ତାଳଚେର ସାଉଥବଲଣ୍ଡାରେ ରାବଣ ପୋଡ଼ି ଉତ୍ସବ, ସାମିଲ ହେଲେ ଧର୍ମେନ୍ଦ୍ର ପ୍ରଧାନ

ଅନୁଗୋଳ: ରାବଣ ପୋଡି ଉତ୍ସବରେ ଯୋଗ ଦେଲେ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ । ଆଜି ବିଜୟା ଦଶମୀ ଅବସରରେ ଅନୁଗୋଳ ଜିଲ୍ଲା ତାଳଚେର ବଲଣ୍ଡା ଠାରେ ଆୟୋଜିତ ହୋଇଥିଲା ରାବଣ ପୋଡ଼ି ଉତ୍ସବ । ଏଥିରେ ମୁଖ୍ୟ ଅତିଥି ଭାବରେ ଯୋଗଦେଇ ରାବଣ ବଦ୍ଧ କରିଛନ୍ତି ଧର୍ମେନ୍ଦ୍ର ।  

ଆଜି ସଂଧ୍ୟାରେ ତାଳଚେର ସାଉଥବଲଣ୍ଡା ସ୍ଥିତ ଦଶହରା ପଡ଼ିଆରେ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନଙ୍କ ଉପସ୍ଥିତିରେ ରାବଣ ପୋଡି ଉତ୍ସବ ଅନୁଷ୍ଟିତ ହୋଇଥିଲା। ପାଖାପାଖି 70 ଫୁଟ ଉଚ୍ଚର ଏକ ବିରାଟ ରାବଣ ପ୍ରତିମୂର୍ତ୍ତିରେ ଅଗ୍ନି ସଂଯୋଗ କରିଥିଲେ । ଅସତ୍ୟ ଉପରେ ସତ୍ୟର ଜୟ ଏବଂ ଅଧର୍ମ ଉପରେ ଧର୍ମର ଜୟ ପ୍ରତୀକ ଭାବେ ଏହି ରାବଣ ପୋଡି ଉତ୍ସବ ପାଳନ ହୋଇଥାଏ । ଆତଶବାଜିରେ ପ୍ରକମ୍ପିତ ହୋଇଥିଲା ଦଶହରା ପଡ଼ିଆ । ତେବେ ରାବଣ ପୋଡ଼ି ଉତ୍ସବକୁ ଦେଖିବାକୁ ପାଇଁ ଆଖପାଖ ଅଞ୍ଚଳର ହଜାର ହଜାର ଦର୍ଶକ ଉପସ୍ଥିତ ଥିଲେ । ତାଳଚେରରେ ରାବଣ ପୋଡ଼ି ଉତ୍ସବ ପରେ ଧର୍ମେନ୍ଦ୍ର ଢେଙ୍କାନାଳ ଅଭିମୁଖେ ଯାତ୍ରା କରିଥିଲେ ।

ଏହା ମଧ୍ୟ ପଢ଼ନ୍ତୁ....ଦାରୁଠେଙ୍ଗର ଆକର୍ଷଣ ସାଜିବ ୧୦୦ ଫୁଟର ରାବଣ, ୩୫ ବର୍ଷ ଧରି ତିଆରି କରୁଛି ଏହି ପରିବାର

ଇଟିଭି ଭାରତ, ଅନୁଗୋଳ