Road Accident Video: ଲୋମଟାଙ୍କୁରା ଦୁର୍ଘଟଣା, ଭିଡିଓ ଭାଇରାଲ

ହରିୟାଣା : ହରିୟାଣାର ଫତେହାବାଦରେ ଶୁକ୍ରବାର ଦିନ ଘଟିଥିବା ସଡ଼କ ଦୁର୍ଘଟଣାର ଏକ ସିସିଟିଭି ଭିଡିଓ ସାମ୍ନାକୁ ଆସିଛି । ଗୁଲାରୱାଲ ଗାଁର ବାସିନ୍ଦା ୨୪ ବର୍ଷୀୟ ବିଜୟ ଶୁକ୍ରବାର କିଛି କାମ ପାଇଁ ଭୁନା ଠାରୁ ଫତେହାବାଦକୁ ଯାଉଥିଲେ। ଏହି ସମୟରେ ଗୋରଖପୁରରୁ ଭବନ ଆଡକୁ ଆସୁଥିବା ଚଣ୍ଡିଗଡ଼ ରାଜ୍ୟ ରାଜପଥ ଛକ ନିକଟରେ ଏକ ପିକଅପ୍ ଗାଡି ବିଜୟଙ୍କ ବାଇକକୁ ଧକ୍କା ଦେଇଥିଲା। ଏହି ଦୁର୍ଘଟଣାରେ ବାଇକ୍ ଆରୋହୀ ଆକାଶ ଉପରକୁ ଉଡିଗଲା ଭଳି ଉଡ଼ିଥିଲେ । ପରେ ଏକ କାର ସହ ମୁହାଁମୁହିଁ ହୋଇ ରାସ୍ତାରେ ପଡ଼ିଯାଇଥିଲେ । ସେହି ସମୟରେ ବାଇକ ଆରୋହୀଙ୍କ ମା' ମଧ୍ୟ ରାସ୍ତା ମଝିରେ ପଡିଯାଇଥିଲେ । ମା' ଓ ପୁଅ ଉଭୟ ଆଗ୍ରୋହା ସ୍ଥିତ ଏକ ଡାକ୍ତରଖାନାରେ ଚିକିତ୍ସିତ ହେଉଛନ୍ତି । ବ୍ୟୁରୋ ରିପୋର୍ଟ, ଇଟିଭି ଭାରତ