ହାଇଦ୍ରାବାଦ: ଜୀବନରେ ସର୍ବଦା ଉତ୍ଥାନ-ପତନ ଲାଗି ରହିଥାଏ । କିନ୍ତୁ ଅନେକ ଥର ଏମିତି ହୁଏ ଯେ, ସମସ୍ୟା ସର୍ବଦା ଆମକୁ ଘେରି ରହିଥାଏ । ଜ୍ୟୋତିଷ ଶାସ୍ତ୍ର ଅନୁସାରେ, ଏହାକୁ ଗ୍ରହ ଦଶା ବୋଲି ବିବେଚନା କରାଯାଏ । ଯଦି ଆପଣଙ୍କ ଗ୍ରହ ସ୍ଥିତି ଅନୁକୂଳ ନଥାଏ ତେବେ ଆପଣଙ୍କୁ ଅନେକ ସମସ୍ୟାର ସମ୍ମୁଖିନ ହେବାକୁ ପଡ଼ିପାରେ । ଏନେଇ ଜ୍ୟୋତିଷ ଡକ୍ଟର ଉମାଶଙ୍କର ମିଶ୍ର କିଛି ସଂକେତ ବିଷୟରେ କହିଛନ୍ତି ଯେଉଁଥିରୁ ଆପଣଙ୍କ ଗ୍ରହ ଦଶା ଖରାପ ଆବସ୍ଥାରେ ଥିବା ଜାଣିପାରିବେ । ଏହି ଲକ୍ଷଣଗୁଡ଼ିକୁ ଚିହ୍ନି ସମୟ ଅନୁସାରେ ପଦକ୍ଷପ ନେଲେ ଏହି ସମସ୍ୟାକୁ ଏଡ଼ାଯାଇ ପାରିବ ବୋଲି ଜ୍ୟୋତିଷ ପରାମର୍ଶ ଦେଇଛନ୍ତି ।
୧. ଗୋଡ଼ ହଲାଇବା:
ଯଦି ଆପଣଙ୍କର ହଠାତ୍ ଗୋଡ଼ ହଲାଇବାର ଅଭ୍ୟାସ ହୋଇଗଲାଣି କିମ୍ବା ଚେଷ୍ଟା ନକରି ମଧ୍ୟ ଆପଣଙ୍କ ଗୋଡ଼ ହଲାଇବାକୁ ଲାଗୁଛନ୍ତି, ତେବେ ଏହା ବୁଧ ଏବଂ ଶନିଙ୍କ ଅଶୁଭ ହେବାର ସଙ୍କେତ । ଜ୍ୟୋତିଷ ଡକ୍ଟର ଉମାଶଙ୍କର ମିଶ୍ର କହିବା ଅନୁସାରେ, ଏପରି ପରିସ୍ଥିତିରେ ଶନି ଦଶାରୁ ମୁକ୍ତି ପାଇବା ପାଇଁ ତୁରନ୍ତ ପ୍ରତିକାର ଆରମ୍ଭ କରିବା ଉଚିତ।
୨. କେଶ କିମ୍ବା ଶରୀର କୁଣ୍ଡାଇହେବା:
ଯଦି ଆପଣଙ୍କର କେଶ କିମ୍ବା ଶରୀର ସାଧାରଣ ଅପେକ୍ଷା ଅଧିକ କୁଣ୍ଡାଇ ହେଉଥାଏ, ତେବେ ଏହା କେତୁଙ୍କ ପ୍ରତିକୂଳ ପ୍ରଭାବର ଏକ ସଙ୍କେତ । କେତୁଙ୍କ ନକାରାତ୍ମକ ପ୍ରଭାବ ଭବିଷ୍ୟତରେ ଅସୁବିଧାଜନକ ହୋଇପାରେ, ତେଣୁ ଏହାକୁ ଗମ୍ଭୀରତାର ସହିତ ନେବା ଉଚିତ ।
୩. ସ୍ମୃତିିଶକ୍ତି ଦୁର୍ବଳ, ଭୁଲ ଉଚ୍ଚାରଣ:
ଯଦି ଆପଣ ଅନେକ ଜିନିଷ ଭୁଲି ଯାଉଛନ୍ତି, ନାମ କିମ୍ବା ଉତ୍ତର ତୁରନ୍ତ ମନେ ରଖି ପାରୁନାହାନ୍ତି, କିମ୍ବା ଶବ୍ଦଗୁଡ଼ିକୁ ସ୍ପଷ୍ଟ ଭାବରେ ଉଚ୍ଚାରଣ କରିପାରୁନାହାନ୍ତି, ତେବେ ଏହା ବୁଧ ଗ୍ରହ ଦୁର୍ବଳ ଥିବାର ଲକ୍ଷଣ । ଯଦି ଏଭଳି ସମସ୍ୟା ଦେଖା ଦେଉଛି ତେବେ ତୁରନ୍ତ ଏହାର ସମାଧାନ କରିବା ଉଚିତ ।
୪. ଅନ୍ୟମାନଙ୍କ ବିଷୟରେ ହସ୍ତକ୍ଷେପ କରିବା:
