ବିଶ୍ୱ ଦିବ୍ୟାଙ୍ଗ ଦିବସ ଉପଲକ୍ଷେ ଦିବ୍ୟାଙ୍ଗ ଟି 20 କ୍ରିକେଟ ପ୍ରତିଯୋଗିତା

ଭବାନୀପାଟଣା: କ୍ରିକେଟ ଖେଳିଲେ ଦିବ୍ୟାଙ୍ଗ । ବିଶ୍ବ ଦିବ୍ୟାଙ୍ଗ ଦିବସ ଅବସରରେ ଦିବ୍ୟାଙ୍ଗ ଟି20 କ୍ରିକେଟ ପ୍ରତିଯୋଗିତା ଅନୁଷ୍ଠିତ ହୋଇଛି । କଳାହାଣ୍ଡି ଜିଲ୍ଲା ମଦନପୁର ମରାମପୁର ବ୍ଲକ ସ୍ଥିତ ଦୁର୍ଗା ମାଧବ ସରକାରୀ ଉଚ୍ଚ ବିଦ୍ୟାଳୟ ଖେଳ ପଡିଆ ଠାରେ ଏମରାମପୁର ବନାମ ବରଗଡ଼ ଦଳ ମଧ୍ୟରେ ଦିବ୍ୟାଙ୍ଗ ଟି-20 କ୍ରିକେଟ ପ୍ରତିଯୋଗିତା ଅନୁଷ୍ଠିତ ହୋଇଥିଲା । ପ୍ରଥମ ଥର ପାଇଁ ଏଠାରେ ଦିବ୍ୟାଙ୍ଗ କ୍ରିକେଟ ହୋଇଥିବା ଯୋଗୁଁ ମ୍ୟାଚ ଦେଖିବା ପାଇଁ ଶତାଧିକ ଦର୍ଶକଙ୍କ ଭିଡ ପରିଲକ୍ଷିତ ହୋଇଥିଲା । ଦିବ୍ୟାଙ୍ଗ ପିଲାମାନେ ଅପାର କଳା କୌଶଳର ଅଧିକାରୀ ସେମାନେ ସାଧାରଣ ଲୋକଙ୍କ ଠାରୁ କୌଣସି କ୍ଷେତ୍ରରେ କମ ନୁହନ୍ତି ବୋଲି ଷ୍ଟେଟ ବ୍ୟାଙ୍କ ମ୍ୟାନେଜର ମାନଭଞ୍ଜନ ସ୍ୱାଇଁ ଯୋଗଦେଇ ବକ୍ତବ୍ୟ କରିଥିଲେ । 

ବରଗଡ ରାଜିଙ୍ଗ ଷ୍ଟାର ଓ ଏମରାମପୁର ମଧ୍ୟରେ ଅନୁଷ୍ଠିତ ମ୍ୟାଚ ବରଗଡ ନିର୍ଧାରିତ ଓ଼ଭରରେ 4 ୱିକେଟ ବିନିମୟରେ 115 ରନ ସଂଗ୍ରହ କରିଥିଲା । ଏମରାମପୁର ଦଳ ମାତ୍ର 112 ରନରେ ସୀମିତ ରହିଯାଇଥିଲେ । ବରଗଡ଼ ଟିମ ବିଜୟ ହାସଲ କରିଥିଲେ । ଭୀମଭୋଇ ଦିବ୍ୟାଙ୍ଗ କଲ୍ୟାଣ ପ୍ରତିଷ୍ଠାନ ଏମରାମପୁର ତରଫରୁ ଆୟୋଜିତ ଉକ୍ତ କ୍ରିକେଟ ମ୍ୟାଚ ରେ ସଂସ୍ଥାର ମୁଖ୍ୟ ସୁଶାନ୍ତ ସାହୁ ଓ ଟୁନି ପଣ୍ଡା ଉପସ୍ଥିତି ରହି ଖେଳାଳୀ ମାନଙ୍କୁ ଉତ୍ସାହିତ କରିଥିଲେ ।

ଇଟିଭି ଭାରତ, କଳାହାଣ୍ଡି