କୋରୋନା ଯୁଦ୍ଧରେ ସରକାରଙ୍କୁ ସହଯୋଗ କରିବାକୁ ବିରୋଧୀଙ୍କୁ ସସ୍ମିତଙ୍କ ଆହ୍ବାନ

ଭୁବନେଶ୍ବର: ଓଡିଶା ସରକାରଙ୍କ ନିକଟରେ 15 ହଜାର ଟେଷ୍ଟିଂ କରିବାର କ୍ଷମତା ଥିବା କହିଛନ୍ତି ବିଜେଡି ମୁଖପାତ୍ର ତଥା ସାଂସଦ ସସ୍ମିତ ପାତ୍ର । ବିଜେପି ମୁଖପାତ୍ର ଗୋଲକ ମହାପାତ୍ରଙ୍କ ମନ୍ତବ୍ୟର ଉତ୍ତର ଦେଇ ସସ୍ମିତ କହିଛନ୍ତି, ସେ ପ୍ରଥମେ ନିଜ ଶାସିତ ରାଜ୍ୟମାନଙ୍କ ସୂଚନା ଦେଖନ୍ତୁ । ସେମାନେ ସମସ୍ତେ ମଧ୍ୟ କେନ୍ଦ୍ର ଓ ଆଇସିଏମଆରର ନିର୍ଦ୍ଦେଶ ଅନୁସାରେ ଟେଷ୍ଟିଂ କରୁଥିବା କହିଛନ୍ତି । ଏହି କୋରୋନା ଯୁଦ୍ଧ ସମୟରେ ବିରୋଧୀ ଦଳମାନେ ନିମ୍ନମାନର ରାଜନୀତି କରିବା ଉଚିତ ନୁହେଁ ବୋଲି ସେ ନିଜ ପ୍ରତିକ୍ରିୟାରେ କହିଛନ୍ତି ।