ନବବର୍ଷ ଶୁଭେଚ୍ଛା: ଲାଇଟ ହାଉସ ବେଳାଭୂମିରେ ବାଲୁକା ଚିତ୍ରକଳା

ପୁରୀ: 2021 ମସିହାରେ ମହାପ୍ରଭୁ ଶ୍ରୀଜଗନ୍ନାଥଙ୍କ କୃପାରୁ ସାରା ବିଶ୍ୱବାସୀ ସୁରକ୍ଷିତ ରୁହନ୍ତୁ । କୋଭିଡ ଭଳି ମହାମାରୀ ଶୀଘ୍ର ଦୂରେଇ ଯାଉ । ସାରା ବିଶ୍ୱବାସୀ କଷ୍ଟରୁ ମୁକ୍ତି ପାଆନ୍ତୁ । ଏଭଳି କାମନା କରିଛନ୍ତି ପୁରୀର ସୁନାମ ଧନ୍ୟ ବାଲୁକା ଶିଳ୍ପୀ ମାନସ ସାହୁ । ପ୍ରତିବର୍ଷ ଭଳି ଚଳିତ ବର୍ଷ ମଧ୍ଯ ସେ ଏକ ବାଲୁକା ଚିତ୍ରକଳା କରି 2021 ନବବର୍ଷର ଶୁଭେଚ୍ଛା ଦେଇଛନ୍ତି । ପୁରୀ ଲାଇଟ ହାଉସ ବେଳାଭୂମିରେ ଥିବା ମାନସ ସାହୁ ସ୍ୟାଣ୍ଡ ଆର୍ଟ ପାର୍କରେ ଏହି ସୁନ୍ଦର ବାଲୁକା ଚିତ୍ର କଳା କରି ନବ ବର୍ଷର ଅଭିନନ୍ଦନ ଦେଇଛନ୍ତି । ପୁରୀରୁ ଶକ୍ତି ପ୍ରସାଦ ମିଶ୍ର, ଇଟିଭି ଭାରତ