ଅନାବଶ୍ୟକ ପରାମର୍ଶ ଦେବା କିମ୍ବା ଅନାବଶ୍ୟକ ଭାବରେ ଅନ୍ୟମାନଙ୍କ ସମସ୍ୟାରେ ହସ୍ତକ୍ଷେପ କରିବା କିମ୍ବା ଅନ୍ୟମାନଙ୍କ ବିଷୟରେ ଖରାପ କଥା କହିବା ସାମାଜିକ ଅପମାନର କାରଣ ହୋଇପାରେ । ଡକ୍ଟର ମିଶ୍ରଙ୍କ କହିବା ଅନୁସାରେ, ଏପରି ଲୋକଙ୍କର ବୃହସ୍ପତି ଗ୍ରହ ଖରାପ ରହିଥାଏ ।
୫. ଏସିଡିଟି ଏବଂ ଗ୍ୟାସ ସମସ୍ୟା ବୃଦ୍ଧି ପାଇବା:
ଯଦି ଆପଣଙ୍କର ବାରମ୍ବାର ପେଟ ସମସ୍ୟା, ଏସିଡିଟି, ଗ୍ୟାସ ଏବଂ ଲିଭର ସମସ୍ୟା ହେଉଛି, ତେବେ ଏହା ବୃହସ୍ପତିଙ୍କ ଖରାପ ସ୍ଥିତି ବା ଗ୍ରହ ଦୁର୍ବଳ ହେବାର ସଙ୍କେତ । ବୃହସ୍ପତି ଗ୍ରହକୁ ଶକ୍ତିଶାଳୀ କରିବା ପାଇଁ ତୁରନ୍ତ ପଦକ୍ଷେପ ନିଆଯିବା ଉଚିତ ।
୬. ଖାଦ୍ୟ ଶୀଘ୍ର ଖାଇବା:
ଅତ୍ୟଧିକ ଭୋକ ଲାଗିବା ଏବଂ ଖାଦ୍ୟ ଶୀଘ୍ର ଖାଇବା ଶନି ଏବଂ ବୁଧ ଗ୍ରହ ଅଶୁଭ ହେବାର ସଙ୍କେତ । ଉଭୟ ଗ୍ରହ ପାଇଁ ପଦକ୍ଷେପ ନେବା ଆବଶ୍ୟକ ।
୭. ବୈବାହିକ ଜୀବନରେ ବାଧା:
ଯଦି ଆପଣ ବୈବାହିକ ଜୀବନରେ ଛୋଟ ଛୋଟ କଥାରେ ଆପଣଙ୍କ ଜୀବନସାଥୀଙ୍କ ସହିତ ଝଗଡା ହେଉଛି, ତେବେ ବୁଝିଯାଆନ୍ତୁ ଯେ ଆପଣଙ୍କର ବୃହସ୍ପତି ଗ୍ରହ ଖରାପ । ବୃହସ୍ପତି ଗ୍ରହଙ୍କୁ ସନ୍ତୁଷ୍ଟ କରିବା ପାଇଁ ପଦକ୍ଷେପ ନେବା ଉଚିତ।
ଏହା ମଧ୍ୟ ପଢ଼ନ୍ତୁ... ଧନପ୍ରାପ୍ତି ପାଇଁ ଏଭଳି ଜାଳନ୍ତୁ ଦୀପ, ଦୂର ହେବ ଟଙ୍କା ସମସ୍ୟା ! |
୮. କାନ୍ଧ ବଙ୍କା କରି ଚାଲିବା:
ଯେଉଁମାନେ କାନ୍ଧ ବଙ୍କା କରି ଚାଲନ୍ତି ସେମାନେ ଖୋଲାମନସ୍କ ହୋଇ ନଥାନ୍ତି ଏବଂ ସବୁ ବିଷୟରେ ସନ୍ଦେହ କରନ୍ତି । ଅନ୍ୟପକ୍ଷରେ, ଯଦି ଆପଣ ଗୋଟିଏ ସ୍ଥାନରେ ସ୍ଥିର ହୋଇ ରହୁ ନାହାନ୍ତି ଓ ସର୍ବଦା ଏପଟ ସେପଟ ହୋଇ ଚାଲୁଛନ୍ତି, ସ୍ମୃତିଶକ୍ତି ଦୁର୍ବଳ ଅଛି, ପେଟ ସମସ୍ୟା ଅଛି ଏବଂ ପ୍ରଚୁର ଝାଳ ବାହାରୁଛି, ତେବେ ବୁଝିନିଅନ୍ତୁ ଯେ, ଆପଣଙ୍କ ରାଶିରେ ବୃହସ୍ପତି ଏବଂ ବୁଧ ଖରାପ ସ୍ଥିତିରେ ଅଛନ୍ତି ।
Disclaimer: (ଏଠାରେ ଦିଆଯାଇଥିବା ତଥ୍ୟ ଜ୍ୟୋତିଷ ଶାସ୍ତ୍ର ଏବଂ ପଣ୍ଡିତମାନଙ୍କ ମତ ଉପରେ ଆଧାରିତ । ଏହା ଇଟିଭି ଭାରତର କୌଣସି ନିଜସ୍ବ ମତ ନୁହେଁ ।)
