଜଗାର କରନ୍ତି ।
ଅଞ୍ଜୁମ ଖାନଙ୍କ କ୍ୟାରିୟର-
ସେ ହିନ୍ଦୀ ସିରିଏଲ ଏବଂ ମ୍ୟୁଜିକ୍ ଆଲବମରେ ଅଭିନୟ କରିଛନ୍ତି । ଅଞ୍ଜୁମ ବଲିଉଡ ଚଳଚ୍ଚିତ୍ର ପାଇଁ ଭଏସ୍ ଓଭର କାମ ମଧ୍ୟ କରିଛନ୍ତି । ଯେଉଁଠାରେ ସେ ସ୍କ୍ରିପ୍ଟଗୁଡ଼ିକୁ ଜୀବନ୍ତ କରିବା ପାଇଁ ନିଜର ଯାଦୁକରୀ ସ୍ୱର ଦେଇଥାନ୍ତି । ଗଣମାଧ୍ୟମ ରିପୋର୍ଟ ଅନୁଯାୟୀ, ଅଞ୍ଜୁମଙ୍କ ସମ୍ପତ୍ତି ମୂଲ୍ୟ 2 ରୁ3 କୋଟି ଟଙ୍କା ।
ଅଞ୍ଜୁମ ଖାନ ଅଧ୍ୟୟନରତ-
ଅଞ୍ଜୁମ ଖାନ 2 ସେପ୍ଟେମ୍ବର 1986 ରେ ଉତ୍ତରପ୍ରଦେଶର ରାଜଧାନୀ ଲକ୍ଷ୍ନୌ ଜନ୍ମଗ୍ରହଣ କରିଥିଲେ । ସେ ଆଲିଗଡ ମୁସଲିମ ବିଶ୍ୱବିଦ୍ୟାଳୟରୁ ଚିତ୍ରକଳାରେ ସ୍ନାତକ ଡିଗ୍ରୀ ହାସଲ କରିଥିଲେ । ମଡେଲିଂ ଏବଂ ଅଭିନୟ ଦୁନିଆରେ ଅଞ୍ଜୁମ୍ ନିଜ ପାଇଁ ଏକ ସ୍ୱତନ୍ତ୍ର ପରିଚୟ ସୃଷ୍ଟି କରିଛନ୍ତି |
2021 ରେ ବିବାହ-
ଜୁଲାଇ 16, 2021 ରେ ଉଭୟ ହିନ୍ଦୁ ଏବଂ ମୁସଲମାନ ରୀତିନୀତି ଅନୁଯାୟୀ ବିବାହ ହୋଇଥିଲା । ପୂର୍ବରୁ ଅଞ୍ଜୁମ୍ ଶିବମ୍ ଦୁବେଙ୍କ ଗର୍ଲଫ୍ରେଣ୍ଡ ଥିଲେ । ଏହା ପରେ, ଫେବୃଆରୀ 2022 ରେ, ଏହି ଦମ୍ପତି ସେମାନଙ୍କର ପ୍ରଥମ ସନ୍ତାନକୁ ସ୍ୱାଗତ କରିଥିଲେ |
