Terrific Video: ପାହାଡ଼ ଉପରୁ ଖସିଲା ପଥର, ଆଖିପିଛୁଳାକେ ଚେପା କାର 2 ମୃତ

ଦିମାପୁର (ନାଗାଲାଣ୍ଡ): ସତରେ ମୃତ୍ୟୁ କେଉଁଠି କେଉଁ ରୂପରେ ଛପିଥିବ ତାହା ଜାଣିବା ସାଧାରଣ ମଣିଷ ପକ୍ଷେ ଅତ୍ୟନ୍ତ କଷ୍ଟକର । କ୍ଷଣିକ ମଧ୍ୟରେ ମନୁଷ୍ୟ ଜୀବନ ଚାଲିଯିବା ଅତ୍ୟନ୍ତ ଆଶ୍ଚର୍ଯ୍ୟଜନକ କଥା ନିହାତି । ଏହି ଦୃଶ୍ୟ ଠିକ ଏହା ବୟାନ କରୁଛି । ଆଖି ପିଛୁଳାକେ ଚକ୍‌ ଚକ୍‌ କରୁଥିବା କାରଟି ବିଶାଳ ପଥର ଧକ୍କାରେ ଚେପା ହୋଇଯାଇଥିବା ବେଳେ 2ଟି ଅମୂଲ୍ୟ ଜୀବନ ମଧ୍ୟ ଉଡିଯାଇଛି । ନାଗାଲାଣ୍ଡ ଦିମାପୁର ଅଞ୍ଚଳରେ ଏହି ଦୃଶ୍ୟ ଦେଖିବାକୁ ମିଳିଛି । ଦିମାପୁର ଚୁମୁକେଦିମାରେ ବର୍ଷା ହେଉଥିବା ବେଳେ କିଛି କାର ରାସ୍ତାରେ ଅଟକି ରହିଛି । ଠିକ ସମୟରେ ରାସ୍ତାକଡ଼ ପାହାଡ଼ରୁ ଏକ ବିରାଟ ପଥର ଆସି କାର ଉପରେ ମାଡ଼ି ଯାଇଥିବା ବେଳେ ଆଖି ପିଛୁଳାକେ କାରଟି ଚେପା ହୋଇଯାଇଛି । ତେବେ କାରରେ ଯାତ୍ରା କରୁଥିବା 2ଜଣଙ୍କ ମୃତ୍ୟୁ ଘଟିଥିବା ବେଳେ 3 ଜଣ ଗୁରୁତର ମଧ୍ୟ ରହିଛନ୍ତି । ଏହି ଭାଇରାଲ ଭିଡିଓ ନେଇ ସ୍ଥାନୀୟ ପୋଲିସ ମଧ୍ୟ ସୂଚନା ଦେଇଛି । ଦେଖନ୍ତୁ ଏହି ଛାତିଥରା ଦୃଶ୍ୟ